Upasalmi 104:1 - ICIGHAN BIBILO

¹ Wuese TER, we uma wam! TERE, Aôndo wam, We, U hemba cii, U haa icivir man iengem iyol.

Upasalmi 104:1 Iomraidhean Croise

Upasalmi 103:22

Wuese nen TER, ne ityom Na cii, ken ajiir a A tem tor la cii. Wuese TER, we uma wam.

Upasalmi 104:35

Mbaasorabo ma ve bee shin tar, mbaaferev kpaa ve̱ de kera lu ga. Wuese TER, we uma wam! Haleluya.

Upasalmi 145:3

TER hemba cii, A kuma iwuese kpishi je, icivir Na kpaa gande u kaven.

Upasalmi 7:1

TERE, Aôndo wam, ka sha a We m suur ye; yimam sha ikev i mbazendan mo ityô cii, warem,

Upasalmi 93:1

TER tema tor, A haa icivir iyol; TER cir ikondo iyol, A wa agee iyol; tar taver dông, ua tenger ga.

Upasalmi 95:3

Gadia TER ka Aôndo u vesen, ka Tor u vesen u hemban mbaaôndo mbagenev ca je.

Upasalmi 96:6

Icivir man iengem mba Un sha ishi, agee man mdooashe mba ken icighanjiir Na.

Yesaia 59:17

A haa perapera iyol er rigautya u iyôô nahan; idyer i myom ngu Un sha ityou; A haa iyevoron iyol er ka akondo nahan, man A haa gbashima iyol er ka riga u wuhegh nahan.

Yeremia 23:24

Ma or nana fatyô u za yeren ken ajiir a ken iuv je er Mo Me nenge a nan ga yôô? Kape TER a kaa ne. M iv Sha man tar gaa? Kape TER A kaa ne.

Daniel 7:9

Er m lu kenger her yô, i ver mkônom ma torom; or u tsan sha won kar za tema, akondo a na kungu er senou nahan, man ice i sha ityough nagh kpaa lu er mou u wang nahan; ikônough Nagh ki torough ki teman sha mi lu inyomborusu akaver a na lu usu u yeghen.

Daniel 9:4

Tsô m sôn TER, Aôndo wam, m rumun ibo kpaa, m kaa mer: Tere, Aôndo u hemban, u cier iyol, u U we ikuryan man mhôônom ma zungwen iko a mba U doo ve ishima man mba ve eren sha atindiakaa a Ou kpaa yô;

Habaku 1:12

We, U kera lu hiihii je ga, TERE, Aôndo wam, Icighan wama? Sé kpe ga. TERE, U va a ve sha ci u mtsaha, man We Vande, U ver ve sha u kôôm ior.