Upasalmi 110:2 - ICIGHAN BIBILO

² TER Una naregh tôgh ku ageegh Ough ken Shion, Una kaa er: Tema tor hen atô u mbaihomov Ou!

Upasalmi 110:2 Iomraidhean Croise

Upasalmi 72:8

A̱ tema tor, hii hen zegemnger zan zan za ar hen zegemnger, man shi hii hen Ifi zan zan ar sha akighir a tar.

Ekesodu 7:19

TER shi kaa a Mose er: Kaa Aron wer: Tôô gbough ough, naregh uwegh ough sha mngerem ma Igipiti, sha uifi vev man sha mbaakpambamngerev vev man sha atungu a ve man sha ajiir a ve a mngerem ma kohol cii, ve̱ hingir awambe; á zua a awambe han han kpaa, ken tar u Igipiti cii, ken ikav mbi ikonov man mbi awenev kpaa.

Ekesodu 8:5

TER kaa a Mose er: Kaa Aron wer: Naregh uwegh ough a gbough ough sha uifi man sha mbaakpambamngerev man atungu, sha er asôhô aa va ken tar u Igipiti yô.

Yesaia 2:3

Ior kpishi vea za, vea kaa er: Va sé kôndo nen sha uwo u TER, sha iyou i Aôndo u Yakob, A̱ tese se igbenda Na, se kpaa sé zende sha igbenda Na; gadia ka ken Shion man tindi una due ye, kua kwaghôron u TER kpaa ken Yerusalem.

Yeremia 48:17

Ne mba ne kase un cii, zungwe nen un, kua ne cii mba ne fe iti na kpaa; kaa nen ner: Nenge, er i kever tôgh ku taver, gbough ku doon ashe la!

Esekiel 19:14

Usu due ken agbaa a na hia atam a na, nahan i kera shi ma gbaa u taver u una va hingir tôgh ku torough ga. Ngun ka kwelegh je, hingir kwelegh kpaa.

Esekiel 47:1

Tsô shi a hide a mo hen hunda u iyou; man nenge, mngerem lu duen shin kpandehunda, lu kuwan yemen vegher u sha ityoughkitaregh, gadia iyou la ver ishigh vegher u sha ityoughkitaregh; mngerem mara lu duen iyou la shin, vegher u hen uwegh ku yanegh, kar atse a nanden nagh sha mi vegher u imbusutariyan.

Mika 4:2

akuraior kpishi aa za aa kaa er: Va nen, sé za nen sha uwo u TER, hen ya u Aôndo u Yakob, sha u Una tese se igbenda Na man sha u sea zenden sha igbenda Na kpaa; gadia ka ken Shion tindi una due ye, kua kwaghôron u TER kpaa, ken Yerusalem.

Mika 7:14

Kura ior Ou sha gbough Ough, ikumuile i dyako Wou, mba ve tem tseke ve, ken ikô ker atô u Karmel; de, ve̱ yaan toho ken Bashan man Gileadi er sha ayange a tsuaa la nahan.

Mbaromanu 1:16

Kunya kôrom sha ci u Loho u Dedoo la ga gadia ka agee a Aôndo a sha myom u yiman hanma or u nan ne jighjigh cii, hii sha or u Yuda man shi or u Grika kpaa.

1 Mbatesalonika 2:13

Sha ci u kwagh ne nahan yô, se mba sughun Aôndo gbem gadia zum u ne ngohol kwaghôron u Aôndo u ne ungwa hen vese la yô, ne rumun un er ka kwaghôron u ior ga, kpa er ka kwaghôron u Aôndo man kape i lu kpaa je la, u a eren tom ken a ven, ne mba ne ne jighjigh la.

1 Peteru 1:12

I pase ve er, ve lu eren tom sha akaa ne, nahan kpaa lu sha ci ve ayol a ve ga, lu sha ci wen; ka akaa a i lu pasen ne hegen sha ikev i mbala mba ve lu pasen ne Loho u Dedoo sha Icighan Jijingi u i tindi Un A due Sha la. Akaa ne yô, mbatyomov mba Shaav je kpaa, ka saren ve pe gbirin ashe ker.