Upasalmi 137:3 - ICIGHAN BIBILO

³ Keela, ve mba ve yem a vese uikangen la, sar ve u ma se we atsam, ma ve ongo yô, man ve mba ve tôvon se a ican kpaa, gema sar ve u ma se lu gur gur; ve kaa er: Wa nen icam i Shion, se̱ ungwa.

Upasalmi 137:3 Iomraidhean Croise

1 Kroniku 15:27

Davidi haa riga u ikondo i pupuu i kôngor, kua Mbalevi cii kpaa mba ve tôô areki la, man mbawanatsam man Kenania orhemen u tesen mbawanatsam icam; Davidi lu a efodi u ikondo i pupuu iyol.

1 Kroniku 16:7

Ka sha iyange la je Davidi hii veren Asav a anmgbianev nav er ve̱ wuese TER ye.

Nehemia 4:2

a ôr kwagh sha ishigh ki anmgbianev nav kua ikumutya i Samaria, a kaa er: Ka nyi Mbayuda aseeraior ne a erene? Á gba den ve, ve̱ za hemen tsôô? Vea na nagha? Vea kure tom iyange i mômô? Vea nder awen ken atihialôgh a i nande a kera la?

Upasalmi 65:1

Aôndo We U kuma u á wuese We ken Shion; ka We, man á kure iceghzwa a We kpee ye.

Upasalmi 79:1

Aôndo, atôatyev nyôr ken dyako Wou, ve hôngor a icighantempel Wou, ve gema Yerusalem hingir alôgh.

Upasalmi 80:6

U gema se se hingir kwagh u akpelanegh hen mba ve we ndor a vese; mbaihomov asev kpaa mba sen.

Upasalmi 9:14

sha u m̱ pase iwuese You cii; ka ken ihinda i wankwase u Shion la, me ember myom Wou ye.

Anzaakaa 25:20

Er or u eren riga kera shighe u wuhe u ker yô, man er vineger sha mtse a lu nahan, kape or u wan or u ishima i vihin nan atsam nan lu la.

Yesaia 35:10

Mba TER A paa ve la vea hide, vea va a icam i wan hen Shion; iember i tsôron ia lu ve sha ityou; vea zua a msaanyol kua iember, ishima i vihin kua ishima i shirin ia yevese kera.

Yesaia 51:11

Mba TER A paa ve la vea hide, vea nyôr ken Shion a atsam zwa, iember i tsôron ia lu ve sha ityo, vea zua a iember kua msaanyol, ishimavihin man ishimashirin ia yevese kera.

Yeremia 26:18

Mika Ormoresheti ôr kwaghôron u profeti sha ayange a Hisekia tor u Yuda, a ôr kwagh a ior i Yuda cii, a kaa er: TER u akum a Sha ngu kaan nahan er: Shion ne, á tsôghol un er sule nahan, man Yerusalem ne, una hingir atihi a alôgh, man uwo u tempel ne ua hingir er agungu a a lu ken ikô nahan.

Yeremia 9:11

Me gema Yerusalem una hingir atihi a alôgh ijiir i tsan i ugbaseela; Me gema agar a Yuda á hingir atse, ma or nana kera tema ken a ga.

Mika 3:12

Nahan yô, á tsôghol Shion sha ci wen er sule nahan; Yerusalem una hingir atihi a alôgh, man uwo u ya u Aôndo ua hingir er agungu shin ikô nahan.

Luka 21:6

Akaa a ne nenge a mi ne yô, ayange nga van a iwen i môm kpaa i á de i i̱ lu sha igen ia lu ga, á yôhôl ca ca.