Upasalmi 114:8 - ICIGHAN BIBILO

⁸ u A gem vande u hingir bermnger yô, iwen i taver kpaa i hingir imbormnger yô.

Upasalmi 114:8 Iomraidhean Croise

Nehemia 9:15

U na ve kwaghyan u Sha kpaa, sha ci u ijen ve, man U due ve a mngerem ken vande sha ci u imura ve, U kaa a ve Wer, ve̱ nyôr, ve̱ ngohol tar u U kende uwegh Ough sha Wer, Ú na ve la.

Upasalmi 105:41

A bugh vande, tsô mngerem due, kuwa ken ajiir a ombor er ka ifi yô.

Upasalmi 107:35

Ka A gema desereti, a hingir ber u mnger, man tar u tseghe tseghe kpaa, u hingir amboramnger.

Ekesodu 17:6

Nenge, Me tile sha ishigh you keregh, sha vande u hen Horebi; gbidye vande la, tsô mngerem maa due ker, sha u ior vea ma yô. Mose er nahan sha ishigh ki mbatamen mba Iserael;

Numeri 20:11

Tsô Mose kende uwegh sha, gbidye vande sha gbough nagh kwa har mngerem due kpishi, ior ma kua uzendenya vev kpaa.

1 Mbakorinte 10:4

Shi ve cii kpaa ve ma kwaghman u sha inja i jijingi la môm je. Gadia ve lu man ken vande u sha inja i jijingi u u lu zan a ve ityô la. Vande la yô, lu Kristu je.

Duteronomi 8:15

Un u A kar a we ken zegedeserti u cieryol la, henpe iyô i usu lu man ayese man tar u tseghe tseghe, henpe mngerem lu ga, u A due u a mngerem ken vande u taver la,