1 Ember TER, we tar cii.
Me civir We, Tor, Aôndo wam me wuese iti You gbem sha won.
Lu nen saan saan ken TER, ember nen tsung, ne mbaperapera, genger nen imo sha iember, ne mba asema a en a lu jighilii cii yô.
Ne ior cii, kure nen ave, wuese nen Aôndo sha imo i ember.
Aôndo kôndo sha a ikenge; TER kôndo sha, sha mkaa u kôr.
Ember, wuese Aôndo, we tar sha won cii,
Tar cii ua gure, ua civir We, ua wa U icam, ua ter iti You. Sela.
Akuraior a̱ ember, a̱ wa icam i wuese, gadia U er ior ijir sha mimi, man U hemen akuraior a shin tar. Sela.
Ne ityartor i sha won, wa nen icam ter nen Aôndo, wa nen atsam a wuese Ter, Sela
Ember TER, we tar cii; ger, wa nen icam a iember, een, wa nen atsam a wuese.
Wa icam, we wankwase u Shion; genger imo, we Iserael; ember man lu saan saan a ishima i môm, we wankwase u Yerusalem.
TER Una tema tor sha tar cii; sha iyange la TER Una lu môm man iti Na kpaa ia lu i môm.
Za mgbôghom u aren hen soughsough u uwo u Olev yô, mbahenen cii gba ember, wuese Aôndo sha imo i taver sha ci u aerenakaa a vesen a ve nenge yô,
Shi i kaa er: Ember nen ne atôatyev a nongoior Na imôngo.
Ember nen, ne akuraior, a ior Nav imôngo; gadia Una or iyev sha awambe a mbayev Nav, Una or iyev sha mbaahendanev, Una na iwom sha ci u tar Na man ior Nav.
