Titu 2:11 - ICIGHAN BIBILO

¹¹ Gadia mrumun u sha mhôôn u Aôndo va ande ve, a va a myom sha ci u ior cii.

Titu 2:11 Iomraidhean Croise

Upasalmi 67:2

Sha er á fa gbenda Wou sha won, man myom Wou kpaa ken akuraior cii.

Upasalmi 84:11

Gadia TER Aôndo ka iyange man perutya kpaa; TER Una na mrumun u sha mhôôn man icivir; Una nyume mbazan jighilii la ma kwagh u dedoo ga.

Upasalmi 96:10

Kaa a akuraior wer: TER tema tor, tar kpaa u taver je, ua kera tenger ga. Una ôr akuraior ijir sha mimi.

Yesaia 45:22

Gema nen her a Mo, i̱ yima ne, ne akighir a tar cii; gadia M ngu Aôndo, mô ugen kpaa ngu ga.

Yesaia 49:6

A kaa er: Kwagh ne yina sha a We sha u Ú lu Wanakiriki Wam sha u moughon a ikwe i Yakob sha, man u hiden a mba ve wer ken Iserael la, M ver Ú lu Wanakiriki Wam sha u moughon a ikwe i Yakob sha, man u hiden a mba ve wer ken Iserael la, M ver U Mer, lu iwanger i akuraior, sha u myom Wam a̱ ar zan zan ken ikighir i tar je.

Yesaia 52:10

TER bugh icighanwe Na sha ashe a akuraior cii; akighir a tar cii kpaa, aa nenge myom u Aôndo wase.

Sekaria 12:10

Me haa Jijingi u mhôôn man u zamber sha ya u Davidi man sha mba ve tem ken Yerusalem; man vea kenger Mo u ve komom la; vea zungwe Un er or ka nan zungwe wan u nan u môm môm nahan, asema aa vihi ve sha ci Na, er ishima ka i vihi or sha wan u nan u iunda yô.

Sekaria 4:7

U ngu nyi, we zegewo ne? Sha ishigh ki Serubabel ú hingir shambe shambe; una due a iwen i sha kur a amo a genger sha i er: Mrumun u sha mhôôn, mrumun u sha mhôôn.

Mateu 28:19

Nahan yô, za nen, za gema nen akuraior cii a̱ hingir mbahenen, eren nen ve batisema ken iti i Ter man Wan man Icighan Jijingi.

Marku 16:15

A kaa a ve er: Zende nen sha won cii, za ôr nen uumace cii Loho u dedoo ne.

Luka 24:47

man shi ka ken iti Na man á ôr kwagh u mgemshima man mde u asorabo ken akuraior cii á hii ken Yerusalem je.

Luka 3:6

Man uumace cii vea nenge a myom u Aôndo.

YOHANE 1:14

Man Imo la hingir or je, va tema her a vese, se kenger icivir Na, icivir la lu er ka i Wan u môm môm u Ter nahan, mgbough a mrumun u sha mhôôn man mimi kpaa.

YOHANE 1:9

Iwanger i mimi i i wanger hanma or yô, i lu van shin tar.

Aerenakaa A Mbaapostoli 11:23

Un kpaa, er a za ar man a nenge mrumun u sha mhôôn u Aôndo yô, a ember, a taver ve ishima cii er ve̱ var ken Ter sha gbashima je;

Aerenakaa A Mbaapostoli 13:43

Er mkohol u ken shinagoge hembe yô, Mbayuda mbagenev kpishi man shi mba ve gem ve hingir a hingir Mbayuda mba ve cie Aôndo, ve dondo Paulu man Barnaba; ve kpaa, ve ôr kwagh a mbala, ve taver ve ishima er ve̱ var sha mrumun u sha mhôôn u Aôndo.

Aerenakaa A Mbaapostoli 13:47

Gadia kape Ter A kaa se je ne, er: M ver U Mer, lu iwanger i atôatyev, sha u U za a myom zan zan á ar ken ikighir i tar je yô.

Aerenakaa A Mbaapostoli 17:30

Nahan Aôndo wa ayange a mlan ve la iko ga; kpa hegen yô, ngu pasen ior sha hanma ijiir cii er ve̱ gema ishima,

Aerenakaa A Mbaapostoli 20:24

Kpa her a mo yô, m wa uma wam iko ga, ngum er ka ma kwagh u ikoogh ga, sha u me kure zende wam man tom u m ngohol hen Ter la kpaa, ka u me pase Loho u Dedoo u sha mhôônom ma Aôndo la.

Mbaromanu 10:18

Nahan m ngu pinen mer: Ve ungwa ga shinii? Ve ungwa je: Imo ve samber sha tar sha won cii, akaaôron a ve kpaa za ar sha akighir a taregh.

Mbaromanu 5:15

Kpa iwua i sha mrumun u sha mhôôn la ngi inja i môm a mper u i per tindi la ga, gadia aluer sha tindi u peren u or môm la ior kpishi gema kpe yô, nahan mrumun u sha mhôôn u Aôndo man iwua i sha mrumun u sha mhôôn u Or môm, ka Yesu Kristu je la, ve hemba heera ica je, dumbur sha ior kpishi.

Mbaromanu 5:2

Ka sha a Na kpaa man se zough a ian i nyôron [sha jighjigh u nan] ken mrumun u sha mhôôn u se til sha mi ne ye, shi se mba wuese ser, se mba a ishimaverenkeghen iengem i Aôndo la.

2 Mbakorinte 6:1

Er se lu mbaerentom a Na imôngo yô, se mba wan ne kwagh ser, mngohol u ne ngohol mrumun u sha mhôôn u Aôndo yô, i̱ de lu gbilinkwagh ga.

Mbagalatia 2:21

M ngu tan mhôônom ma Aôndo kera ga, gadia ishô ia lu sha tindi yô, Kristu kpe gbilin je ve.

Mbaefese 2:5

er se lu kpenegh ken gbev mbu nôngon la ye, ka sha mrumun u sha mhôôn i yima ne ye,

Mbaefese 2:8

Gadia ka sha mrumun u sha mhôôn i yima ne ye, sha jighjigh u nan. Man kwagh ne yô, ka her a ven a dugh ga, ka iwua i Aôndo.

Mbakolose 1:23

Saa né tile sha jighjigh u nan dông, né tenger ga, man á mgbeghan ne sha ishimaverenkeghen i Loho u Dedoo u ne ungwa la kera kpaa ga, u i yôô u hen akaa a i gbe a sha won cii, man mo, Paulu, m hingir ortom u u.

Mbakolose 1:6

U nyôr ken ven di er u nyer sha won cii nahan, ngu umen atam, ngu vesen di er ken ven nahan, hii sha iyange i ne ungwa man ne va fa mrumun u sha mhôôn u Aôndo sha mimi la.

2 Timoteu 2:16

Ter wase Yesu Kristu iyol Na man Ter wase Aôndo u se doo Un ishima man A ne se msurshima u tsôron man shi ishimaverenkeghen i dedoo sha mrumun u sha mhôôn la,

1 Timoteu 1:14

Kpa mrumun u sha mhôôn u Ter wase ngee gande man jighjigh u nan kua dooshima mba ve lu ken Kristu Yesu la.

1 Timoteu 2:4

Sar Un u ior cii ve̱ war ve̱ ar sha mfe u fan mimi la.

WASHIKA U SHA UHAR U PAULU APOSTOLI TINDI HEN TIMOTEU - 2TI 1:10

Kpa i pase un ken igbar hegen sha mve u Oryiman wase Yesu Kristu u A ngohol ku agee kera, A va a uma man mtsôr ken iwanger sha Loho u Dedoo.

WASHIKA U SHA UHAR U PAULU APOSTOLI TINDI HEN TIMOTEU - 2TI 4:17

Nahan kpaa Ter yô tile a mo her, A nam agee sha u m̱ ôr kwaghaôndo m̱ kure, atôatyev cii a̱ ungwa. Kape i yiman ken zwa u begha kera ne.

Mbaheberu 12:15

Shi kura nen sha er mhôônom ma Aôndo ma de bundu ma or ga yô, ma mise u yuan kpaa u̱ de menden u̱ ne anzughul man ior kpishi ve̱ zua a hôngor sha mi ga.

Mbaheberu 2:9

Kpa se mba nengen a Yesu u i ver Un A yina sha mbatyomov mba Shaav sha anshighe kpeghee la. Ka sha ci u ican i kuugh la man i cir Un iengem iyol kua icivir kpaa ye, sha u Una kav mlu u kuugh sha ci u ior cii, sha mhôônom ma Aôndo.