Upasalmi 14:1 - ICIGHAN BIBILO

¹ Ibumeor ka nan kaa ken ishima i nan er: Aôndo ngu ga; ve er akaadang a ndôhôrshima; mô u eren dedoo nan ngu ga.

Upasalmi 14:1 Iomraidhean Croise

Genese 6:5

Er TER nenge isholibo i or kehe sha won, man hanma mhen u ishima i nan kpaa lu u bo tseegh gbem yô,

Yobu 15:16

man hire u nan ndôhôr ishima nan hôngor kpaa, or u ka nan ma ifer er ka mngerem nahan la!

Yobu 22:13

Man u kaa wer: Aôndo fa nyi? Una fatyô u ôron ijir ken angôghime?

Upasalmi 10:4

Iferor ka nana manger yô, nan kaa er: Una or iyev ga; sha mbamhen nav cii, a hen er: Aôndo ngu ga.

Upasalmi 107:17

Mbagenev lu abumeaior; sha akaabo a ve man aferakaa a ve yô, ve lu yan ican tsung;

Upasalmi 53:1

Ibumeor ka nan kaa ken ishima i nan er: Aôndo ngu ga; ve er akaa a dang a ndôhôrshima kpaa; mô u eren dedoo nan ngu ga.

Upasalmi 73:3

Gadia m lu tômon kwagh u mbaihaghev, zum u m nenge ikôl-laghen i mbaaferev la yô.

Upasalmi 92:6

Orlanenkwagh fe ga, ibumeor kpaa nan kaven kwagh ne ga:

Anzaakaa 1:22

Ne mbalanenkwagh, ka hanma shighe je lanegh kua de saren ne; man mbapuunakaa kpaa kwaghpuun una de doon ve; abumeaior kpaa aa de u vendan mfe?

Anzaakaa 1:7

Mcie u cian TER, ka mhii u kwaghfan je la, kpa mbalanenkwagh yô, ve laha kwaghfan kua ityesen.

Anzaakaa 13:19

Isharen i i kure sha mi yô, ka kwagh u doon uma u or, kpa u paven a ifer yô, ka abumeaior kwagh u ndôhôrshima.

Anzaakaa 27:22

Shin aluer wea kume ibumeor shin akpela sha tor a samuyia imôngo je kpaa, nahan kpaa ibumegh ki nan kia pav a nan ga.

Orpasenkwagh 7:20

Gadia ma orperapera môm u shin tar u nan eren kwagh u dedoo nan eren isholibo ga, nan ngu ga.

Yesaia 1:4

Kwagh á tser ne! Ne ikurior i eren kwaghbo, Ne ior mba ne lu a iferkwagh i yuhwan ne, ne tsombor u mbaaferev, ne ônov mba eren dang! Ve undu TER, ve laha Icighan u Iserael, ve pav a Na, ve hile ijime.

Yeremia 5:12

Ve nyiman TER, ve kaa er: Ka un ga; kwaghbo kpaa una tser se ga; sea nenge a sanker shin ijen kpaa ga.

Yeremia 6:28

Ve cii, ka mbahendan tsung je, mba zenden anger; ka togula man iyôgh ki iligh ve lu ye; ve cii ka mbaeren dang je.

Mateu 12:34

Ne ônov mba igbindev, á er nan man ne mba ne lu mbaaferev, né ôr akaa a doono? Gadia ka sha m-iv u ken ishima man zwa u er kwagh ye.

Mateu 15:19

Gadia ka ken ishima man aferakaa a henen kua iwooor man idya man iv man mbampase mba sha aie man ityuhwanev ve dugh ye.

Luka 12:20

Kpa Aôndo kaa a na er: We ibumeor ne! Ka nyian tugh je i lu keren uma wou hen we ye; nahan akaa a u kohol ne yô, aa hingir a ana?

Mbaefese 2:12

Shi umbur nen er ken shighe la ne lu paleghaa a Kristu je, ne lu a kwar ken nongo u Iserael ga, ne lu mba ken inya sha kwagh u uikurmbayan mba sha ityendezwa, ne lu a ishimaverenkeghen ga, ne lu a Aôndo shin tar kpaa ga.

Titu 1:16

Ka ve pase er ve fa Aôndo kpa mba gem mba nyiman Un sha aeren a ve la; kwagh ve ndôhôr ishima, ka mbahembanato kpaa, ve kuma u eren ma kwagh u injaa ga.

Titu 3:3

Gadia se kpaa, ngise se lu mbalanenkwagh se hemban ato, se tsumen, se lu ikpan i asaren man ugurgurmbaakaav atô kposo kposo, se lu zenden sha aferakaa man iwuhe i eren, mbagenev kôr se ihom shi se lu ihom ayol a ase kpaa.

Mpase U Yohane 21:8

Kpa mbaciankwagh man mbanan jighjigh ga, man mba kwagh ve a ndôhôr ishima la man mbawuanior man mbadyarev man mbaahiriv man mbacivirakombo man mbaerenaie cii, kwar ve ngu ken ber u a lu hian sha usu man sulfur, ka ku u sha uhar je la.

1 Samuel 25:25

M ngu zamber we, terem a̱ de veren ishima sha Nabal, gbilinor la ga, gadia er iti na i lu nahan, kape un kpaa a lu la; gadia inja i iti na er ibumegh, man ibumegh ki a na; kpa mo kpan wou u kwase yô, m nenge a mbayev mba terem a tindi la ga.