Upasalmi 10:17 - ICIGHAN BIBILO

¹⁷ TERE, U ungwa isharen i mbaasemaleghlegh; U taver asema ve, U gema U ver ato sha u ungwan,

Upasalmi 10:17 Iomraidhean Croise

1 Kroniku 29:18

TERE, Aôndo u uter asev, Aberaham man Isaka man Iserael, kura kwagh ne ken mhen u asema a ior Ou, gbem, ver ve asema sha a We taveraa;

2 Kroniku 29:36

Hesekia kpaa ember a ior cii, sha ci u kwagh u Aôndo A er sha ci u ior yô; gadia i er kwagh la fefa je.

2 Kroniku 30:12

Shi ken Yuda kpaa TER na ve u lun ishima i môm, u eren sha tindi u tor kua atiator, sha imo i TER la.

2 Kroniku 34:27

er u lu a ishima i legh legh, u hire a iyol you ijime sha ishigh ki Aôndo, zum u u ongo kwaghôron Na u sha ijiir ne kua sha mba ve tem ken i kpaa, man u hire a iyol you ijime sha ishigh Yagh, u ande akondo a ou, u vaa sha ishigh Yagh kpaa yô, nahan Mo kpaa M ungwa u, kape TER A kaa la.

Upasalmi 102:17

A ungwa msen u mba ve lu a orjime ga yô, A laha msen ve je ga.

Upasalmi 145:19

Una na mba ve cie Un la kwagh u a sar ve yô, man shi Una ungwa mliam vem, Una yima ve kpaa.

Upasalmi 34:15

Ashe a TER nga sha mbaperapera, A kegh ato sha u ungwan myer ve kpaa.

Upasalmi 37:4

I̱ saan we iyol ken TER, man Una na u asaren a ken ishima you ye.

Upasalmi 9:12

Gadia Wen u A oron iyev i awambe a i hee inya la, umbur ve; mliam ma mbaatsanev ma hungul Un ga.

Upasalmi 9:18

Gadia á hungul mbaibanave gbem ga, ishimaverenkeghen i mbaatsanev kpaa ia saa gbem ga.

Anzaakaa 10:24

Kwagh u iferor nan cie la, ka un je una tser nan ye, kpa isharen i mbaperapera yô, á na ve i.

Anzaakaa 15:8

Nagh ku aferaior ka TER kwagh u ndôhôrshima je, kpa msen u mbamimi yô, ka Un kwagh u ember je.

Anzaakaa 16:1

Mbamhen mba ken ishima ka mba iorov tsô, kpa imo i kaan ken zwa yô, ka hen TER i dugh ye.

Yesaia 65:24

Tsô er ve lu a yila ga kpaa, Me rumun, man er ve lu a kure kwaghôron ga je, tsô Me ungwa.

Mateu 5:3

Saan mba ve lu mbaibanave ken jijingi la iyol, gadia tartor u Sha ka u ve je.

Mbaromanu 8:26

Kape Jijingi kpaa A wese se ken aseer a ase je ne, gadia se fa u eren msen er i doo u ma se er la ga, kpa Jijingi iyol Na ngu eren msen sha ci wase sha mbamkin gande u pasen.

Mbaefese 2:18

Gadia ka sha a Na man se uhar cii se lu a ian i nyôron hen Ter ken Jijingi môm ye.

Mbaefese 3:12

Ken a Na yô, se mba a vangertiôr man ian i nyôron gbar gbar sha jighjigh u se ne Un la.

Yakobu 4:10

Hire nen ayol a en ijime sha ishigh ki Ter man Una kende ne sha ye.

Yakobu 4:6

Kpa ka A na mrumun u sha mhôôn a ngee je a hemba a hemba. Ka nahan man A kaa er: Aôndo hendan kwagh a mba ve gengese ayol, kpa mba ve hir ayol a ve ijime la yô, ne ve mrumun u sha mhôôn.

1 Peteru 3:12

Gadia ashe a Ter yô, nga sha mbaperapera shi veren ato sha zamber ve kpaa. Kpa Ter gem tsuhur ishigh sha mba ve eren ifer yô.

1 Peteru 5:5

Nahan yô, ne mbayev kpaa ungwan nen imo i mbatamen, man ne cii, haa nen ityough ki taver ga iyol, hen ayol a en, gadia Aôndo hendan kwagh a mbagengeseyol, kpa ne mba ve hir ayol a ve ijime la mrumun u sha mhôôn.