Upasalmi 20:8 - ICIGHAN BIBILO

⁸ Ve yô, i shiligh a ve inya, ve gba; kpa se, se mough, se tile sha.

Upasalmi 20:8 Iomraidhean Croise

2 Utor 19:23

Ka sha mbatyomov ou mbala, u laha TER ye, u kaa wer: Sha ikpila-akeke yam m unde sha ityouv mbi iwoogh zan zan ken atô u Lebanon, m gber ugôgômbausedar nav kua uicighanmbaikonov mba fer nav; m nyôr zan zan m za ar hen zuer na henpe ikô i hembe wan la.

2 Kroniku 14:10

Nahan Asa due u za zuan ityav a na, maa ve samber ityav shin pev u Sefata hen Maresha.

2 Kroniku 14:11

Tsô Asa genger imo yila TER, Aôndo na, a kaa er: TERE, ma orwasen u nana nyôr hen atô u or u ageegh vea isheeror nan ngu ga, saa We; wase se TERE, Aôndo wase, gadia se mba suur sha a We, man ka ken iti You kpaa se ve ityav hen ikpelaior ne ye. TERE, ka We U lu Aôndo wase ye; or a̱ de hembe ga, saa We tseegh.

Esera 8:22

Gadia kunya kôrom u sônon tor er a̱ nam ikum i mbautyav kua mbaanyinyav sha u wasen se sha mbaihomov asev sha gbenda; gadia se vande ôron kwagh a tor ser: Uwegh ku Aôndo wase ku a mbakeren Un cii sha u Una er a ve dedoo yô, kpa agee Na gema nga num a mba ve undu Un cii, iyugh Na kpaa nahan.

Upasalmi 124:8

Iwasen yase ngi ken iti i TER, u A gbe Sha man tar yô. Ka icam i zan iniongo

Upasalmi 125:1

Ve mba ve suur sha TER yô, mba er uwo u Shion nahan, u u tenger ga, u gbe lun gbem sha won yô.

Upasalmi 33:16

Ma tor nan wer sha ikumutya i vesen ga, ortaveryol kpaa nan wer sha mvese u agee a nan ga.

Upasalmi 33:17

Nyinya ngu a inja sha u zuan a mhembe ga, una war or sha agee a na a vesen kpaa ga.

Anzaakaa 21:31

Ka i sôr nyinya iyol sha ci u iyange i utya; kpa mhembe yô, ka hen TER a lu ye.

Hosea 14:4

Me wanger mhirjime ve, vea gba doon Mo ishima tsô; gadia iyugh Yam gema her a na kera;

Mika 7:8

De kera ember sha a mo ga, we orihom wam, mea gba kpaa, shi me mough; mea tema ken ime kpaa, TER Una lum iwanger.

Yosua 11:4

Tsô ve due, kua akumautya ve cii, ior ngee kpishi, er waarawa u hen kpezegemnger nahan, a anyinya man akeke a kpelan kpishi je.

Mbaajiriv 5:31

Mbaihomov Ou cii, ve̱ saa ishe nahan TERE! Kpa mba A doo ve ishima la yô, ve mba er iyange, zum u ka ia due sha agee a i nahan. Tsô tar la zua a mmem anyom akunduahar.

1 Samuel 17:45

Tsô Davidi kaa a Orfiliti la er: U ngu van her a mo a sanker man iwange kua dagi, kpa mo yô, m ngu van hen a we ken iti i TER u akum a Sha, Aôndo u akumautya a Iserael, u u bamen Un la.