Upasalmi 19:14 - ICIGHAN BIBILO

¹⁴ Akaaôron a ken zwa wam man mhen wam u ken ishima, ve̱ lu kwagh u kuman We ishima, TERE, Vande wam man Orpaan wam.

Upasalmi 19:14 Iomraidhean Croise

Yobu 19:25

Kpa mo yô, m fa Oryiman wam ngu uma, ken masejime Una mough Una tile sha vuulevu.

Upasalmi 104:34

Mbamhen av ken ishima ma ve doo Un; mo yô, me ember ken TER tsung.

Upasalmi 119:108

TERE, ma U ngohol nagh ku sha ishima i dedoo ku sha zwa wam ne, shi tesem akaaôron a Ou a jirigh kpaa.

Upasalmi 51:15

Tere, bughum ityumbuzwaagh, nahan zwa wam ua pase iwuese You.

Anzaakaa 15:8

Nagh ku aferaior ka TER kwagh u ndôhôrshima je, kpa msen u mbamimi yô, ka Un kwagh u ember je.

Yesaia 43:14

TER, Orpaan wen, Icighan u Iserael ngu kaan nahan er: Ka sha ci wen je Me tindi sha Babilon ye; Me sen a Mbakaldi cii, vea hingir mbayevese, ken utso vev mba ve ember sha mi la.

Yesaia 44:6

TER, Tor u Iserael man Orpaan na kpaa, TER u akum a Sha ngu kaan nahan er: Mo M ngu u hiihii, shi M ngu u masetyô kpaa; ma aôndo ugen ngu ga, saa Mo.

Yesaia 47:4

Oryiman wase, ka TER u akum a Sha, ka iti Na je la, Icighan u Iserael.

Yesaia 54:5

Gadia u A gbe u la, ka nomu je la, iti Na er, TER u akum a Sha je; man Icighan u Iserael ka Orpaan wou; á yila Un er Aôndo u sha won cii.

Mbaromanu 15:16

m̱ lu ortom u Yesu Kristu hen atôatyev ken icighantom u Loho u Dedoo u Aôndo, sha u nagh ku atôatyev ku̱ doo, ku̱ lu kwagh u i tsegh sha Icighan Jijingi yô.

1 Mbatesalonika 1:10

man né keghen mhir u Wan Na Sha, u A nder Un shin mbakpenev, ka Yesu u A yem se sha iyugh i i lu van la.

Titu 2:14

u A ne iyol Na sha ci wase sha u Una paa se sha hanma ifer cii man shi Una wanger nongoior sha ci Na iyol Na, mba asema a tsee ve u eren akaa a dedoo.

Mbaheberu 11:4

Ka sha jighjigh u nan man Abel na Aôndo nagh ku hemban doon a ku Kain ye. Ka sha mi kpaa man i er un shiada er a lu or u perapera ye, Aôndo kpaa er shiada u dedoo sha uiwua nav mbala. A kpe, kpa sha jighjigh na u nan la yô, shi ngu ôron kwagh her.

Mbaheberu 13:15

Nahan se naan nen Aôndo nagh ku iwuese gbem sha a Na, ka atam a ityumbujôôgh i pasen iti Na ken igbar je la.

1 Peteru 2:5

Ne kpaa, i̱ maa ne er ka awen a lun uma nahan, ne̱ lu iyou i ken jijingi, ne̱ hingir icighannongo u upristi sha u né naan nagh ku ken jijingi, ku ku doon Aôndo sha ci u Yesu Kristu yô.

Mpase U Yohane 5:9

Ve wa icam i he ve kaa er: We, U kuma u ngohol ruamabera la, bughun akav a na, gadia i sôngo U man U yam Aôndo ior sha awambe a Ou ken hanma nongo man hanma zwa man hanma nongoior man hanma ikurior,