Upasalmi 119:2 - ICIGHAN BIBILO

² Mba i saan ve iyol yô, ka mba ve we mbampase Nav iko, ve keren Un a ishima ve cii la;

Upasalmi 119:2 Iomraidhean Croise

1 Utor 2:3

ver ishima sha imo i TER, Aôndo wou, zaan sha igbenda Na, ver ishima sha akaawan a Na man atindi a Na man akaaôron a Na sha u ú lu a iveren ken akaa a ú er cii, man sha hanma ian i wea geman cii;

1 Kroniku 22:19

Yô, ver nen ishima yen kua uma wen sha u keren TER, Aôndo wen; mough nen, maa nen icighanjiir u TER Aôndo, sha u né va a areki u ikuryan u TER man uicighanmbaakaav mba Aôndo ken iyou i á maa sha ci u iti i TER la.

2 Kroniku 31:21

Hanma tom u a kôr ave sha mi u eren yô, u ken iyou i TER, man sha atindiakaa kua atindi cii, sha u keren Aôndo na yô, a er u sha ishima na i môm je, a kure u dedoo kpaa.

Upasalmi 105:45

sha er ve̱ wa iko sha akaawan a Na, man ve̱ ver ishima sha atindi a Na kpaa. Haleluya.

Upasalmi 119:10

M ker U a ishima yam cii, de deen mo, m̱ undu atindi a Ou ga.

Upasalmi 119:101

M kôvor angahar a am kera sha hanma gbenda u ifer, sha er me kura mkaanem Ou yô.

Upasalmi 119:115

Kar nen hen a mo sha, ne mbaerenafer, sha er m̱ kuran atindi a Aôndo wam yô!

Upasalmi 119:146

M yila U; yimam m̱ waan mbampase Ou iko.

Upasalmi 119:17

Er dedoo a wanakiriki Wou, m̱ lu uma, nahan me wa mkaanem Ou iko.

Upasalmi 119:22

Hilem a iheen man ilyahan kera, gadia m kor mbampase Ou.

Upasalmi 119:33

TERE, tesem gbenda u akaawan a Ou, nahan me kuran a zan zan sha mkur je.

Upasalmi 119:34

Nam mkav, m̱ kuran atindiakaa a Ou, m̱ waan a iko a ishima yam cii.

Upasalmi 119:57

TER ka kwar wam, m tôndo zwa mer, me kuran akaaôron a Ou.

Upasalmi 119:69

Mbagengeseyol wam aie iyol, kpa mo yô, m kor uiniezwa Ou a ishima yam cii.

Upasalmi 119:88

Taver uma wam sha erdoo Wou, sha er me kura mpase u sha zwa Wou yô.

Upasalmi 25:10

Igbenda i TER cii ka i sha erdoo man i sha mimi sha ci u mba ve we ikuryan Na iko kua mbampase Nav kpaa yô.

Anzaakaa 23:26

Wan wam, nam ishima you, i̱ saan ashe ou iyol sha igbenda yam.

Yeremia 29:13

Nahan né kerem, man né zua a Mo kpaa, zum u né kerem a ishima i môm la.

Esekiel 36:27

Me ver Jijingi Wam ker a ven, M na er né zenden ken akaawan a Am man né waan akaaôron Am a jirigh iko, né eren sha a vough kpaa.

YOHANE 14:23

Yesu gema kaa a na er: Aluer Mea doo or ishima yô, nana kuran kwaghôron Wam, Terem kpaa nana doo Un ishima; Sé va her a nan Sé va er ijiir i tsan her a nan kpaa.

Duteronomi 4:29

Nahan ú gba keren TER, Aôndo wou, keregh; ú zua a Na je, aluer u ker Un a ishima you cii man a uma wou cii yô.

Duteronomi 6:17

Waan nen atindi a TER, Aôndo wen, man mbampase Nav kua akaawan a Na a A we u la iko, sha gbashima je.

Duteronomi 6:5

Nahan yô, TER Aôndo A̱ doo u ishima a ishima you cii man a uma wou cii man a agee ou cii.

1 Yohane 3:20

gadia aluer ishima ia na se ibo yô, Aôndo hemba ishima yase man A fa akaa cii kpaa.