Upasalmi 146:9 - ICIGHAN BIBILO

⁹ TER kor ushirmbaiorov, wese ancôgholov man kasev mba côgholov, kpa nzughul a gbenda u mbaaferev.

Upasalmi 146:9 Iomraidhean Croise

2 Samuel 15:31

Er i va kaa Davidi er: Ahitofel kpaa ngu a mba ve zough zwa a Abesalom la imôngo yô, Davidi kaa er: TERE, shi gema mhen u Ahitofel, a̱ hingir ibumegh.

2 Samuel 17:23

Zum u Ahitofel nenge i er sha mhen na ga yô, a kange jaki na shidi a mough a hide ken ya, ken gar na, a sôr akaa ken ya na, tsô a sende iyol na, a kpe, i ii un shin uwar u ter na.

Eseter 5:14

Tsô kwase na Sereshi kua akar a na la cii gema kaa a na er: Kaa, i̱ tim kon, ityaven i u i lu aseva akunduahargber; yô, kper pepe ôr kwagh a tor i̱ sende Mordekai sha u; yô, yem vea tor saan saan hen iniongo. Kwagh ne doo Haman tsô, a kaa er, i̱ tim kon la je.

Eseter 7:10

Nahan ve za sende Haman sha kon u a tim sha ci u Mordekai la. Tsô ishima yôhôl tor.

Eseter 9:25

kpa er kwagh la za va hen tor yô, a kaa ken uwashika er, mhen u bo, u a hen sha Mbayuda la, a̱ hide sha ityough nagh; un a ônov nav kpaa i sende ve sha kon.

Upasalmi 10:14

U nenge a mi; gadia We, U ngu nengen zayol man ishimavihin, sha er Ú tôô sha uwegh Ough; ka her a We man isheeror ka i ver iyol i i ye; We, U lu Orwasen u ancôghol.

Upasalmi 145:20

TER kor mba A doo ve ishima la cii, kpa mbaaferev yô, Una tim ve kera.

Upasalmi 147:6

TER suwe mbaasemaleghlegh la, ka A shirigh a mbaaferev inya.

Upasalmi 18:26

or u wang kpaa, U tese nan iyol You er U lu wang yô; kpa or u nan lu ormimi ga yô, U shi U tese nan di ishimanyoon You je.

Upasalmi 68:5

Aôndo ka ter u ancôgholov, man orjir u kasev mba côgholov, ken icighanyou Na la.

Anzaakaa 15:25

TER Una yôhôl ya u ormoronyol kera, kpa Una taver dyako u kwasecôghol.

Anzaakaa 4:19

Gbenda u mbaaferev yô, ngu er ime nahan, mba fe kwagh u vea kema nguhar sha mi ga.

Yeremia 49:11

Undu ancôgholov ou, Me kura ve ve̱ lu uma; kasev mba côgholov ou kpaa, ve̱ suur sha a Mo.

Hosea 14:3

Ashiria una yima se ga; sé henda anyinya ga; man sé kera yila tom wase u aveegh ser: Aôndo wase, ga; gadia ka her a We ancôgholov ve zough a mhôônom ma zungwen ye.

Malaki 3:5

Me kporom her a ven sha u ôron ijir, Me lu Orshiada fese je sha mbaahiriv man sha udyambaiorov man sha mbabumun sha aie man sha mba ve kighir or u eren tom sha tôndo sha injar i nan, kua kwasecôghol man wancôghol kpaa, man mba ve daan shiror kera, man ve ciem ga, kape TER u akum a Sha A lu kaan ne.

1 Mbakorinte 3:19

Gadia kwaghfan u tar ne ka Aôndo ibumekwagh je. Gadia i nger er: Un u A ker mbafankwagh sha atseregh a ve la,

Duteronomi 16:11

ember sha ishigh ki TER, Aôndo wou, we man wan wou u nomso man wan wou u kwase man kpan wou u nomso man kpan wou u kwase man Orlevi u nan nyer u a nyôr, man shiror man ancôghol kua kwasecôghol mba ve lu a we, hen ijiir i TER, Aôndo wou, Una tsuwa sha u Una ver iti Na i̱ lu ker la.

Yakobu 1:27

Mcieaôndo u wang u a lu a acôghol iyol sha ishigh ki Aôndo ga yô, ka un ne: ka u za sôron ancôgholov kua kasev mba côgholov ken ican ve, man shi u kuran iyol you wang sha kwagh u taregh.