Upasalmi 12:5 - ICIGHAN BIBILO

⁵ Sha ci u mkighir u i kighir mbaatsanev man mtoghor u mbaibanave yô, Me mough hegen kape TER A kaa la, Me ver or u nan lu tômon la, nana tema a mkpeyol.

Upasalmi 12:5 Iomraidhean Croise

Yobu 5:15

Kape ka A yima mbaibanave sha sanker u duen ken zwa ve la, man sha ikev i mbaageev kpaa la.

Yobu 5:21

Á yer u sha ifan i nombor la; man shi ú cian mtim zum u una va la kpaa ga.

Upasalmi 10:12

Mough sha TERE, kende uwegh Ough sha, Aôndo, mbaatsanev ve̱ de hungul We ga.

Upasalmi 10:18

sha u eren a ancôghol vough man a u i kighir nan a ican la kpaa, sha er or u nan lu u tar ne tsô, nana̱ de kera shi naan mciem mayange ga.

Upasalmi 10:5

Igbenda na cii ngi lagh un gbem; ajiraôron a Ou nga sha je, a gba ca a nan; mbaahendanev nav cii kpaa, a ta ve ahenge.

Upasalmi 31:19

Kpash! Mdoon Ou vese je, ma U ver sha ci u mba ve cie U la, ma U ser sha ci u mba ve suur sha a We, sha ishigh ki ônov mba iorov yô!

Upasalmi 34:6

Icanor ne yila, TER ungwa un je, A yima un sha atsan a na cii.

Upasalmi 73:8

Mba nahan tar, man shi mba er kwagh u ifer, mba er kwagh sha mkighir sha gesa u tan.

Ekesodu 5:2

Kpa Farao kaa er: Ka an nan lu TER je, u me ungwa imo Na me de Iserael una yemee? M fa TER ga, man den yam Iserael mer, a̱ yem je ga.

Anzaakaa 14:31

Or u nan nzughul a icanor yô, nan laha u A gbe nan la, kpa u nan zungu oribanave mhôônom yô, nan ngu civir Un.

Anzaakaa 18:21

Ku kua uma mba ken tahav mbu nombor, mba ve doo a u la, vea zua a atam a u.

Orpasenkwagh 4:1

Tsô m gema m nenge ipila i i eren shin tar cii; man nenge, mliam ma mba i kighir ve la, man ve lu a orsurun ve ishima ga; mba ve kighir ve la ve lu a tahav, kpa ve lu a orsurunshima ga.

Orpasenkwagh 5:8

Aluer wea nenge mkighir u i kighir icanor man mvihi u ijirôron kua mimi ken ipaven ugen yô, kwagh shon a̱ de kpiligh we iyol ga, gadia u a hembe tahav ngu kenger u a lu a tahav la, man shi mbagenev mba hemban ve kpaa mba.

Yesaia 19:20

Á hingir ikav kua shiada u TER u akum a Sha ken tar u Igipiti; shighe u vea vaa a TER sha ci u mba ve kighir ve a ican la yô, Una tindi ve a oryiman man orageegh u nana yima ve yô.

Yesaia 33:10

Hegen yô, Me mough sha, kape TER A kaa ne; hegen Me kende iyol Yam sha; hegen Me tile sha.

Esekiel 18:18

Kpa ter na la yô, er a kighir sha apera man a ngohol anngô na kwagh sha agee, man a er kwagh u a lu dedoo a ior nav kpaa ga, nenge, una kpe sha ci u ifer na.

Hosea 7:16

Ve gema, kpa ve ver ishigh Sha ga; mba er ada u bo nahan; á wua mbatarev vev sha sanker sha ci u kwaghôron ve u dang sha zwa ve. Kwagh ne una hingir u nahan ve tar a mi ken Igipiti.

Yakobu 5:4

Nenge mba ve yar sunda ken ishule yen yô, injar ve i ne ya la ngi genger imo. Ivaa i mbasundan kpaa i nyôr ken ato a Ter u akum a Sha.

Mbaajiriv 10:16

Tsô ve dugh mbaaôndo mbagenev ken a ve kera, ve gema ve civir TER; nahan ishima vihi Un sha ci u ican i Iserael.