Titu 1:9 - ICIGHAN BIBILO

⁹ nana̱ kôr ave taveraa sha kwaghôron u jighjigh er i tese nahan, sha u nana̱ fatyô u wan ior kwagh sha inja i ityesen i dedoo la man shi sha u nana̱ yangen kwagh a mba ve nyiman la.

Titu 1:9 Iomraidhean Croise

Yobu 2:3

Nahan TER pine Satan er: U fa kwagh u wanakiriki Wam Yobu dedoo kpa? Gadia ma or kuma sha a na shin tar ga, ka or u mimi, u perapera, u cian Aôndo, palegh kwaghbo; man shi a kusu mimi na taveraa shin er u va vemben Mo wer, M̱ kôr un ihom, M̱ tim un sha ityôikaa ga, nahan kpaa.

Yobu 27:6

Me kusu perapera wam, me gbihi un ga, ayange a uma wam cii, ishima ngi nan mo ibo sha imô mayange ga.

Anzaakaa 23:23

Yam mimi, de teen un ga, een, kua kwaghfan man ityesen man mkav kpaa.

Aerenakaa A Mbaapostoli 18:28

Gadia a hemba Mbayuda kwaghôron sha agee, lu ken igbar je, lu tesen ken icighanruamabera er Yesu ka Kristu je yô.

1 Mbakorinte 14:24

Kpa aluer ve cii vea lu ôron kwaghôron u profeti yô, man orgen nana nyôr, a lu or u nan jighjigh ga, shin or u fan kwagh la ga yô, nahan ve cii vea kôôm nan, ve cii vea kar nan kpaa,

1 Mbatesalonika 5:21

Kpa karen nen akaa cii, kôr nen u dedoo la gbang je.

2 Timoteu 2:15

Nahan yô, anmgbianev, tile nen dông, kôr nen akaa a i tese ne la gbang, shin a lu sha kwaghôron, shin a lu sha washika wase kpaa.

1 Timoteu 1:10

man mbaerenidya man mbayaven a nomso man mbaiin ior yemen a mi, man mbaerenaie, man mbabumun sha aie, man shi mbaeren hanma kwagh ugen cii u alu sha ityesen i dedoo la ga yô.

1 Timoteu 1:15

Kwaghôron ne ka u jighjigh, a kuma u rumun un a ishima i môm er Kristu Yesu va shin tar sha u yiman mbaasorabo, man ken ve yô, ka mo m hembe ye.

1 Timoteu 1:19

ú lu a jighjigh u nan man imo i dedoo i ken ishima ye. Mbagenev ta i kera, nahan sha kwagh u jighjigh u nan yô, tso ur ve.

1 Timoteu 4:9

Kwaghôron ne ka u jighjigh, a kuma u rumun un a ishima i môm.

1 Timoteu 6:3

Aluer or ngu tesen ityesen igen kposo nan kera rumun akaaôron a Ter wase Yesu Kristu a dedoo la shin ityesen i civir Aôndo kpaa ga yô,

WASHIKA U SHA UHAR U PAULU APOSTOLI TINDI HEN TIMOTEU - 2TI 1:13

Kwaghôron u dedoo u u zough a mi hen mo yô, a̱ lu u ikav i zan sha mi sha kwagh u jighjigh u nan man dooshima u ken Kristu Yesu.

WASHIKA U SHA UHAR U PAULU APOSTOLI TINDI HEN TIMOTEU - 2TI 2:2

Akaa a u ungwa hen mo, mbashiada kpishi kpaa lu her la, gema wa sha ikev i ior mba ve lu jighjigh mba vea kuma u tesen mbagenev kpaa yô.

WASHIKA U SHA UHAR U PAULU APOSTOLI TINDI HEN TIMOTEU - 2TI 2:25

nana̱ kôôm mbahendan kwagh a nan sha ishima i legh legh. Alaghga Aôndo Una na ve mgemshima vea kav mimi,

WASHIKA U SHA UHAR U PAULU APOSTOLI TINDI HEN TIMOTEU - 2TI 3:14

Kpa we yô, lu ken akaa a i tese u, u ne a jighjigh la, gadia u fa ve mba u hen sha ikev ve la.

WASHIKA U SHA UHAR U PAULU APOSTOLI TINDI HEN TIMOTEU - 2TI 4:3

Gadia shighe ngu van u ior vea kera fatyô u veren ato sha ityesen i dedoo ga, vea kohol mbatesen kpishi sha asaren a ve ayol a ve sha ci u ato vande ngiligh ve yô.

Titu 1:11

I̱ kusu ve ijô keng gadia ka ve nzughul uya mbagenev jimin cii sha ityesen i ma ve tese ga la sha u zuan a mtsera u dang.

Titu 2:1

Kpa we yô, ôron akaa a a kom ityesen i dedoo la.

Yuda 1:3

Ne mbadoon mo ishima, er m lu nôngon sha gbashima u ngeren ne kwagh u myom wase u se zough sha mi la yô, gba u me nger ne me wa ne kwagh keng mer, nôngon nen ityav tsung sha kwagh u jighjigh u nan u i na sha ikev i uicighanmbaiorov inie i môm la.

Mpase U Yohane 2:25

Kpa kwagh u ne lu a mi la yô, kusu nen un gbang gbang zan zan Me kar van.

Mpase U Yohane 3:11

M ngu van fefa. Kusu kwagh u u lu a mi la gbang gbang sha u ma or nana̱ de ngohol we tsar ga yô.

Mpase U Yohane 3:3

Nahan yô, umbur akaa a u ngohol shi u ongo a la, kusu a, gema ishima. Aluer u lu per ga yô, Me va er ormbaiv nahan, ú fa shighe u Me va hen a we ga.