Upasalmi 100:3 - ICIGHAN BIBILO

³ Fa nen er TER A lu Aôndo yô; ka Un A er se ye, se mba u Nav je; se mba ior Nav je, man iyôngo Na i A koson yô.

Upasalmi 100:3 Iomraidhean Croise

2 Utor 19:19

Yô, TERE, Aôndo wase, shi yima se sha ikev na, sha er ityartor i sha won cii i̱ fa er We TER U lu Aôndo, We tseegh yô.

1 Kroniku 16:14

Un, TER, ka Aôndo wase je; ajiraôron a Na nga sha won cii.

Yobu 10:3

Doo u We Ú kighir or a icana, Ú laha tom u ave Ou, man Ú geman Ú wanger mhen u mbaafereve?

Upasalmi 119:73

Ka ave Ou a erem man a maghem kpaa ye; nam mkav, m̱ hen atindi a Ou.

Upasalmi 12:4

ve mba ve kaan er: Ka sha nombor wase man sé hemba la; ityumbujôôgh yase ka i yase ayol a ase je, ka an nan lu tor sha a vese?

Upasalmi 149:2

Iserael a̱ ember ken Un u A gbe un la, ônov mba Shion kpaa, ve̱ ember Tor ve.

Upasalmi 46:10

De nen kera, fa nen, ka Mo M lu Aôndo ye; i kendem sha hen akuraior, i kendem sha shin tar kpaa.

Upasalmi 78:52

A due a ior Nav er ka iyôngo nahan, A hemen ve ken desereti er ikumuile nahan.

Upasalmi 79:13

Nahan yô, se ior Ou man iyôngo You i U kor, sé wuese We gbem sha won, man sé pase iwuese You sha ikov ikov. Ngun ka sha ci u orhemen u mbawanatsam; i ver un sha ikenge i: Ulôhô mba sha Mpase. Ka Pasalmi u Asav

Upasalmi 95:3

Gadia TER ka Aôndo u vesen, ka Tor u vesen u hemban mbaaôndo mbagenev ca je.

Ekesodu 6:7

Me ngohol ne, né hingir Mo ikurior, Me lu Aôndo wen; man shi né fa er Mo TER M lu Aôndo wen u M dugh a ven ken tom u ican u Mbaigipiti yô.

Orpasenkwagh 12:1

Umbur u A gbe u la sha ayange a iyev ou, er ayange a bo a lu a va ga, anyom kpaa a lu a kuma ga, a ú va kaa wer: Kera gbam ishima ga la;

Yesaia 63:11

Kpa A umbur ayange a tsuaa la, man Mose kua ior Nav kpaa. Wen u A dugh orkuran u ikumuile Na shin zegemnger la, ngu hana? Wen u A ver Icighan Jijingi Na hen atô ve la, ngu hana?

Yesaia 63:19

Se hingir we ior mba ve lu a lu sha ikev You mayange ga nahan; beer er ka ior mba i lu a yila ve sha iti You je ga yô.

Yesaia 64:7

Ma or u yilan sha iti You u nan torough iyol i nan er nana var a We, nan ngu ga; gadia U yer ishigh You, man U gbihi se se saa sha ikev i aferakaa ase.

Yeremia 10:10

Kpa TER yô, ka Aôndo u mimi je; Un ka Aôndo u uma je man shi ka Tor u tsôron gbem sha won; sha iyugh Na yô, tar tenger, man akuraior fatyô u kundun ishima sha ishimavihin Na la ga.

Esekiel 34:11

Gadia Ter AÔNDO ngu kaan nahan er: Nenge, Mo iyol Yam, Me ker iyôngo Yam man Me tôv i hwange.

YOHANE 17:3

Man uma u tsôron yô, ka u ve̱ fa U, We Aôndo u mimi tswen, man shi Un u U tindi la, ka Yesu Kristu.

2 Mbakorinte 4:6

Ka Aôndo u A kaa er, iwanger i̱ wanger ken ime la, A lu tan iwanger ken asema ase ye, sha u mkav u iengem i Aôndo i sha ishigh ki Kristu la i̱ wanger se yô.

Mbaefese 2:10

Gadia se mba tomaveegh Na, i gba se ken Kristu Yesu sha ci u aeren a dedoo a Aôndo vande sôron sha u se̱ zenden sha mi yô.

Duteronomi 32:15

Kpa Yeshurun kehe, a ker apande; u kehe, u gba ikôr, u wa ahôm; tsô a gbihi Aôndo u A er un la, a laha Vande u myom na kpaa.

Duteronomi 32:6

Ka TER je, ne gem ne eren a Na nahan yee; ne ior i geseghee i lun kpe ne! Ka Teru u A gbe u ne ka Un A er u, A maa u ye gaa?

Duteronomi 4:35

Ka we i tese u a ye, sha u u̱ fa er i lu TER A lu Aôndo yô; mô gen ngu ga, saa Un tseegh.

Duteronomi 4:39

Fa ase nyian ne, koso ken ishima you kpaa, er i lu TER A lu Aôndo u Sha man u shin tar kpaa yô; mô gen ngu ga.

Duteronomi 7:9

Yô, fa, TER, Aôndo wou, Un ka Aôndo; Aôndo u jighjigh, u A we iko sha ikuryan man erdoo a mba A doo ve ishima man ve we atindi Na iko, zan zan ikov dubu je yô,

1 Peteru 2:25

Gadia ngise ne tsumen er iyôngo nahan kpa hegen yô, ne hide ken Orkuranilev man Orkuran u uuma enev.

1 Peteru 2:9

Kpa ne yô, ne mba icuwannongo, nongo u upristi mba sha inja i tor, icighanikurior, nongoior u Aôndo jim, ka sha u né yôô aeren a Na a ageegh, Un u A yila ne ken ime, A va a ven ken iwanger Na i kpiligh iyol la.

1 Peteru 4:19

Nahan yô, mba ve ye ican sha ishima i Aôndo la, ve̱ wa ayol a ve sha ikev i Ujighjigh u A gbe akaa cii la, ve̱ eren akaa a dedoo.

1 Yohane 5:20

Man shi se fa Wan u Aôndo va kera ve; A na se mkav sha u se̱ fa Un u A lu u mimi la, man se mba ken Un u A lu u mimi la, ka ken Wan Na Yesu Kristu je la. Ngun ka Aôndo u mimi man shi uma u tsôron kpaa.