Upasalmi 15:2 - ICIGHAN BIBILO

² Ka u nan zenden jighilaa, nan eren perapera, nan er kwagh sha mimi ken ishima i nan,

Upasalmi 15:2 Iomraidhean Croise

Upasalmi 24:4

Ka u nan lu a ave a wang je, man ishima i mimi kpaa la; shi nan veren ishima i nan sha gbilinkwagh ga, man nan bumun sha icugh kpaa ga yô.

Upasalmi 84:11

Gadia TER Aôndo ka iyange man perutya kpaa; TER Una na mrumun u sha mhôôn man icivir; Una nyume mbazan jighilii la ma kwagh u dedoo ga.

Anzaakaa 20:7

Orperapera u nan zenden ken mimi u nan yô, ônov mba nan mba ken ijime kpaa á saan ve iyol!

Anzaakaa 28:18

Hanma or u nan zenden sha mimi yô, á yima nan, kpa or u nan nzughul igbenda i nan yô, nana gba fese je.

Yesaia 33:15

Ka u nan zenden sha perapera la, man nan er kwagh sha mimi, shi nan lahan mtsera u sha apera, nan nduur ave a nan, nan vende u ngohol inyaregh ki yamen ishô la, nan kondon ato a nan sha u nan ungwa kwagh u iwooor ga, man nan kusu ashe a nan sha u nana nenge iferkwagh kpaa ga yô;

Yesaia 63:8

A kaa er: Ve, ka ior Av je, ka ônov mba vea er sha icugh ga; man A hingir Oryiman ve kpaa.

Mika 2:7

Doo u kaan kwagh ne kpa, we ya u Yakob, Jijingi u TER ngu a ishima i wan je gaa? Ka aeren a Na nee? Mkaanem Am ma ne mkpeyol hen or u nan zenden zende u jighilaa gaa?

Luka 1:6

Ve uhar cii ve lu mbaperapera sha ishigh ki Aôndo, ve kuran atindi a Ter kua akaawan a Na cii ve lu a acôghol a wan iyol ga.

Aerenakaa A Mbaapostoli 10:35

kpa ken hanma ikurior yô, or u nan cie Un, nan eren perapera kpaa yô, Una rumun nan.

Mbaromanu 2:10

Kpa iengem man icivir man bem vea lu sha mba ve lu eren dedoo la cii, hii sha or u Yuda kua or u Grika kpaa.

Mbagalatia 2:14

Kpa zum u m nenge ve kera lu zan sha mimi u ivangeli jighilii ga yô, m kaa a Kefa sha ishigh vegh cii mer: Aluer we u u lu or u Yuda kpa u eren er ortyôtyev nahan, i kera lu er or u Yuda nahan ga yô, ka nyi man u kighir atôatyev wer ve̱ eren er Mbayuda nahan kenge?

Mbaefese 2:10

Gadia se mba tomaveegh Na, i gba se ken Kristu Yesu sha ci u aeren a dedoo a Aôndo vande sôron sha u se̱ zenden sha mi yô.

Mbaefese 4:25

Nahan yô, dugh nen aie kera, hanma or nana̱ ôron kwagh sha mimi a or u nan we ndor a nan yô gadia se mba alegh ayol a ase.

Mbakolose 3:9

De eren nen aie hen ayol a en ga gadia ne dugh tseor kua aeren a na la kera,

Mbaheberu 11:33

Mban yô, ve hemba ityartor ityav sha jighjigh u nan, ve er perapera, ve ngohol uityendezwa, ve cir ubegha ijô,

1 Yohane 2:29

Aluer ne fa er A lu u perapera yô, ne fa hanma or u eren perapera yô, ka Un a mar nan ye.

1 Yohane 2:6

U nan kaa er nan ngu ken a Na je yô, ka u nana zenden er Un lu zenden nahan keng.

1 Yohane 3:7

Mbayev av, ma or nana̱ de tsumen a ven ga. Or u nan eren perapera yô, nan ngu u perapera je er Un A lu u perapera nahan.

Mpase U Yohane 21:8

Kpa mbaciankwagh man mbanan jighjigh ga, man mba kwagh ve a ndôhôr ishima la man mbawuanior man mbadyarev man mbaahiriv man mbacivirakombo man mbaerenaie cii, kwar ve ngu ken ber u a lu hian sha usu man sulfur, ka ku u sha uhar je la.