Titu 2:2 - ICIGHAN BIBILO

² Wa mbaganden kwagh wer, ve̱ lu per, ve̱ tema sha inja sha inja, ve̱ lu tsev tsev, i̱ kpe jighjigh ve u nan la iyol kua dooshima man ishima i wan ve la kpaa.

Titu 2:2 Iomraidhean Croise

Yobu 12:12

Ka hen mbatsan sha won kwaghfan a lu ye, shi ka ken ayange a ngeen mkav a lu kpaa ye.

Upasalmi 92:14

Vea ume atam a iyol i been ve her; vea lu a zar kpishi, shi vea lu gese gese kpaa,

Anzaakaa 16:31

Ivu ka tsar u sha ityou u icivirigh, mba zuan a i sha gbenda u perapera.

Yesaia 65:20

Hii sha shighe la je, wanikundan u lun ayange kpuaa nana kera lu ga, gadia wanye nana kpe er anyom a nan aa kuma deri nahan, man orsholibo kpaa ka u nan kom anyom deri la, ifan ia kôr nan ye.

Levitiku 19:32

Mough tile sha, sha ishigh ki or u menden ivu, civir ishigh ki tamenor, cian Aôndo wou; ka Mo TER.

Marku 5:15

Tsô ve va hen Yesu, nahan ve nenge a or u a lu a ujijingi mba bov la, tema, haa akondo iyol, hingir or u kaven kwagh, wen u a lu a mi kpishi la. Nahan cier ve iyol.

Luka 8:35

Tsô ior due sha u vea za nenge kwagh u a er yô; nahan ve va hen Yesu, ve va kohol or u ujijingi mba bov ve due ken a na la, tema hen angahar a Yesu, haa akondo iyol, fa kwagh doo doo kpaa, nahan cier ve iyol.

Aerenakaa A Mbaapostoli 24:25

Zum u a lu ôron kwagh u perapera, man u kôron iyol tsaha man shi kwagh u ijir i i lu van la yô, Feliku cia sulugha, gema kaa er: Hen shighe ne yô, hira za tsô; iyange i ian ia due dedoo, tsô me yila u;

Mbaromanu 12:3

M ngu kaan hanmô wen sha mrumun u sha mhôôn u i nem la mer, nana̱ de nengen sha mlu u nan i̱ hemban er ma nan nenge la ga, kpa nana̱ nenge sha mnenge u mimi, sha inja i kwar u jighjigh u nan u Aôndo A kar hanma or ser ser la.

1 Mbakorinte 15:34

Nder nen tsevaa, de nen u eren isholibo. Mbagenev lan kwagh u Aôndo je, M ngu ôron nahan ka iheen yen je.

1 Mbakorinte 9:25

Hanma or u wan iyol sha iniumbe yô, ka nan kôr iyol i nan tsaha sha akaa cii. Ve yô, ka sha u zuan a tsar u usen tsô, kpa se yô, ka u usen ga.

2 Mbakorinte 5:13

Gadia shin sea lu hunden kpaa, ka sha ci u Aôndo, shin sea lu kaven kwagh kpaa, ka sha ci wen.

Mbagalatia 5:23

man ishima i legh legh man u kôron iyol tsaha. Anzaakaa ne yô, tindi yange a ga.

Mbafilipi 4:8

Kwagh ugen yô, anmgbianev av, ver nen ishima sha hanma kwagh u mimi, man hanma kwagh u a kom icivir, man hanma kwagh u perapera man hanma kwagh u wang, man hanma kwagh u doon ishima man hanma kwagh u a doo u ungwan kpaa. Aluer kwagh u hemban lun a inja una lu man kwagh una kuma iwuese yô, ver nen ishima sha akaa ne.

1 Mbatesalonika 5:6

Nahan yô, se kera hungul nen mnyam er mbagenev nahan ga, se lu nen per geng ge geng.

1 Mbatesalonika 5:8

Kpa se mba se lu mbaatetan yô, se lu nen geng ge geng se har nen perutya u jighjigh u nan man dooshima; man agunduutya yô, ka ishimaveren keghen myom je la.

1 Timoteu 1:10

man mbaerenidya man mbayaven a nomso man mbaiin ior yemen a mi, man mbaerenaie, man mbabumun sha aie, man shi mbaeren hanma kwagh ugen cii u alu sha ityesen i dedoo la ga yô.

1 Timoteu 1:14

Kpa mrumun u sha mhôôn u Ter wase ngee gande man jighjigh u nan kua dooshima mba ve lu ken Kristu Yesu la.

1 Timoteu 1:2

ngu sughun Timoteu, ka wan wam mimi sha jighjigh u nan. Mrumun u sha mhôôn man mhôônom ma zungwen man bem mba ve dugh her Aôndo Ter man Kristu Yesu Ter wase ve̱ lu sha a we.

1 Timoteu 1:5

Kpa ishimaveren i ityesen ne yô, ka dooshima u a dugh ken ishima i wang, man imo i dedoo i ken ishima man shi jighjigh u lun a imanger ga la.

1 Timoteu 3:11

Kape kasev kpaa, ve̱ lu mbamimi je la, ve̱ de lu mbaangerev ga, ve̱ lu mbakundunasema, ve̱ lu jighjigh ken akaa cii.

1 Timoteu 3:2

Orkuran yô, ka u nana̱ lu a acôghol a wan iyol ga keng je, nana̱ lu or u kwase môm, man or u kundun ishima, man or u tsev tsev, man or u eren kwagh sha inja, man or u eren dedoo a mbavannya, man or u fan ityesen kpaa.

1 Timoteu 3:4

I̱ lu or u nengen sha ya u nan dedoo, nana̱ nengen sha ônov mba nan ve̱ tema sha inja sha inja, ve̱ lu mbaungwan kwagh.

1 Timoteu 3:8

Kape udiakon kpaa ve̱ lu la, ve̱ lu ior mba mimi, ve̱ de lu mba ijô ihiar ga, ve̱ de lu mbacihin wain ga, ve̱ de lu mbaeren hua sha mtsera u keren kpaa ga,

1 Timoteu 5:1

De zehe a organden ga kpa wa a wa nan kwagh er ka ter nahan; er a mbayevikaior kpaa er ka anmgbianev nahan,

Titu 1:13

Mpase ne ka u mimi je. Nahan yô, yange ve coholoo sha u i̱ kpe jighjigh ve u nan la iyol,

Titu 1:8

kpa i̱ lu or u eren a mbavannya dedoo, man or u kwagh u dedoo a doo nan man or u tsev tsev man or u jighjigh man icighanor man or u kôron iyol na tsaha kpaa,

Titu 2:7

Lu ve ikav i tesen sha aeren a dedoo man sha ityesen i mimi man mlu u sha inja sha inja

Filemon 1:9

nahan kpaa, sha ci u dooshima yô, hemba doon mo u zamber a zamber—mo Paulu u m lu tamenor ne, u hegen m hingir orkwar u Kristu kpaa ne,

1 Peteru 1:13

Nahan yô, nyôôso nen mfe wen, shi lu nen geng ge geng, ishimaverenkeghen yen i̱ lu sha mrumun u sha mhôôn u i lu van ne a mi sha m-ande u Yesu Kristu la vough.

1 Peteru 4:7

Kpa mkur u akaa cii mgbôghom ve; nahan kundu nen ishima shi lu nen geng ge geng kpaa, sha u né fatyô u eren msen yô.

1 Peteru 5:8

Lu nen geng ge geng shi kuran nen kpaa, orihom wen diabolo ngu zenden er begha u tan kume nahan, keren or u una ya yô.

2 Peteru 1:6

sha kwaghfan la, seer nen u kôron iyol tsaha; sha tsaha u kôron la, seer nen ishima i taver; sha ishima i taver la, seer nen mcivir u civir Aôndo;