Upasalmi 101:3 - ICIGHAN BIBILO

³ Me kera ver kwagh u dang sha ashe am mayange ga; m kôr aeren a mba ve kaha ve undu gbenda la ihom, aa var a mo ga.

Upasalmi 101:3 Iomraidhean Croise

Yobu 31:1

M ya ikur a ashe am; nahan á er nan man me kenger sha iniunkwasa?

Upasalmi 119:113

M ker mbaasemaahar ihom, kpa atindiakaa a Ou yô, doom ishima.

Upasalmi 119:37

Gemam ashe kera sha u kenger gbilinkwagh, man taver uma wam u zan sha igbenda You.

Upasalmi 125:5

Kpaa mba ve hulugh ve yem uihurenmbaigbendav vev yô, TER Una due a ve kera a mbaerenifer imôngo. Bem a̱ lu sha Iserael! Ka icam i zan iniongo

Upasalmi 139:22

M kôr ve ihom sha boihom je; ve hingir mbaihomov av.

Upasalmi 14:3

Ve cii, ve hide ijime, ve hingir mbavihin cii; mô u eren dedoo nan ngu ga, môm tsô kpaa ga.

Upasalmi 36:3

Akaaôron a nan a ken zwa u nan ka a ifer man a icughugh kpaa; nan undu mfe nan de u eren dedoo kpaa;

Upasalmi 39:1

M kaa mer, me ver ishima sha aeren a am, sha er me er isholibo sha zwa wam ga yô; me kôron zwa wam tsaha shighe u iferor a lum sha ishi yô.

Upasalmi 40:4

Saan or u nan suur sha Aôndo la iyol, man nan veren ashe hen mbagengeseyol, shin hen mba ve kaha ve dondo aie la ga.

Upasalmi 41:9

Een, kua orwam je, u m suur sha a na se ye kwagh ikagh i môm la, a tumem angahar iyol.

Upasalmi 78:41

ve shi ve mee Aôndo, ve bam Icighan u Iserael.

Upasalmi 78:57

kpa ve hide ijime, ve er sha icugh, er uter vev nahan, ve hure er ada u bo nahan.

Upasalmi 97:10

Ne mba TER A doo ne ishima yô, kôr nen kwaghbo ihom. Un koson uuma mba mba i doo Un a ve la, A yima ve sha ikev i mbaaferev.

Ekesodu 20:17

De tem ya u or u wan ndor a we ga, shi de tem kwase u or u wan ndor a we ga, shin or u shiren nan tom, shin kwase u eren nan tom, shin bua u nan, shin jaki i nan kpaa, kwagh môm môm u a lu u or u wan ndor a we yô, de tem ga.

Ekesodu 32:8

Ve undu gbenda u M kaa ve Mer ve̱ za sha mi la kera kpaa, ve er wanbua u keren a ker, ve va gure un inya, ve na un nagh, ve kaa er: Iserael ka mbaaôndo ou, mba ve dugh a we ken tar u Igipiti je ne.

Anzaakaa 6:12

Gbilinor, iferor, ngu zenden a ifer sha zwa;

Anzaakaa 6:13

ngu nyiar ashe, ngu ôron kwagh sha angahar, ngu tesen ikav sha ahôaveegh;

Anzaakaa 6:25

Dooashe u nan la, a̱ de saren we ken ishima ga; nana̱ de ker u sha akurashee a nan ga.

Anzaakaa 8:13

Mcie u cian TER yô, ka u vendan kwaghbo je; iyolmoron man iceen man gbenda u bo kua zwa u u er kwagh sha ifer yô, m vende.

Orpasenkwagh 6:9

Guda u nengen a kwagh sha ashe a u lun a isharen sha akaa wuee la; kwagh ne kpaa ka gbilinkwagh je, ka u zendan di ahumbe ityô tsô.

Yesaia 30:11

undu nen gbenda, kaha nen sha ihange kera, na nen Icighan u Iserael A̱ ndiir se ashe.

Yesaia 33:15

Ka u nan zenden sha perapera la, man nan er kwagh sha mimi, shi nan lahan mtsera u sha apera, nan nduur ave a nan, nan vende u ngohol inyaregh ki yamen ishô la, nan kondon ato a nan sha u nan ungwa kwagh u iwooor ga, man nan kusu ashe a nan sha u nana nenge iferkwagh kpaa ga yô;

Yeremia 22:17

Kpa ishe you kua ishima you mba sha ma kwagh ugen ga saa mtsera u dang man u haan awambe a orishôôgh, man u eren kwagh sha mkighir man u ngohol kwagh sha apera.

Mika 2:2

Ve tôm ishule man ve ngohol i sha apera, kua ayou kpaa, ve ngohol a kpaa; ka ve nzughul a or kua ya u nan, man a or kua dyako u nan kpaa.

Sekaria 8:17

ma or ken aven nana̱ de kera henen ifer ken ishima i nan sha or u wan ndor a nan ga; mbum u sha aie a̱ de kera doon ne ga; gadia akaa angan cii, M kôr a ihom, kape TER A kaa ne.

Mateu 5:28

Kpa Mo yô, M kaan ne ner hanma or u nana kenger kwase sha u nana tôm un yô, nan er idya a na ken ishima je ve.

Mbaromanu 12:9

Dooshima a̱ de lu sha imanger ga, nyagh nen kwagh u a lu u ifer, var nen sha kwagh u dedoo.

Mbagalatia 4:9

Kpa hegen er ne va fe Aôndo yô, shin guda er ne va lu mba Aôndo A fe ne yô, hii nan man shi ne lu hiden hen ujijingi mba ikoogh ga mbagban kera tsung la, shi i lu saren ne u shi hiden sha ikev ve er ka ikpan nahana?

Duteronomi 13:17

Ma kwagh u i tswer un, de saan a mi ga, sha er TER A̱ de iyugh Na i tsung la, A̱ zungwe u mhôônom, mhôônom ma kôr Un a we, A̱ seer we iyenge er A̱ bum a uter ou nahan,

Duteronomi 15:9

kura iyol you, mhen u dang, a̱ de lu ken ishima you, er ú kaa wer; inyom i sha utaankaruhar, inyom i den injô la mgbôghom ve, ga, man ú gba kenger anngôu u a gbe ican la dang, ú nyume un kwagh man una gema á vaa ieren you la a TER; nahan yô, hingir isholibo je u er ye.

Mbaheberu 10:39

Kpa se yô, se mba mbahirenjime sha u za saan ishe ga, kpa se mba mbananjighjigh sha er uma una war yô.

Yosua 23:6

Nahan yô, taver nen ishima tsung, waan nen akaa a i nger ken ruamabera u atindigh u Mose la cii iko, eren nen sha mi, de undun un kahan ken uwegh ku yanegh shin ku imesegh ga;

2 Peteru 2:21

Gadia guda her a ve u ma ve fe gbenda u perapera ga a u ve vande fan u kera man ve gem ve undu icighantindi u i na ve la.

1 Yohane 2:19

Ve due ken vese, kpa ve lu mba ken a vese ga, gadia vea lu mba ken a vese yô, ma ve lu a vese heregh, kpa ve due sha u á pase er i lu ve cii ve lu ken vese ga yô.

1 Samuel 15:11

Gema vihim er M ver Saulu Mer a̱ tema tor yô; gadia a gema a de u dondon sha a Mo, a er sha imo Yam ga. Nahan ishima vihi Samuel; a tsa vaan a TER kaka.