Upasalmi 143:10 - ICIGHAN BIBILO

¹⁰ Tesem, m̱ er ishima You, gadia We U ngu Aôndo wam; Jijingi Wou u dedoo la, A̱ za a mo ken tar u u lu vaanaa.

Upasalmi 143:10 Iomraidhean Croise

Nehemia 9:20

Man shi U na ve Jijingi Wou u dedoo Wer, A̱ tesen ve, U nyume ve mana Wou ken zwa ve ga, U na ve mngerem sha ci u imura ve.

Upasalmi 118:28

We U ngu Aôndo wam, me wuese We, We Aôndo wam me civir We.

Upasalmi 119:12

We U kuma iwuese, TERE, tesem, akaawan a Ou.

Upasalmi 119:35

Erem m̱ zenden sha gbenda u atindi a Ou, gadia ka u u doom ye.

Upasalmi 139:24

nenge, shin ma gbenda u ifer a lu ken a mo yô? Hemen mo sha gbenda u tsôron. Ngun ka sha ci u orhemen u mbawanatsam. Ka Pasalmi u Davidi

Upasalmi 140:6

M kaa a TER mer: Ka We U lu Aôndo wam ye; yô, ver ato, TERE, sha imo i uzamber av.

Upasalmi 22:1

Aôndo wam, Aôndo wam, ka nyi U undumu? Ka nyi U gbe ca a mo sha u wasen mo, man sha akaaôron am a sha mtoghor nahana?

Upasalmi 23:3

A er i yôhôl uma wam iyol; A hemen mo sha igbenda i perapera sha ci u iti Na.

Upasalmi 25:12

Ka anti nan cie TERE? Una tese nan gbenda u nana̱ tsuwa yô.

Upasalmi 27:11

TERE, tesem gbenda Wou, hemen mo sha gbenda u shambe shambe kpaa, sha ci u mbaihomov av.

Upasalmi 31:14

Kpa mo yô, m suur sha a We, TERE; m kaa mer: Ka We, U lu Aôndo wam ye.

Upasalmi 63:1

Aôndo, ka We U lu Aôndo wam ye, m ngu keren We, U sarem ken ishima er imurakôron nahan; U sar iyol yam tsung, ken tar u ombor u tseghe tseghe, ape mngerem ma lu ga yô.

Yesaia 29:10

Gadia TER haa ne jijingi u mnyam ma mem mem, A pir ne ashe, ka uprofeti je la, man A cir ne ityouv, ka mbanengenakaa je la.

Yesaia 63:14

Er ilev ka mbi ndôôr senen shin pev nahan, kape Jijingi u TER na ve u ve mem la; kape U hemen ior Ou, sha u nan iti You i̱ hingir i icivirigh la.

Mika 4:2

akuraior kpishi aa za aa kaa er: Va nen, sé za nen sha uwo u TER, hen ya u Aôndo u Yakob, sha u Una tese se igbenda Na man sha u sea zenden sha igbenda Na kpaa; gadia ka ken Shion tindi una due ye, kua kwaghôron u TER kpaa, ken Yerusalem.

Numeri 9:22

Shin a lu ayange ahar, shin a lu uwer, shin a lu inyom man ibeenegh kia tema sha tabernakel kia lu sha mi yô, Mbaiserael ve lu hen afo her, ve mough ga; kpa shighe u kia moughon yô, ve mough ve gba yemen.

Mateu 28:20

Tesen nen ve u kuran akaa a M we ne kwagh sha mi cii; nenge, Me luun a ven ayange ayange zan zan mkurtar je.

YOHANE 14:26

Kpa Orsurunshima, ka Icighan Jijingi je la, u Ter Una tindi ken iti Yam yô, ka Un je, Una tese ne akaa cii, man shi Una umbur ne akaa a M er ne cii kpaa ye.

Mbaromanu 15:13

Aôndo u ishimaverenkeghen A̱ iv ne a iember gbing kua bem kpaa sha jighjigh u ne ne la, sha u né ngee a ishimaverenkeghen sha agee a Icighan Jijingi yô.

Mbaromanu 15:30

Anmgbianev, m ngu zamber a ven sha Ter wase Yesu Kristu man sha dooshima u Jijingi mer, nôngon nen tsung a mo imôngo ken mbamsen mba ne lu sônon Aôndo sha ci wam yô,

Mbaromanu 5:5

Man ishimaverenkeghen yô, i ve ahenge ga, gadia i haa dooshima u Aôndo ken asema ase sha Icighan Jijingi u i ne se la.

Mbaromanu 8:2

Gadia tindi u Jijingi u uma u a lu ken Kristu Yesu la pase u tuhwa sha ikev i tindi u isholibo man u kuugh la.

Mbaromanu 8:26

Kape Jijingi kpaa A wese se ken aseer a ase je ne, gadia se fa u eren msen er i doo u ma se er la ga, kpa Jijingi iyol Na ngu eren msen sha ci wase sha mbamkin gande u pasen.

Mbaefese 4:30

De vihin nen Icighan Jijingi u Aôndo ishima ga u i ver ne ikav sha a Na sha ci u iyange i mpaa la.

Mbaefese 5:9

Gadia ityamegh ki iwangeregh yô, ki ken hanma kwagh u doon, man kwagh u perapera man kwagh u mimi cii.

WASHIKA U SHA UHAR U PAULU APOSTOLI TINDI HEN TIMOTEU - 2TI 1:7

Gadia ka jijingi u cian kwagh, Aôndo a ne se ga, kpa ka u ageegh man u dooshima man u kôron iyol tsaha.

Mbaheberu 13:21

A̱ na ne sha u né lu vough sha hanma kwagh u doon cii sha u eren ishima Na, gadia ngu eren kwagh u a doo Un la ken a vese sha Yesu Kristu u A lu a icivir gbem sha won yô. Amen.

1 Yohane 2:27

Kpa ne yô, mshigh u ne zua a mi her a Na la, ngu lun ken a ven, kera gba u ma or nana tese ne ga, kpa mshigh Na ne, a tesen ne kwagh sha akaa cii, un ka u mimi, ka u aiegh ga, man er a tese ne nahan yô, lu nen ken a Na kpaa.