Upasalmi 19:7 - ICIGHAN BIBILO

⁷ Atindi a TER nga vough je, nga hir, nga taver uma her; mpase u TER ka u jighjigh, ka a na orlanenkwagh nan hingir orfankwagh.

Upasalmi 19:7 Iomraidhean Croise

2 Samuel 23:5

Kape ya wam a lu hen Aôndo je la gaa? Gadia A ya ikur i tsôron a mo, i i vande sôron i vighe vighe, man ka i bunden ga kpaa; gadia myom wam cii kua isharen yam cii, Una er er vea vese gaa?

Yobu 23:12

M hide ijime sha tindi u sha zwa Na kpaa ga; m wa akaaôron a Na iko, je hemba kwaghyan wam kpaa.

Upasalmi 111:7

Ityom i sha ave Na ka i mimi man i vough kpaa; uiniezwa Nav cii ka mba dông,

Upasalmi 119:105

Mkaanem Ou ka imenger i angahar a am, man iwanger i gbenda wam kpaa.

Upasalmi 119:111

M ngohol mbampase Ou mer ve̱ lu dyako wam gbem, gadia ka ve, ve lu iember i ishima yam ye.

Upasalmi 119:130

Mbugh u akaaôron a Ou ne iwanger, man shi ne mba ve lan kwagh mkav kpaa.

Upasalmi 119:14

M ember sha gbenda u mbampase Ou tsung je, bee er ka sha inyaregh ki ngeen nahan.

Upasalmi 119:152

M fa ngise je sha kwagh u mbampase Ou, er U ver ve sha er ve̱ lu gbem yô.

Upasalmi 119:24

Mbampase Ou kpaa ka iember yam je, shi ka ve kpaa ve hingir mbawasen mo mhen ye.

Upasalmi 119:72

Atindiakaa a sha zwa Wou hembam agbenger a zenaria man a azurfa udubu je.

Upasalmi 119:9

Ka sha nyi man wanyekwaor una wanger gbenda na? Ka sha u wan mkaanem Ou iko.

Upasalmi 18:30

Gbenda u Aôndo yô, ka u jighilii je; mkaanem ma TER ma wang cii; Un ka perutya u mba ve suur sha a Na la cii.

Upasalmi 23:3

A er i yôhôl uma wam iyol; A hemen mo sha igbenda i perapera sha ci u iti Na.

Upasalmi 93:5

Mbampase Ou ka mba mimi je; iyou You kuma mtsegh, gbem, mayange kera bee ga, TERE.

Anzaakaa 1:4

Sha u nan orlanenkwagh m-er u sha uee, man wanyekwaor mfe kua m-er u sha inja;

Yesaia 8:16

Kange mpase, cir ityesen, ver ikav sha mi hen mbahenen Av.

Yesaia 8:20

Hide nen sha ityesen kua mpase! Aluer vea ôr sha kwaghôron ne ga yô, m-av u use kera ngu sha ci ve ga.

YOHANE 5:39

Ne mba timen ken icighanruamabera sha ci u ne mba henen ner, ka sha a ve man né zua a uma u tsôron ye; yô, ka ve je ve pasen kwaghwam ye.

Aerenakaa A Mbaapostoli 10:43

Uprofeti cii mba pasen Un er, ka ken iti Na je man hanma or u nan ne Un jighjigh yô, á de nan asorabo a nan ye.

Mbaromanu 12:2

De hingir nen inja i môm a tar ne ga, kpa i̱ gema ne sha mgem u he u mhen wen sha er né kav er ishima i Aôndo i lu yô man kwagh u a doo man a kom u rumun un man shi a lu vough la kpaa yô.

Mbaromanu 15:4

Gadia akaa a i vande ngeren la cii ka sha ci u ityesen yase lu i nger a ye, lu sha u se̱ lu a ishimaverenkeghen sha ishimawan man ishimasurun i ken icighanruamabera la.

Mbaromanu 3:2

Ngi a inja kpe kpe, sha igbenda kposo kposo kpaa. Kwagh u hiihii yô, i na ve akaaôron a Aôndo sha ikev.

Duteronomi 32:4

Ka Vande, tom Na ngu vough; gadia igbenda Na cii, ngi jighilii. Ka Aôndo u jighjigh, ngu a ifer ga, Un ka u perapera man u mimi.

Mbakolose 3:16

Kwaghôron u Kristu a̱ tema ken a ven gbing, tesen nen ayol a en kwagh shi waan nen ayol a en kwagh sha kwaghfan cii, shi waan nen upasalmi man atsam man gberen nen amo a ken jijingi, sughun nen Aôndo ken asema a en.

WASHIKA U SHA UHAR U PAULU APOSTOLI TINDI HEN TIMOTEU - 2TI 1:8

Nahan yô, kunya u̱ de ker u u eren shiada sha u pasen Ter wase ga, u̱ de ker u sha kwagh wam, mo orkwar Na kpaa ga, kpa nyôr nongo sha ican i yan sha ci u Loho u Dedoo sha agee a Aôndo,

WASHIKA U SHA UHAR U PAULU APOSTOLI TINDI HEN TIMOTEU - 2TI 2:19

Kpa imagh ki Aôndo ki ki tenger ga la yô, ki tile her, ki a ikav ne: Ter fa mba Nav, man shi, hanma or u nan teren iti i Ter yô, nana̱ pav a ifer.

Yakobu 1:17

Hanma nagh ku dedoo man hanma iwua i vough kpaa ka Sha hen Ter u iwanger ve dugh, ve senen ye. Un yô, ma mgem ngu ken a Na ga, shin mure u mgem tsô kpaa ga.

Yosua 1:8

Ruamabera u atindigh ne a̱ de karen sha zwa wou kera ga, kpa zer timen kimi tugh man atetan, sha er ú ver ishima u eren akaa a i nger kimi cii; gadia ka nahan man ikôr ia lagh u sha akaa cii, shi ka nahan man ú er kwagh sha inja kpaa ye.

Mpase U Yohane 19:10

Nahan m gba inya, m cir ishigh inya hen angahar a na, sha u me civir un. Kpa a kaa a mo er: De eren nahan ga! M ngu ortom a we imôngo kua anmgbianev ou mba ve lu a shiada sha kwagh u Yesu la kpaa. Civir Aôndo. Gadia ka shiada u sha kwagh u Yesu a lu jijingi u akaaôron a profeti ye.