Upasalmi 101:2 - ICIGHAN BIBILO

² Me ver ishima sha gbenda u u lu a acôghol a wan iyol ga yô. Ka hanma shighe je man Ú shi va hen a moo? Me zenden a ishima i lun a acôghol a wan iyol ga ken iyou yam.

Upasalmi 101:2 Iomraidhean Croise

Genese 18:19

Gadia M tsuwa un sha er a̱ kaa ônov nav man mba ken ya na ken ijime, ve̱ waan gbenda u TER iko, ve̱ eren perapera man kwagh u a lu vough, sha er TER Una kure Aberaham kwagh u A ôr sha a na la yô.

2 Samuel 8:15

Davidi tema tor sha Iserael cii; Davidi ôron ior nav cii ijir sha mimi.

1 Utor 11:4

Er Solomon va bee iyol yô, kasev nav gema un ishima, a dondo mbaaôndo mbagenev; ishima na lu sha TER, Aôndo na, vough, er ishima i ter na Davidi nahan ga.

1 Utor 9:4

Man we yô, aluer wea zenden sha ishigh Yagh, er teru Davidi nahan a ishima i wang man sha perapera, wea eren akaa a M kaa u cii, wea veren ishima sha akaawan a Am man ajiraôron a Am yô,

2 Kroniku 15:17

Kpa i vihi ajiir a taven sha a hen Iserael la kera ga; nahan kpaa ishima i Asa lu jighilii sha ayange na cii.

2 Kroniku 30:12

Shi ken Yuda kpaa TER na ve u lun ishima i môm, u eren sha tindi u tor kua atiator, sha imo i TER la.

Upasalmi 101:6

Ashe am aa lu sha mbamimi mba shin tar, sha u vea lu a mo imôngo yô; or u nan zenden sha gbenda u lun a acôghol a wan iyol ga yô, ka nan je nana erem tom ye.

Upasalmi 119:106

M bum, shi me kure un kpaa, me kuran akaaôron a jirigh a Ou a perapera.

Upasalmi 119:115

Kar nen hen a mo sha, ne mbaerenafer, sha er m̱ kuran atindi a Aôndo wam yô!

Upasalmi 26:11

Kpa mo yô, ka sha ishô yam m zenden ye; paam, zungwem mhôônom.

Upasalmi 40:17

Kpa mo m ngu icanor, oribanave kpaa, nahan kpaa, Ter ka A umbur mo; ka We U lu iwasen yam man Or u yimam mo kpaa ye, de ngôôr ga, Aôndo wam! Ngun ka sha ci u orhemen u mbawanatsam. Ka Pasalmi u Davidi

Ekesodu 20:24

Tam atse a inyaagh; ka sha a, ú naan iniav mbi nanden man iniav mbi bem, iyôngo you kua abua ou ye; sha hanma ijiir i M ver Mer, i̱ umbur iti Yam ker yô, Me va kohol we her, Me ver u doo doo.

Yesaia 38:3

a kaa er: TERE, shi umbur er m zende sha ishigh You sha mimi a ishima i jighilii, shi m er akaa a dedoo sha ashe Ou kpaa yô. Nahan Hesekia gba vaan tsung.

Duteronomi 6:7

tesen ônov ou a sha gbashima je, ôron kwagh u a, zum u wea tema hen ya wou man zum u wea zenden sha gbenda man zum u wea yav inya man zum u wea moughon sha.

Yosua 24:15

Kpa aluer, u civir TER, á lu ne kwagh u bo yô, tsuwa nen u i lu ne ka civir la nyian, shin a lu Mbaaôndo mba Ifi yandera mba uter enev lu civir la, shin mbaaôndo mba Mbaamor, mba ne tem ken tar ve ne; kpa mo a ya wam cii yô, ka TER sé civir Un ye.

1 Samuel 22:14

Tsô Ahimeleki gema kaa a tor er: Ka hanma wanye wou je nan kom u veren ishima sha a nan er Davidi nahana, u a lu wankem u tor, man orhemen u mbakurantor, u a lu a icivir hen ya wou kpaa?