Upasalmi 147:2 - ICIGHAN BIBILO

² TER maan Yerusalem, ka A kohol mba i te ve ken Iserael kera la, imôngo.

Upasalmi 147:2 Iomraidhean Croise

Nehemia 6:15

Tsô i bee gilgar sha uwer u Elul ayange a u ikundu kar utaan, kohol ayange cii kuma akunduahargber kar ahar je.

Nehemia 6:16

Zum u mbaihomov asev cii ungwa nahan yô, atôatyev a a kase se cii, cier a iyol, iyol kpe ve, ve ure, gadia ve kav er tom ne, i lu sha agee a Aôndo wase i er u ye.

Nehemia 7:4

Gar yô, gbanger man kehe, kpa ior mba ker yô, lu kpuaa tsô, i lu a maa ayou ga.

Upasalmi 102:17

A ungwa msen u mba ve lu a orjime ga yô, A laha msen ve je ga.

Upasalmi 51:18

Er dedoo a Shion, sha mdoo u i doo U a na la; maa ugilgar mba Yerusalem.

Yesaia 14:32

Ka nyi kwagh, á ôr mbatyomov mba ikurior ne? TER ver Shion, nahan ka ker man ior Nav mba ve ye ican vea yer ye.

Yesaia 27:13

Sha iyange la, á tôngo zegeikpamkor, tsô mba ve saa ken tar u Ashiria vea va, kua mba i zende ve kera ve yem ken tar u Igipiti la, vea va civir TER sha icighanwo, ken Yerusalem.

Yesaia 56:8

Ter AÔNDO u A kohol Iserael mba ve sambe la, ngu kaan er: Mbagenev kpaa Me kohol ve, á seer ve sha mba nav mba i vande kohol la.

Yesaia 62:7

man de deen nen Un kpaa ga, zan zan tsô Una taver Yerusalem man Una gema un á hingir kwagh u iwuese sha won.

Yeremia 31:10

Ungwa nen imo i TER, ne akuraior, pase nen i hen ityar i hen kpe u zegemnger i ken ica la; kaa nen ner: Wen u A sambe Iserael la, Una kohol un, una kura un er orkuranilev ka nan kura ikumuile nahan.

Yeremia 31:4

Me shi Me maa u, tsô ú lu her, we iniunkwase u Iserael; á shi á er u hwe sha anigingav ou, tsô ú due, ú za vine amar a mba ve numbu sar sar la.

Yeremia 32:37

Nenge, Me kohol ve ken ityar cii, i M zende ve ve yem ker sha ishima Yam i vihin, man sha iyugh Yam i tsung kua ishimavihin Yam la; shi Me va a ve hen ijiir ne Me ver ve vea tema bem bem;

Esekiel 38:8

Ayange á va kar kera kpishi yô, á umbur we; ken anyom a masetyô yô, wea va ken tar u i ser u, u sanker lu vihi la, hen ior i i kohol ve ken akuraior kpishi, i va a ve sha iwo i Iserael, i i lu ice gbem la, kpa i due a ve ken akuraior, man ve cii vea tema bem bem.

Daniel 9:25

Nahan yô, fa man kav kpaa, hii sha mdugh u tindi sha u sôron man u maan Yerusalem zan zan ar hen u i shigh Un mkurem, ka Tor je la, á lu ulahadi utaankaruhar; man ulahadi akunduatar kar uhar, á maa un a ityembe man ukpekpe, kpa a lu sha shighe u ican je.

Mika 4:6

Sha iyange la, kape TER A kaa ne, Me kohol mbakeer man Me kohol mba i zende ve la, man mba m er ve ican kpaa la.

Sekaria 8:7

TER u akum a Sha ngu kaan nahan er: Nenge, Me yima ior Av mba ve lu ken tar u sha ityoughkitaregh man ken tar u shin ityôtar;

Mateu 16:18

Man M ngu kaan we Mer: We u ngu Peteru; ka sha vande ne je Me maa nongo Wam ye, ihinda i Hade ia hemba u agee ga.

Duteronomi 30:3

nahan TER, Aôndo wou, Una gema mlu wou, Una zungwe u mhôônom, Una shi á kohol we ken akuraior cii, henpe TER, Aôndo wou, vande samben we u za lu la.