Upasalmi 121:4 - ICIGHAN BIBILO

⁴ Nenge, u A kor Iserael yô, Una meer mnyam ga, Una yav kpaa ga.

Upasalmi 121:4 Iomraidhean Croise

1 Utor 18:27

Tsô ka kom er iyange sha tembe nahan yô, Eliya gba nahan ve tar, kaan er: Genger nen imo, gadia un ka aôndo ga; alaghga ngu henen kwagh, shin a ta ibalegh, shin a yem zende, shin alaghga ngu yaven; saa á nder un.

Upasalmi 127:1

Aluer TER Una maa iyou ga yô, ka gbilin tsô mbamaan i la ve eren tom ye; man aluer TER Una kura gar ga yô, ka gbilin tsô orkuran nan kor ye.

Upasalmi 27:1

TER ka iwanger yam man myom wam kpaa, ka an je me cia? TER ka agee a uma wam, ka an je nana wam mciem iyolo?

Orpasenkwagh 8:16

Shighe u m gem a ishima m ver sha kwaghfan sha u me nenge ityom i i eren sha won yô, gadia orgen ngu u tugh kua tetan cii nan kusun ashe sha mnya ga yô,

Yesaia 27:3

Mo TER, M ngu kuran u; Me urun u hanma shighe; sha u ma or môm nana̱ de vihin u ga yô, Me kuran u tugh kua tetan.

Mpase U Yohane 7:15

Ka sha ci u nahan man ve lu sha ishigh ki ikônough ki Aôndo ki torough, ve lu eren Un tom ken tempel Na tugh man tetan kpaa ye. Un u A tem sha ikônough ki torough la Una samber tenti Na sha a ve.