Upasalmi 19:11 - ICIGHAN BIBILO

¹¹ Man shi ka sha a je i we wanakiriki Wou kwagh ye; u wan a iko yô, ka zegeinjar.

Upasalmi 19:11 Iomraidhean Croise

2 Kroniku 19:10

Hanma ijir i anmgbianev enev mba ve tem ken agar a ve, vea va a mi her a ven yô, shin a lu kwagh u iwooor shin kwagh u atindi kua atindiakaa man akaawan kua ajiraôron, wa nen ve kwagh, ve̱ de luun a ibo hen TER, er iyugh ia va sha a ven kua anmgbianev enev, ga; er nen nahan, tsô né kera lu a ibo ga.

Upasalmi 119:103

Mkaanem Ou zam zwa zee! Een, a hembam zam zwa a iyough i ken toho kpaa.

Upasalmi 119:11

M kusu mkaanem Ou ken ishima yam, sha er me er U isholibo ga yô.

Upasalmi 119:72

Atindiakaa a sha zwa Wou hembam agbenger a zenaria man a azurfa udubu je.

Anzaakaa 11:18

Orifer ka nan ngohol injar i kpeegh, kpa u nan lee perapera yô, injar i nan ka i mimi je.

Anzaakaa 24:14

nahan fa, kape kwaghfan kpaa a lu ken uma wou la, aluer wea zua a mi yô, injar ia lu ken hemen, man ishimaverenkeghen you kpaa á bunde i ga.

Anzaakaa 29:18

Henpe mpase a lu ga yô, ior ka ve ar ave, kpa or u nan we atindi iko yô, á saan nan iyol.

Esekiel 3:3

Nahan A kaa a mo er: Wan u or, de iyav ou mbu̱ ya, iv gbor wou a ihurenruamabera u M ne u ne. Tsô m ya i; i nyohom ken zwa er iyough nahan.

Mateu 3:7

Tsô er a nenge a Mbafarishi kua Mbasadushi kpishi lu van hen batisema ne yô, a kaa a ve er: Ne ônov mba igbindev mban, ka an man nan we ne kwagh er né yevese iyugh i i lu van la ase?

Mateu 6:18

sha u ior ve̱ de kaven er u lu hôron kwaghyan ga, saa di Teru u A lu ken myer la; man Teru u A nengen ken myer la, Una na u injar ken igbar.

Mateu 6:4

sha er iwua you i̱ lu ken myer yô, man Teru u A nengen ken myer la, Una na u injar you yô.

Mateu 6:6

Kpa we, shighe u wea eren msen yô, nyôr ken iyou you i ken iuv, u wuhe hunda kera yô, sôn Teru u A lu ken myer la; Una ungwa imo you.

Aerenakaa A Mbaapostoli 20:31

Sha ci u nahan yô, kuran nen, umbur nen er anyom atar je tugh man tetan, mayange uwer gbam u taver hanmô wen ishima a mliam ashe ga.

1 Mbakorinte 4:14

M nger ne akaa ne ka u van ne ahenge ga, kpa m ngu wan ne kwagh er ônov av mba doon mo ishima nahan.

1 Mbatesalonika 5:14

Anmgbianev, se mba taver ne asema ser, wa nen mba ve eren nzughul nzughul mbala kwagh, taver nen mba ve yen ishima la asema, wasen nen mba ve taver ga yô, waan nen ishima a ior cii.

Mbaheberu 11:26

A nenge iheen i Kristu hemba lun un a inja a akaa a injaagh a Igipiti cii, gadia a ver ashe sha injar.

Yakobu 1:25

Kpa or u nan kenger sha tindi u vough u a pasen se a toho la shi nan veren ishima yô, á saan nan iyol ken aeren a nan cii, gadia u ungwan kwagh yô, nan ngu or u kwagh hungul nan fefa ga, kpa nan ngu or u eren tom je.

2 Yohane 1:8

Ver nen ishima sha ayol a en sha er akaa a se er tom sha mi la, a̱ de saan ne ishe ga yô, man né ngohol injar vough.

Mpase U Yohane 14:13

Shi m ungwa imo due Sha, kaa er: Nger wer: Hii hegen je zan zan mbakpenev mba ve kpe ken Ter yô, á saan ve iyol. Jijingi kaa er: Kape i lu je la, ka sha u vea mem ityom ve gadia aeren a ve nga zan a ve ityô.