Upasalmi 131:1 - ICIGHAN BIBILO

¹ TERE, ishima yam ngi a imanger ga, ashe am kpaa nga te ihagh ga; m hagher sha uzegembaakaav mba ve kehe, ve kpiligh iyol, ve gandem la, ga.

Upasalmi 131:1 Iomraidhean Croise

2 Samuel 6:22

Me seer heen iyol yam á hemba heen kpaa, me laha iyol yam; kpa ikpan i ukase i u ter i la, i yô, me lu i a icivir.

Yobu 42:3

Ka an nan we mhen ime sha mfe ga? Nahan m gba ôron kwagh u m kav ga tsô, akaa a a gandem, a m fe a ga je.

Upasalmi 101:5

Or u nan eren anger ken myer sha orwanndor a nan yô, me tim nan kera; man or u nan manger man nan kehen ityough yô, me wa ishima a nan ga.

Upasalmi 122:1

M ember zum u i kaa a mo er: Sé za nen hen iyou i TER yô.

Upasalmi 124:1

TER Una te ikaa a vese ga yô,—Iserael a̱ kaa er—

Upasalmi 133:1

Nenge, aluer anmgbianev vea tema imôngo, ishima ve ia lu i môm yô, á doo yum á hôm kpaa.

Upasalmi 139:6

Imbakwaghfan ne kpiligh mo iyol je zua ga, i tav sha yum, m fatyô u aren sha min ga.

Anzaakaa 21:4

U kenger sha ilyahan kua ishima i imangeregh, iwanger i mbaaferev la, ka isholibo je.

Yeremia 17:16

Mo yô, m torough a We mer va a kwagh u bo ga, iyange i bo kpaa m tôm i ga; U fa, kwagh u a due ken zwa wam yô, lu sha ishigh You.

Yeremia 45:5

U ngu keren akaa a vesen sha ci wou iyol youwe? De kera keren a ga; gadia nenge, M ngu van a kwagh u bo sha uuma cii, kape TER A kaa ne; kpa Me gema uma wou a̱ hingir we er ka ishar u ye yô, sha ajiir a ú zenden cii.

Numeri 12:3

Kpa Mose yô, lu or u ishima legh legh je zua ga, hemba hanma or sha won cii.

Mateu 11:29

Tôô nen igbur Yam sha ayol a en, va hen nen kwagh sha ikev Yam, gadia M ngu ishima legh legh, man M kehen ityough kpaa ga, tsô né zua a mmem ken asema a en;

Aerenakaa A Mbaapostoli 20:19

er m lu eren tom u Ter, m hide a iyol yam ijime cii, i lu a mliam ashe man a uzayol mba ve lu kohol mo sha mbamzoughzwa mba Mbayuda kpaa;

Mbaromanu 11:33

Kpash! Mze u ikpelaakaa man mfe man kwaghfan u Aôndo ve za kweng ne! Ajir a ôron a Na gande u timen sha mi, igbenda Na kpaa i gande u tôvon tsôô!

Mbaromanu 12:16

Luun nen ishima i môm ayol a en, de veren nen ishima sha uzegembaakaav ga kpa ishima i̱ lu ne sha akaa a kiriki, de nengen ayol a en ner ne mba mbafankwagh ga.

Duteronomi 17:20

sha er nana̱ de gbanger sha anmgbianev mba nan nana̱ undu tindi ne nana̱ kaha ken uwegh ku yanegh shin ku imesegh ga, sha er á seer nan ayange ken tartor u nan a ônov mba nan ken Iserael yô.

1 Mbatesalonika 2:10

Ka ne je ne lu mbashiada kua Aôndo kpaa ye, er mlu wase her a ven, ne mba ne ne jighjigh la, lu wang man perapera man a acôghol a wan iyol ga.

1 Samuel 16:13

Tsô Samuel tôô korough ku mkure, a shighe un mkurem hen atô u anmgbianev nav; Jijingi u TER kpaa kende Davidi sha agee, hii sha iyange la je man ken hemen kpaa. Tsô Samuel mough, yem hen Rama.

1 Samuel 16:18

Tsô wanyekwaor ugen gema kaa er: Nenge, m nenge wan u Yese, or u Betelehem, a fa ityougholov mbi kuhwan kpe kpe, ka ortavershima, orutya, or u fan kwaghôron, ka or u kuman ashe kpaa, TER kpaa ngu a na.

1 Samuel 16:22

Nahan Saulu tindi hen Yese, kaa er: Shi de Davidi a̱ lu wanye wam, gadia ngu sha ishima yam.

1 Samuel 17:15

Davidi yô, a zer moughon hen Saulu hiden sha u va kuran ilev mbi ter na hen Betelehem gbem.

1 Samuel 18:23

Tsô mbayev mba tor ôr Davidi akaa la. Kpa Davidi kaa er: U lun wankem u tor ka ne kwagh u kiriki? Gadia mo m ngu icanor, m gba kwagh ga.