Titu 3:1 - ICIGHAN BIBILO

¹ Umbur ve ve̱ ungwan imo i mbatarev man mbautahav man mba ve nengen sha akaa, ve̱ de karen imo ve ga, ve̱ wa iyol ve kegh a kegh sha u eren hanma tom u dedoo,

Titu 3:1 Iomraidhean Croise

Anzaakaa 24:21

Wan wam, cia TER kua tor kpaa; de nyer nongo a ior mba moughon ayongo ga,

Orpasenkwagh 10:4

Aluer ishima i ortaregh ia kende sha a we yô, de karen hen ijiir you kera ga, gadia ishima i bem ka i yange ifer i vesen.

Yesaia 43:26

Umbur Mo kwagh, va se hen nen kwagh imôngo; ôr kwagh wou, sha er ú zua a ishô yô.

Yeremia 27:17

De veren ato her a ve ga; er nen tor u Babilon tom, tsô né lu uma; ka sha ci u nyi man gar ne a̱ hingir ice?

Mateu 22:21

Ve kaa a Na er: Ka u Shisar je. Tsô A kaa a ve er: Na nen Shisar akaa a a lu a Shisar yô, Aôndo kpaa na nen Un akaa a a lu a Aôndo yô.

1 Mbakorinte 15:58

Nahan yô, ne anmgbianev av mba doon mo ishima, tile nen dông, de kpoghol nen ga, eren nen tom u Ter ngegh je sha hanma shighe cii, gadia ne fa, ken Ter yô, tom wen ngu gbilin ga.

Mbaefese 2:10

Gadia se mba tomaveegh Na, i gba se ken Kristu Yesu sha ci u aeren a dedoo a Aôndo vande sôron sha u se̱ zenden sha mi yô.

Duteronomi 17:12

Or u nana eren kwagh sha icihi nana vendan u ungwan imo i pristi u nan lu her nan eren tom sha ishigh ki TER, Aôndo wou la, shin nana vendan imo i orjir yô, or la nana̱ kpe; kape ú er man ú dugh ifer ken Iserael kera ne.

Mbafilipi 1:11

né iv a atam a perapera a a lu sha Yesu Kristu la sha ci u icivir man iwuese i Aôndo.

Mbakolose 1:10

sha u ne̱ zende zende u u kom Ter, ne̱ doon Un ken akaa cii, ne̱ umen atam ken hanma tom u dedoo, shi ne̱ vesen ken kwaghfan u Aôndo,

1 Timoteu 2:2

sha ci u utor man ve mba i ver ve sha a-an a icivirigh la cii sha u se̱ tema bem bem, ayôôso a̱ de lu ga, ken mciviraôndo kua mlu u sha inja sha inja sha hanma gbenda cii.

1 Timoteu 4:6

Aluer u tesen anmgbianev akaa ne yô, ú lu ortom u dedoo u Kristu Yesu u i koso u sha akaaôron a sha jighjigh u nan man sha ityesen i dedoo i u dondo sha mi la.

1 Timoteu 5:10

u i er nan shiada sha aeren a dedoo, er nan lu yesen ônov mba nan man nan lu eren a mbavannya dedoo man nan lu ôôn uicighanmbaiorov angahar, man nan lu wasen mbaatsanev man nan lu pendan ishima sha hanma ieren i dedoo cii.

WASHIKA U SHA UHAR U PAULU APOSTOLI TINDI HEN TIMOTEU - 2TI 1:6

M ngu umbur we sha u seer nderen iwua i sha mrumun u sha mhôôn i i lu ken we la sha mpende u m penda ave sha a we la.

WASHIKA U SHA UHAR U PAULU APOSTOLI TINDI HEN TIMOTEU - 2TI 2:14

Umbur ior man shi pase sha ishigh ki Aôndo wer, ve̱ de sendegh kwaghôron sha asemberakaa a ôron ga, nga a inja sha ma kwagh ga, mba ve veren ato sha a kpaa, nga ze a ve ken mtim.

WASHIKA U SHA UHAR U PAULU APOSTOLI TINDI HEN TIMOTEU - 2TI 2:21

Aluer or nana dugh akaa ne ken iyol i nan kera yô, nana lu ikagh ki icivirigh ki i tsegha ki, ki lu or u ki a inja kpishi yô, ki i ser ki sha ci u hanma tom u dedoo yô.

Titu 1:16

Ka ve pase er ve fa Aôndo kpa mba gem mba nyiman Un sha aeren a ve la; kwagh ve ndôhôr ishima, ka mbahembanato kpaa, ve kuma u eren ma kwagh u injaa ga.

Titu 2:14

u A ne iyol Na sha ci wase sha u Una paa se sha hanma ifer cii man shi Una wanger nongoior sha ci Na iyol Na, mba asema a tsee ve u eren akaa a dedoo.

Titu 3:14

Ior mba ken vese ve̱ hen er vea er ityom i injaa sha u wasen sha ugbayol yô, atam a̱ de banen hen a ve ga.

Titu 3:8

Kwaghôron ne ka u jighjigh, sarem pe we ôron akaa ne sha gbashima sha u mba ve suur sha Aôndo yô, ve̱ ver ishima ve̱ tile sha aeren a dedoo her. Ka a je a doo ior shi a lu ve a inja kpaa ye.

Mbaheberu 13:21

A̱ na ne sha u né lu vough sha hanma kwagh u doon cii sha u eren ishima Na, gadia ngu eren kwagh u a doo Un la ken a vese sha Yesu Kristu u A lu a icivir gbem sha won yô. Amen.

2 Peteru 1:12

Nahan yô, me ver ishima u umbur ne akaa ne gbem shin er ne fe a nahan kpaa man shi kera je kpaa, ne lu taver ken mimi u a lu ken a ven la.

Yuda 1:5

Kpa sarem pe umbur ne shin er ne vande fan kera nahan kpaa mer, Ter yima nongoior Na ken tar u Igipiti kpa A mase timin mba ve na jighjigh ga la.