Upasalmi 147:3 - ICIGHAN BIBILO

³ Ka A sôr mba asema a vihi ve tsung la, A kange ve avav.

Upasalmi 147:3 Iomraidhean Croise

Yobu 5:18

Gadia Un yô, ka A na mnyoonom, shi A sôr kpaa; ka A na iyolvihin, shi ave Na a gema a wanger i.

Upasalmi 34:18

TER ngu ikua a mba asema a vihin ve la, yem mba ve lu a ishima i zamber yô.

Upasalmi 34:19

Atsan a orperapera ngee, kpa TER ka A dugh nan ken a cii.

Upasalmi 51:17

Nagh ku Aôndo A rumun yô, ka jijingi u zamber; ishima i zamber, i uren tsung yô, Ú laha ga, Aôndo.

Yesaia 57:15

Gadia u A lu Sha, u A hemba Sha, Un u A tem sha ajiir a tsôron gbem, Un u iti Na i lu Icighanti je yô, ngu kaan nahan er: M tem sha ijiir i Sha i i tsegh i yô, shi M tem hen un u a lu a jijingi u vaan afanyô man u hiden a iyol ijime, man Me nder ishima i mbavaanafanyô la.

Yesaia 61:1

Jijingi u Ter AÔNDO ngu sha a Mo, sha ci u TER shighem mkurem; A verem er M̱ sur mba asema a vihi ve la asema, M̱ yôô i̱ pase mbakwarev man i̱ bugh gaadi u mba i hee ve ahye la.

Yeremia 33:6

Nenge, Me va un a mkpeyol man mwar, Me bee ve angev; Me pase ve mngee u bem u been ga.

Esekiel 34:16

Me ker kwagh u a saa yô, man Me hide a kwagh u a tsum kera la, man Me kange kwagh ua kever yô, man Me taver kwagh u a gbe angev yô; kpa kwagh u gban ikôr man u taver la, Me tim un kera; Me koso ve sha gbenda vough.

Malaki 4:2

Kpa ne mba ne cie iti Yam yô, iyange i perapera ia due ne a mbee u uange ken akper a i; né due, né tsuwe er anibuav ka ve due ken ityôr nahan.

Luka 4:18

Jijingi u Ter ngu sha a Mo, sha ci u A shighem mkurem, A tindim er M̱ yôô Loho u Dedoo hen mbaatsanev,