Upasalmi 15:5 - ICIGHAN BIBILO

⁵ nan ne inyaregh kera sha ci u zuan a mtsera ganden ikaa inya ga, nan ngohol inyaregh ki yamen ishô sha u geman nan orishôôgh ibo ga. Or u nan eren akaa ne yô, nana tenger mayange ga.

Upasalmi 15:5 Iomraidhean Croise

Upasalmi 106:3

Mba i saan ve iyol yô, ka mba ve we ajiraôron a mimi la iko, mba ve eren perapera gbem yô.

Upasalmi 112:6

gadia nana tenger mayange ga; or u perapera yô, á umbur nan gbem.

Upasalmi 16:8

M ver TER sha ishigh yagh gbem; er A lum ken uwegh ku yanegh yô, me tenger ga.

Upasalmi 55:22

Haa akaa a zan we iyol cii sha TER, tsô Una taver we; Una rumun er i̱ tenger a mbaperapera mayange ga.

Ekesodu 22:24

ishima i vihin Yam ia yegh a yegh, Me wua ne sha sanker; kasev enev vea hingir kasev mba côgholov, ônov enev kpaa vea hingir ancôgholov.

Ekesodu 22:25

Aluer wea pwar inyaregh wea na icanor u ken ior Av, u nan lu a we imôngo yô, de eren a nan er or u cirin or injô nahan ga, shi de kera we nan mngerem kpaa ga.

Anzaakaa 10:30

Mbaperapera yô, á tenger a ve mayange ga, kpa aferaior yô, aa tsa ken tar gbem ga.

Anzaakaa 12:3

Or a taver sha ifer ga, kpa mise u orperapera yô, ua tenger ga.

Anzaakaa 15:27

Or u nan ye mtsera u bo yô, ka nan nzughul a ya u nan, kpa or u nan vende inyaregh ki yamen ishô la yô, nana lu uma.

Yesaia 33:15

Ka u nan zenden sha perapera la, man nan er kwagh sha mimi, shi nan lahan mtsera u sha apera, nan nduur ave a nan, nan vende u ngohol inyaregh ki yamen ishô la, nan kondon ato a nan sha u nan ungwa kwagh u iwooor ga, man nan kusu ashe a nan sha u nana nenge iferkwagh kpaa ga yô;

Esekiel 18:17

a dugh uwegh ku nan sha kwaghbo kera, a ngohol mngerem sha injô ga, shin mtsera kpaa ga, a eren sha akaaôron Am a jirigh, man a zenden sha akaawan a Am, una kpe sha ci u iferkwagh i ter na la ga, una lu uma kpee je.

Esekiel 18:27

Shi zum u iferor nan gem nan undu iferkwagh i nan i nan er la, man nan er kwagh sha tindi vough man sha mimi yô, nana lu uma her.

Esekiel 18:8

man nan ne injô, nan we mngerem ga, man nan ngohol mtsera kpaa ga, nan dugh uwegh ku nan sha kwaghbo kera, nan er ijir sha mimi hen atô u orgen a orgen,

Esekiel 22:12

Ken a we, i ngohol inyaregh ki yamen ishô sha ci u haan awambe; u ngohol mngerem man mtsera u ganden ikaa inya, man u ngohol mtsera hen orwanndor a we sha mkighir je, man Mo M hungul we, kape Ter AÔNDO A kaa ne.

Mika 7:3

Ave ve wa iyol u eren kwagh u ifer a ishima i môm; ortaregh ka a sôn, man orjirigh kpaa ka a wa iyol sha u zuan a inyaregh ki ken myer; zegeor ka a due a isharen i dang i ken ishima na la; kape ve cingi kwagh ayol a ve la.

Mateu 26:15

za kaa er: Ka nyi né nam sha er m̱ na Un sha ikev yene? Ve na un agbenger a azurfa ikundugber.

YOHANE 13:17

Aluer nea fa akaa ne, man nea eren sha mi yô, á saan ne iyol.

Duteronomi 16:19

De geman ijir ga; shi de hembe wan orgen iko a orgen ga, man shi de ngohol iwua ga; gadia iwua i cirin mbafankwagh ashe, shi i gem akaaôron a mba ve lu a ibo ga la.

Duteronomi 23:21

Zum u u tsegh zwa a TER, Aôndo wou, yô, de ngôôr u eren sha mi ga, gadia TER, Aôndo wou, Una ker un her a we kpee, nahan kwagh la una hingir isholibo je u er ye.

1 Samuel 12:3

M ngun heen ne; pase nen ase kwagh wam nyian sha ishigh ki TER kua or Na u i shigh un mkurem la; ka an, m ngohol nan bua sha aperaa? Shi ka an je m ngohol nan jaki sha apera? Shi ka an je m kighir nan a icana? Shin ka an je m ngohol nan kwagh sha icughuu? Man ka sha ikev i an, m ngohol iwua i yamen ishô sha u me kusu ashe a am a mini? Á lu nahan yô, me hide ne a mi.