Upasalmi 18:12 - ICIGHAN BIBILO

¹² Sha iengem i sha ishigh Nagh la, abeen a Na a il gba karen, lu ura u awomboogh man akausu.

Upasalmi 18:12 Iomraidhean Croise

Upasalmi 104:2

A cir iwanger iyol er ka ikondo yô, A samber Usha er ka tenti nahan;

Ekesodu 19:9

Nahan TER kaa a Mose er: Nenge, M ngu van hen a we ken ibeenegh ki iligh sha shighe u Me ôron kwagh a we yô, ior ve̱ ungwa, ve̱ gema, ve̱ naan we jighjigh gbem. Mose ôr TER akaaôron a ior la.

Yesaia 50:3

Ka M cir Usha sha angôghime, M gema ibashôhô hingir ve ikondo i cirin.

Mateu 17:2

tsô i gema iyol Na sha ishiv vev; ishigh Nagh engem er iyange nahan, akondo Na kpaa kungu segh segh er iwanger nahan.

Mateu 17:5

Tsô ngur ôron kwagh nahan ave je yô, ibeenegh ki iwangeregh va gba mure sha a ve; tsô imo due ken ibeenegh kila, kaa er: Ngun ka Wan Wam u ishima ishima, u ishima i doom a Na yum yô, ungwan nen Un.

Yosua 10:11

Tsô zum u ve lu yevese Iserael la, er ve lu senen hen soughsough u Bete-horon yô, TER ta ve uzegembaawombov mba ve due Sha zan zan za ar hen Aseka, nahan ve kpe; mba ve kpe akpoghol a awombo la hemba mba Iserael wua sha sanker la iyenge.

Mpase U Yohane 16:21

Uzegembaawombov osough Sha haa shin tar, iwombo i môm yuhwa kuma er talenti môm nahan (pams deri môm). Ior gba tuhwan Aôndo sha ican i awomboogh la, gadia ican i a la cier iyol yum.