Upasalmi 118:27 - ICIGHAN BIBILO

²⁷ TER ka Aôndo, A na se iwanger kpaa. Kange nen nagh sha ikor je, za nen a mi hen akor a atse a nanden nagh sha mi la.

Upasalmi 118:27 Iomraidhean Croise

1 Utor 18:21

Tsô Eliya kporom hen ior cii, a kaa er: Shi nan je, man né de u lun asema ahara? Aluer TER A lu Aôndo yô, dondo nen Un; a lu Baal yô, dondo nen un. Kpa ior bugh zwa a na ga.

1 Utor 18:39

Zum u ior cii ve nenge nahan yô, ve gure inya ve kuma ishiv inya, ve kaa er: Ka TER A lu Aôndo ye. Ka TER A lu Aôndo ye.

1 Kroniku 29:21

Kper nan la yô, ve na TER nagh, ve na TER iniav mbi nanden sha abua dubu, man anomaiyôngo dubu, man agumaiyôngo dubu, a iniav vev mbi man imôngo, man iniav mbi sôngon wuee, sha ci u Iserael cii.

Eseter 8:16

Mbayuda zua a iwanger man iember man ishima i saan saan man icivir.

Upasalmi 18:28

Gadia We U tam imenger; TER, Aôndo wam, wanger ime yam.

Upasalmi 37:6

Una er perapera wou, una due ken igbar er iwanger yô, mimi wou kpaa una lu er iyange ka ia lu sha tembe nahan yô.

Ekesodu 27:2

Er akor sha azongo a a anyiin; akor a a la, a̱ lu kwagh môm a a, ijoron i̱ de lu ga; cir a togula iyol.

Ekesodu 38:2

Man a er akor a a sha azongo a a anyiin; akor a a la, lu kwagh môm a a, ijoron lu ga; a cir a togula iyol.

Yesaia 60:1

Mough sha, ta iwanger; gadia iwanger you i va, iengem i TER kpaa ngi mondon sha a we.

Yesaia 9:2

Ior mba ve zenden ken ime, ve nenge iwanger i vesen; mba ve tem ken tar u mure u kuugh la kpaa, iwanger ta sha a ve.

Mika 7:9

Me tôô iyugh i TER, gadia m er Un kwaghbo— zan zan Una ôr ishô yam man Una kure ijir yam; Una va a mo ken iwanger, me nenge perapera Na.

Malaki 4:2

Kpa ne mba ne cie iti Yam yô, iyange i perapera ia due ne a mbee u uange ken akper a i; né due, né tsuwe er anibuav ka ve due ken ityôr nahan.

YOHANE 8:12

Tsô Yesu shi gba ôron ve kwagh, kaan er: Mo M ngu iwanger i tar; or u nan dondo sha a Mo yô, nana zende ken ime ga, kpa nana lu a iwanger i uma.

Mbaheberu 13:15

Nahan se naan nen Aôndo nagh ku iwuese gbem sha a Na, ka atam a ityumbujôôgh i pasen iti Na ken igbar je la.

1 Peteru 2:9

Kpa ne yô, ne mba icuwannongo, nongo u upristi mba sha inja i tor, icighanikurior, nongoior u Aôndo jim, ka sha u né yôô aeren a Na a ageegh, Un u A yila ne ken ime, A va a ven ken iwanger Na i kpiligh iyol la.