Upasalmi 102:14 - ICIGHAN BIBILO

¹⁴ Gadia doo mbayev Ou a awen a na, man mhôônom kôr ve a alôgh a ayou a na la.

Upasalmi 102:14 Iomraidhean Croise

Esera 1:5

Tsô mbavesen mba sha uya mba uter mba Yuda man Benyamin, man upristi kua Mbalevi ve mough; ka mba Aôndo tor asema a ve ityô la cii, sha u ve̱ kôndo ve̱ za maa iyou i TER i i lu ken Yerusalem la.

Esera 7:27

I̱ wuese TER, Aôndo u uter asev, u A we imbakwagh ne ken ishima i tor sha u eren iyou i TER i i lu ken Yerusalem la hwe nahan yô;

Nehemia 1:3

Ve kaam er: Asande a a shi her a a dugh ken kwar a a lu ken ipaventar la nga ken zegecan kua ilyahan kpishi kpaa; gilgar u Yerusalem yôhôl, ucivir nav kpaa usu hia ve.

Nehemia 2:17

Tsô m kaa a ve mer: Ne nenge imbacan i se lu ken i ne, er Yerusalem a hingir ice man ihinda na kpaa usu hia i kera; yô, va, sé maa nen gilgar u Yerusalem sha er sé kera lu kwagh u lahan ga yô.

Nehemia 2:3

M kaa a tor mer: Tor a̱ tsa sha won gbem; á er nan man ishigh yagh kia vihi sha ga, er gar u iwar i uter av i lu ker la, a gem a hingir ice, ihinda na kpaa i hie kera nahana?

Nehemia 4:10

Tsô Yuda kaa er: Agee a mbatôônikav yina man alôgh ngee kpishi, nahan se kera fatyô, u maan gilgar ga.

Nehemia 4:2

a ôr kwagh sha ishigh ki anmgbianev nav kua ikumutya i Samaria, a kaa er: Ka nyi Mbayuda aseeraior ne a erene? Á gba den ve, ve̱ za hemen tsôô? Vea na nagha? Vea kure tom iyange i mômô? Vea nder awen ken atihialôgh a i nande a kera la?

Nehemia 4:6

Nahan se maa gil la; gilgar cii zua zan zan za ar her atô u ityaven na; gadia ior kange ishima sha tom.

Upasalmi 119:126

Kuma pe TER Una er kwagh ve, gadia i vihi atindiakaa a Ou.

Upasalmi 79:1

Aôndo, atôatyev nyôr ken dyako Wou, ve hôngor a icighantempel Wou, ve gema Yerusalem hingir alôgh.

Yesaia 14:1

Gadia TER Una zungwe Yakob mhôônom, Una shi á tsuwa Iserael, Una ver ve er ve̱ tema ken tar ve; ior mba ken nongo ugen kpaa vea nyôr nongo a ve, vea var hen ya u Yakob.

Yesaia 40:2

Ôr nen kwagh u pever Yerusalem ishima, yila nen un genger genger, kaa nen ner, ayange a na a yan ican bee ve, i de un iferkwagh na kpaa; a ngohol mtsaha sha ikev i TER sha asorabo na cii, kuma kwa har je.

Yesaia 51:3

Gadia TER sur Shion ishima, A sur atse a agar a na cii ishima, A gema desereti na hingir er ka Eden nahan, taaikôngo na kpaa er ka sule u TER yô; á zua a msaanyol kua iember her, ishughun kua imo i icam kpaa.

Yeremia 29:10

Gadia TER ngu kaan nahan er: Saa anyom akunduatargber á iv sha ci u Babilon, man Me va sôr ne, Me kure kwaghôron Wam u dedoo a ven, Me hide a ven hen ijiir ne ye.

Yeremia 30:18

TER ngu kaan nahan er: Nenge, Me gema mlu u utenti mba Yakob, uya nav vea kôrom mhôônom, á maa gar na sha ice na, man iyou i tor kpaa sha ijiir i i la vough je.

Daniel 9:16

Yô, Tere, sha aeren a Ou a perapera cii, shi goom a ishima i vihin You man iyugh You sha gar Wou Yerusalem kera, ka icighanwo Wou je la; gadia sha ci u asorabo ase, man aferakaa a uter asev, Yerusalem man ior Ou gema hingir kwagh u lahan hen mba ve kase se cii.

Rutu 1:6

Tsô a mough a kasev mba ônov nav mbala er una due ken tar u Moabi una hide; gadia a ungwa ken tar u Moabi er TER va sôr ior Nav, A na ve kwaghyan.