Upasalmi 19:9 - ICIGHAN BIBILO

⁹ Mcie u cian Aôndo ka kwagh u wang, u lun gbem; akaaôron a jirigh a TER ka a mimi je, ka a perapera cii;

Upasalmi 19:9 Iomraidhean Croise

Genese 22:12

A kaa er: De ze uwegh ough sha wanakiriki ga, shi de eren un ma kwagh kpaa ga; gadia hegen yô, M fa u ngu or u cian Aôndo sha er u nyumum wan wou u môm môm kpaa ga yô.

Genese 42:18

Sha iyange i sha utar la, Yosev kaa a ve er: Ka kwagh u né er, ve né lu uma ne; gadia mo m cie Aôndo:

1 Utor 18:12

Tsô aluer me karen hen we kera yô, Jijingi u TER Una tôô u, Una yem a we henpe m fe ga yô, nahan zum u me za kaa Ahaba man una fan ityô u zuan a we ga yô, una wuam je. Kpa mo wanakiriki wou m cia TER, er m lu iyev je.

Nehemia 5:15

Kpa ugomna mba ve vande teman a mo yô, ve yuhwan ior ikav, ve ngohol bredi man wain her a ve, man shi azurfa ushekel akunduahar; mbatomov vev kpaa lu eren tahav sha ior; kpa mo yô, m er nahan ga, sha ci u cian Aôndo.

Upasalmi 10:5

Igbenda na cii ngi lagh un gbem; ajiraôron a Ou nga sha je, a gba ca a nan; mbaahendanev nav cii kpaa, a ta ve ahenge.

Upasalmi 111:10

Mcie u cian Aôndo ka mhii u kwaghfan je la, mbaeren sha mi cii yô, mba a mkav u dedoo; iwuese Na ngi gbem sha won.

Upasalmi 115:13

Una ver mba ve cie TER doo doo, mbakiriki kua mbavesen cii.

Upasalmi 119:1

Mba i saan ve iyol yô, ka mba gbenda ve u lu vough, ve zenden sha tindi u TER la.

Upasalmi 119:106

M bum, shi me kure un kpaa, me kuran akaaôron a jirigh a Ou a perapera.

Upasalmi 119:111

M ngohol mbampase Ou mer ve̱ lu dyako wam gbem, gadia ka ve, ve lu iember i ishima yam ye.

Upasalmi 119:142

Perapera Wou ka perapera u tsôron gbem sha won je, atindiakaa a Ou kpaa ka a mimi.

Upasalmi 119:39

Gema iheen yam, i m cie i la, kera, gadia akaaôron a Ou a jirigh la doo.

Upasalmi 119:62

Ka m mough ateghôtôutu m wuese We, sha ci u akaaôron a jirigh a Ou a mimi la.

Upasalmi 119:7

Me wuese We a ishima i jighilii, zum u me henen akaaôron a Ou a jirigh a perapera la yô.

Upasalmi 119:75

M fa, TERE, akaaôron a Ou a jirigh ka a perapera je, man er i lu sha jighjigh Wou man U erem ican je ye.

Upasalmi 12:7

We, Ú koson ve, TERE; Ú kuran se sha kov ne gbem.

Upasalmi 147:19

A tesen Yakob mkaanem Nam, man Iserael kpaa akaawan a Na man ajir a Na a ôron.

Upasalmi 36:1

Kwaghbo ngu a ôr kwagh a iferor ken atô u ishima i nan; —nan cie Aôndo je ga—

Upasalmi 36:6

Perapera Wou ngu er iwo i Aôndo yô, ijirôron You ngi er ivmnger nahan; TER, U koson or kua inyamtoho kpaa.

Ekesodu 21:1

Ka akaaôron a jirigh a ú ver ve sha ishi ne:

Anzaakaa 8:13

Mcie u cian TER yô, ka u vendan kwaghbo je; iyolmoron man iceen man gbenda u bo kua zwa u u er kwagh sha ifer yô, m vende.

Yesaia 26:8

Sha gbenda u ajiraôron a Ou kpaa, TERE, se lu keghen We. Iti You man m-umbur u umbur We la, sar uma wase tsung.

Yesaia 45:19

M ôr kwagh ken myer, shin ken ma ijiir ken tar u imegh kpaa ga; M kaa a tsombor u Yakob Mer: Gba keren nen Mo gbilin tsô ga; Mo TER M er kwagh u perapera, M pasen akaa a a lu vough.

Aerenakaa A Mbaapostoli 10:22

Ve kaa er: Korneliu torutya, ka or u perapera u cian Aôndo, u Mbayuda cii ve lu eren shiada u dedoo sha a na la, a ungwa kwaghôron sha zwa u icighanortyom u Sha er a̱ yila u, u̱ va hen ya na, Sha u a̱ ungwa kwaghôron her a we.

Mbaromanu 11:22

Nahan nenge mhôônom ma zungwen man shi ipila i Aôndo. Mba ve gbe yô, ka ipila, kpa we yô, ka mhôônom ma zungwen ma Aôndo aluer wea tile sha mhôônom ma zungwen yô. Gayô, we kpaa á tôndo u kera.

Mbaromanu 2:2

Se fa ka sha mimi je ijirôron i Aôndo ka i kôr mba ve eren ambaakaa la ye.

Duteronomi 4:8

Man ka hanma zegeikurior je i lu a akaawan man atindi a perapera er atindi ne nahan cii, a m lu veren ne sha ishi nyian nee?

Mpase U Yohane 15:3

Ve lu wan icam i Mose wanakiriki u Aôndo man shi icam i Waniyôngo kpaa, ve lu kaan er: We Ter, Aôndo, Uhembanagee, ityom You i vese, i kpiligh iyol kpaa. Igbenda You ka jighjigh man shi mimi kpaa, We, Tor u akuraior cii.

Mpase U Yohane 16:7

Shi m ungwa atse a nanden nagh sha mi la kpaa lu kaan er: Kape i lu je la Tere, Aôndo Uhembanagee, ajir a Ou a ôron ka sha mimi man sha jighjigh kpaa.

Mpase U Yohane 19:2

gadia ajir a Na a ôron ka a mimi, nga jighjigh kpaa; gadia A kure ijir i zegeidyakwase u a lu vihin tar sha idya na ne, A or un iyev sha ci u awambe a mbatomov Nav la.

1 Samuel 12:24

Ka TER cian nen Un ye, civir nen Un sha mimi a ishima yen cii; gadia nenge nen uzegembaakaav mba A er sha ci wen yô.