1 De huan ga, Aôndo u iwuese Yam,
We U ngu Aôndo wam, me wuese We, We Aôndo wam me civir We.
TERE, ka We m yer U ye; TERE, vande wam, de ongom ato ze, sha er, aluer Ú ungwam ato yô, me hingir er mba ve yem shin ihungwa la nahan.
Aôndo, de luun ving ga; de huan ga, Aôndo, de memen ga;
gadia, nenge, mbaihomov Ou mough ayôôso, mba ve ker U ihom kpaa, ve kende iyol sha;
TER ka agee am man icam yam kpaa, A hingir myom wam kpaa. Ka Aôndo wam, me wuese Un; Aôndo u terem, me kende Un sha.
M huan gbang, M lu ving, M wa ishima gbong gbong; ahegen yô, Me ngor er kwase u toghor mar yô, Me ôô taver taver kua fegh fegh icin i môm.
Beem angev, TERE, tsô me hingir dedoo; yimam, tsô me war; iwuese yam ka We je.
Ka un ú wuese Un ye, Un ka Aôndo wou, u A er u uzegembaakaav mba cieryol mban, mba u nenge a mi sha ashe ou ne.
