Titu 3:5 - ICIGHAN BIBILO

⁵ A yima se, lu sha aeren a ase a perapera ga, kpa lu sha mhôônom ma zungwen Nam iyol Na lu sha m-ee u i ôô se sha mmar u he, man sha mgem u he u sha Icighan Jijingi

Titu 3:5 Iomraidhean Croise

Yobu 15:14

Or ngu nyi je, u nana lu wang? Man shi u kwase a mar nan, nana lu perapera?

Yobu 25:4

Nahan á er nan man or nana lu perapera sha ishigh ki Aôndo? Shin á er nan man or u kwase a mar nan, nana lu wanger wangeraa?

Yobu 9:20

Shin mea lu a mimi kpaa, zwa wam je ua nam ibo; shin mea lu jighilii kpaa, Una pase er m lu iferor yô.

Upasalmi 130:7

We, Iserael, ver ishima kegh TER, gadia ka hen TER erdoo a lu ye, man hen a Na mpaa ngu wuee.

Upasalmi 143:2

De er wanakiriki Wou ijir ga, gadia ma or u umace nan ngu a ishô sha ishigh You ga.

Upasalmi 51:10

Gba ishima i wang ken a mo, Aôndo, shi ver jijingi u he u taver ken a mo.

Upasalmi 62:12

erdoo kpaa Tere, ka We U lu a mi ye; gadia We U na hanma or injar sha inja i tom u nan. Ka Pasalmi u Davidi dugh zum u a lu ken taaikôngo u Yuda la

Upasalmi 86:15

Kpa We yô, Tere, U ngu Aôndo u mgboughon a mhôônom ma zungwen kua mrumun u sha mhôôn, u wan ishima man u lun a erdoo man mimi wuee je.

Upasalmi 86:5

Gadia We, Tere, U doo, U kegh iyol u den kwaghbo, erdoo Wou ngee a mba ve yer sha iti You cii.

Yesaia 57:12

Me pase perapera wou kua aeren a ou kpaa, aa kera lu u a inja ga.

Esekiel 36:25

Me mishi ne mngerem ma wang, nahan né wanger; Me wanger ne sha ihôngor yen kera cii, man sha akombo a en cii kpaa.

Mika 7:18

Ka an nan lu Aôndo er We nahan, u U deen iferkwagh man U deen atindi a peren a asande a dyako Wou a a shi her laa? Ishima i nyoon We gbem ga, sha ci u erdoo doo U.

Mateu 3:11

Mo yô, m ngu eren ne batisema sha mnger u sha mgemshima tsô, kpa Un u A lu van mo ken ijime la, A hembam agee, akôvangahar a Na tsô kpaa, m kuma u me tôô a ga; Wen yô, Una er ne batisema sha Icighan Jijingi man sha usu kpaa;

Luka 1:50

Mhôônom Nam ma zungwen kpaa ma sha mba ve cie Un la, sha ikov ikov zan zan.

Luka 1:54

A wase wanakiriki Na, Iserael, gadia A umbur mhôônom Nam ma zungwen.

Luka 1:72

Lu sha u zungwen uter asev mhôônom, man shi u umbur icighanikuryan Na kpaa;

Luka 1:78

sha mhôônom ma zungwen tsung ma Aôndo wase la; ka sha ma man sev mbu aven Sha la mbua va hen vese ye,

Mbaromanu 11:14

ka sha u nan ityô yam iwuhe i gban sha kwagh ne, i̱ yima mbagenev ken ve.

Mbaromanu 11:6

Aluer ka sha mrumun u sha mhôôn yô, kera ka sha aerenakaa ga, a lu nahan yô, mrumun u sha mhôôn ma a kera lu mrumun u sha mhôôn ga.

Mbaromanu 12:2

De hingir nen inja i môm a tar ne ga, kpa i̱ gema ne sha mgem u he u mhen wen sha er né kav er ishima i Aôndo i lu yô man kwagh u a doo man a kom u rumun un man shi a lu vough la kpaa yô.

Mbaromanu 3:20

Nahan sha aeren a sha atindi yô, a na ma or u umace ishô sha ishigh Nagh ga, gadia ka sha atindi man i fe asorabo ye.

Mbaromanu 3:28

Nahan se fa, or yô, ka sha jighjigh u nan i ne nan ishô ye, kwagh u aeren a sha atindi ngu sha mi ga.

Mbaromanu 4:5

Kpa or u nan eren tom ga, kpa nan gem nan suur sha Un u A ne mba ve fe Aôndo ga la ishô yô, ka i nenge jighjigh u nan u nan ne la er ka perapera u nan je la.

Mbaromanu 9:11

Kpa er i lu a mar ve ga la je, ve lu a er kwagh u bo shin u doon kpaa ga, lu sha u awashima u Aôndo sha mtsough u Una tsuwa ve la a lu her,

Mbaromanu 9:16

Nahan kera ka kwagh u or u i sar nan la shin or u nan nenge ngegh la ga, kpa ka sha mhôônom ma Aôndo.

Mbaromanu 9:30

Tsô se kaa nana? Se kaa nahan ser, atôatyev a a lu zendan perapera ityô ga la a zua a perapera je, ka perapera u sha jighjigh u nan je la.

1 Mbakorinte 6:11

Kape ne mbagenev kpaa ne vande lun la. Kpa i ôô ne, i tsegha ne, i na ne ishô ken iti i Ter Yesu Kristu man sha Jijingi u Aôndo wase.

Mbagalatia 2:16

Se fa or gbe zuan a ishô sha aeren a sha tindi ga, kpa ka sha jighjigh u nan ken Kristu Yesu. Man se ayol a ase kpaa se na Kristu Yesu jighjigh, sha u ma i ne se ishô sha jighjigh u nan u ken Kristu, i kera lu sha aeren a tindi ga. Gadia sha aeren a tindi yô, ma or u umace nana zua a ishô ga.

Mbaefese 2:4

Kpa Aôndo ngee a mhôônom ma zungwen, ka sha dooshima Na u vesen u se doo Un ishima la man A na se uma a Kristu imôngo je

Mbaefese 4:23

Hingir nen hegh ken jijingi u mhen wen,

Mbaefese 5:26

sha u Una tsegha u er A wanger u sha m-ee u A ôô u sha mnger sha kwaghôron Na,

Duteronomi 9:5

ka sha ci u perapera wou ga; shin ka sha er u lu ishima jighilii yum man u lu nyôron sha u ngohol tar ve ga, kpa ka sha ci u ifer i akuraior ne, man TER, Aôndo wou, A lu zendan ve sha ishigh you kera ye, man shi sha er Una er sha kwaghôron u TER lu bum a uter ou, Aberaham man Isaka man Yakob la.

Mbakolose 3:10

ne haa orhe iyol u ka i sôr un hegh sha u una lu a kwaghfan u sha inja i ibeen i Un u A gbe un la.

WASHIKA U SHA UHAR U PAULU APOSTOLI TINDI HEN TIMOTEU - 2TI 1:9

u A yima se shi A yila se sha icighanmyer la, lu sha ci u aeren a ase ga kpa lu sha awashima Na iyol Na man shi sha mrumun u sha mhôôn Na u i ne se ken Kristu Yesu je er shighe lu a lu ga la.

Titu 3:4

Kpa zum u mhôônom ma kôron man dooshima u Aôndo Oryiman wase va ande yô,

Mbaheberu 10:22

Nahan yô, se kporom nen a ishima i mimi, man a jighjigh u nan u lun a akpelan je ga er i mishi asema ase, i wanger imo i bo i ken ishima la kera, shi i ôô ayol a ase sha mngerem ma wang kpaa yô.

Mbaheberu 4:16

Nahan yô, se kporom nen hen ikônough ki torough ki mhôôn vangertiôr sha u sé ngohol mhôônom ma zungwen man shi i̱ rumun se sha mhôôn, i̱ wase se sha shighe vough.

Mbaheberu 6:6

man vea mase gban kera yô, á fatyô u shi hiden a ve ken mgemshima ga, gadia sha kwagh ve ayol a ve yô, shi mba kimbir u manden Wan u Aôndo sha terankon, heen Un ken igbar.

1 Peteru 1:3

I̱ wuese Aôndo, Ter u Ter wase Yesu Kristu u A mar ne hegh sha mhôônom Nam ma zungwen ma vesen er se̱ lu a ishimaverenkeghen i i lu uma sha mnder u Yesu Kristu shin mbakpenev la,

1 Peteru 2:10

Ngise ne lu nongoior ga, kpa hegen ne gema ne hingir nongoior u Aôndo, i zungwen ne mhôônom ga, kpa hegen yô, mba zungwen ne mhôônom.

1 Peteru 3:21

Ma tese ikav sha batisema u ne kpaa ne lu waren sha mi hegen yô; batisema ka u wanger hôngor u sha iyol kera ga, kpa ka msen u sônon Aôndo imo i wanger wanger i ken ishima sha mnder u Yesu Kristu shin ku.