Upasalmi 21:3 - ICIGHAN BIBILO

³ Gadia U za kegh un gbenda a iveren i sha akaadoon; u cir un idyer i tor, i zenaria u wang, sha ityo.

Upasalmi 21:3 Iomraidhean Croise

2 Samuel 12:30

A bugh tor ve la idyer i tor kera, myohom ma i lu talenti u zenaria môm, iwen i injaa lu sha mi; i gema i i cir Davidi sha ityou, shi a kura ishar i ken gar la ngee je zua ga.

2 Samuel 2:4

Tsô ior mba Yuda va, va shighe Davidi mkurem heregh er a̱ lu tor sha ya u Yuda. Er ve kaa a Davidi er: Ka ior mba Yabeshi-gileadi, ve ii Saulu yô,

2 Samuel 5:3

Nahan mbatamen mba Iserael cii va hen tor hen Heberon; tor Davidi ya ikur a ve hen Heberon sha ishigh ki TER; nahan ve shighe Davidi mkurem, ve ver un tor sha Iserael.

1 Kroniku 20:2

Tsô Davidi bugh tor ve la idyer i tor kera, a kar myohom ma i, kuma talenti u zenaria môm, iwen i injaa lu sha mi; i gema i i cir Davidi sha ityou; a kura ishar i ken gar la, ngee je zua ga.

2 Kroniku 6:41

Yô, TERE, Aôndo, mough va hen ijiir You i memen, We, kua areki u agee Ou; TERE, Aôndo, upristi Ou ve̱ haa myom iyol, uicighan Ou kpaa ve̱ ember kwagh u doon.

Yobu 41:11

Ka an nan vande nan Mo kwagh er Me shi Me hire nan a mini? Hanma kwagh u shin tar cii ka u Wam.

Upasalmi 18:18

Ve ta sha a mo sha iyange i ican yam, kpa TER lu ishuur wam;

Upasalmi 20:5

Sé ember myom Wou; man ken iti i Aôndo wase yô, sé tim ityuta yase sha. TER A̱ er sha mbamsen ou cii.

Upasalmi 31:19

Kpash! Mdoon Ou vese je, ma U ver sha ci u mba ve cie U la, ma U ser sha ci u mba ve suur sha a We, sha ishigh ki ônov mba iorov yô!

Upasalmi 59:10

Aôndo wam Una keghem gbenda a erdoo Na; Aôndo Una rumun u me nenge isharen yam sha mbaihomov av.

Mbaromanu 11:35

Shin ka an nan lu vande nan Un kwagh sha u i̱ shi i̱ hide i̱ na nan kwagha?

Mbaromanu 2:4

Shin u ngu tsumen sha kwagh u erdoo Na u ngeen yum la man bem Na man ishimawan Na; u kera fa er erdoo u Aôndo a lu zan a we ken mgemshima gaa?

Mbaefese 1:3

I̱ wuese Aôndo, Ter u Ter wase Yesu Kristu u A ver se sha hanma iveren i dedoo i ken jijingi sha ajiir a Sha ken Kristu.

Mbaheberu 2:9

Kpa se mba nengen a Yesu u i ver Un A yina sha mbatyomov mba Shaav sha anshighe kpeghee la. Ka sha ci u ican i kuugh la man i cir Un iengem iyol kua icivir kpaa ye, sha u Una kav mlu u kuugh sha ci u ior cii, sha mhôônom ma Aôndo.

Mpase U Yohane 19:12

Ashe a Na ka nomborusu; sha ityough Nagh yô, ader a tor lu imôngo. I nger Un iti i ma or nan fe i ga, saa Un iyol Na tsô.

1 Samuel 16:13

Tsô Samuel tôô korough ku mkure, a shighe un mkurem hen atô u anmgbianev nav; Jijingi u TER kpaa kende Davidi sha agee, hii sha iyange la je man ken hemen kpaa. Tsô Samuel mough, yem hen Rama.