Titu 2:10 - ICIGHAN BIBILO

¹⁰ ve̱ de iin ga, ve̱ eren akaa cii sha jighjigh doo doo sha u vea hingir kwagh u hweegh sha ityesen i Aôndo Oryiman wase sha akaa cii.

Titu 2:10 Iomraidhean Croise

Upasalmi 101:6

Ashe am aa lu sha mbamimi mba shin tar, sha u vea lu a mo imôngo yô; or u nan zenden sha gbenda u lun a acôghol a wan iyol ga yô, ka nan je nana erem tom ye.

Yesaia 12:2

Nenge, ka Aôndo A lu myom wam ye; me suur sha a Na me cia ga; gadia TER AÔNDO ka agee am kua icam yam man shi A hingir myom wam kpaa.

Mateu 24:45

Yô, ka an nan lu wanakiriki u jighjigh man u fan kwagh u ter u nan una wa nan ya sha ikev sha u nana naan ve kwaghyan sha ashighe ashighe?

Mateu 5:16

Kape ne kpaa iwanger yen i̱ wanger sha ishigh ki iorough la, sha u ve̱ nenge aeren a en a dedoo man ve̱ civir Ter wen u A lu Sha yô.

Luka 1:47

jijingi wam kpaa ngu ember ken Aôndo, Oryiman wam.

Luka 1:80

Wan la vese man taver a taver ken Jijingi; lu ken taaikôngo zan zan sha iyange i i ver un ken igbar sha ishigh ki Iserael la.

Luka 16:10

U nan lu jighjigh sha ankwagh u kiriki yô, nana lu jighjigh sha kwagh u vesen kpaa; man shi u nan lu perapera sha kwagh u kiriki ga yô, kwagh u vesen kpaa nana lu perapera sha mi ga.

YOHANE 12:6

A kaa nahan, kpa lu sha ci u a wa mbaatsanev iko ga, kpa lu sha ci u un lu ormbaiv yô, man er a tilin ikpanyar yô, a dughun kwagh u i we kimi la.

1 Mbakorinte 4:2

Kwagh ugen u i veren ishima sha mi hen mbakarenkwar yô, ka u ve̱ lu ior mba jighjigh.

Mbaefese 4:1

Mo orkwar u ken Ter ne, m ngu wan ne kwagh mer, zende nen zende u u kom sha myer u i yila ne la,

Mbafilipi 1:27

Kpa kwagh môm yô, mlu wen a̱ kuma sha Loho u Dedoo u Kristu, sha u shin mea va mea va zua ishigh a ven shin mea va ga kpaa, ma m ongo kwagh wen mer, ne tile dông, ne mba ken jijingi môm ne mba ishima i môm, ne mba nôngon imôngo sha ci u jighjigh u nan u sha Loho u Dedoo la.

Mbafilipi 4:8

Kwagh ugen yô, anmgbianev av, ver nen ishima sha hanma kwagh u mimi, man hanma kwagh u a kom icivir, man hanma kwagh u perapera man hanma kwagh u wang, man hanma kwagh u doon ishima man hanma kwagh u a doo u ungwan kpaa. Aluer kwagh u hemban lun a inja una lu man kwagh una kuma iwuese yô, ver nen ishima sha akaa ne.

1 Timoteu 1:1

Paulu, apostoli u Kristu Yesu sha imo i Aôndo Oryiman wase man shi Kristu Yesu, ishimaverenkeghen yase,

1 Timoteu 5:17

Mbatamen mba ve nengen sha ior dedoo yô, i̱ wa ve iko kwa har je, jim yô, ka mba ve lu pasen kwaghaôndo shi ve lu tesen kpaa la.

1 Timoteu 6:1

Mba ve lu ikpan, i te ve igbur cii yô, ve̱ nengen uter vev er ve kom hanma ikoiwan cii, sha u i̱ de teren iti i Aôndo man ityesen Na sha dang ga yô.

1 Timoteu 6:3

Aluer or ngu tesen ityesen igen kposo nan kera rumun akaaôron a Ter wase Yesu Kristu a dedoo la shin ityesen i civir Aôndo kpaa ga yô,

Titu 1:3

Kpa zum u shighe va kuma vough yô, A pase kwaghôron Na sha u yôôn un a yôô, man myee shon yô, i wam sha ikev sha imo i Aôndo Oryiman wase.

Titu 3:4

Kpa zum u mhôônom ma kôron man dooshima u Aôndo Oryiman wase va ande yô,

1 Peteru 2:12

Zende wen u hen atôatyev u̱ lu wanger wanger, sha u aluer mba lamen sha a ven er ka mbaaferev yô, ve̱ nengen aeren a en a dedoo man ve̱ civir Aôndo sha iyange i Una va sôron ne la.

1 Peteru 3:16

Shi lu nen a imo i wang ken ishima sha er kwagh u i lu lamen sha a ven dang dang la je kpaa, ve̱ va ahenge yô, ka ve mba ve lu teren mlu wen u dedoo u ken Kristu sha dang la.

2 Yohane 1:9

Hanma or u nan ze hemen kpishi, kpa nan kera luun ken ityesen i Kristu ga yô, nan ngu a Aôndo ga. Kpa u nan luun ken ityesen ne yô, ka nan je nan lu a Ter man Wan kpaa ye.

1 Samuel 22:14

Tsô Ahimeleki gema kaa a tor er: Ka hanma wanye wou je nan kom u veren ishima sha a nan er Davidi nahana, u a lu wankem u tor, man orhemen u mbakurantor, u a lu a icivir hen ya wou kpaa?

1 Samuel 26:23

TER Una na hanma or sha perapera u nan man sha mimi u nan; TER na u sha uwegh agh nyian, kpa m rumun m za uwegh agh sha or u TER, u i shigh un mkurem ga.