Titu 1:16 - ICIGHAN BIBILO

¹⁶ Ka ve pase er ve fa Aôndo kpa mba gem mba nyiman Un sha aeren a ve la; kwagh ve ndôhôr ishima, ka mbahembanato kpaa, ve kuma u eren ma kwagh u injaa ga.

Titu 1:16 Iomraidhean Croise

Yobu 15:16

man hire u nan ndôhôr ishima nan hôngor kpaa, or u ka nan ma ifer er ka mngerem nahan la!

Anzaakaa 30:12

Kov ugen ngu u u lu perapera sha ashe a ve yô, nahan kpaa, i ôô ve hôngor ve kera ga.

Yesaia 29:13

Ter kaa er: Er ior ne ve kporom her a Mo sha zwa ve, man ve civir Mo sha ityumbujôôgh ve, kpa asema a ve gema gba ca a mo man mciem ma ve lu cian Mo kpaa ka tindi u ior u i tese ve a tese tsô,

Yesaia 48:1

Ungwa nen kwagh ne, we ya u Yakob, ne mba ne yer ayol a en sha iti i Iserael yô, man ne dugh ken mngerem ma Yuda, ne mba ne bumun iti i TER, man ne teren Aôndo u Iserael, kpa i lu sha mimi ga, shin sha perapera kpaa ga.

Yesaia 58:2

Nahan kpaa mba keren Mo ayange ayange man sar ve u fan igbenda Yam, bee er ikurior i eren kwagh u perapera man i undun akaawan a Aôndo ve ga yô, ve gema ve pinem akaawan a perapera, u kporom hen Aôndo kpaa doo ve.

Yesaia 59:13

ka u peren atindi man u nyiman TER, man u geman kera den u dondon Aôndo wase ityô, u ôron kwagh u mkighir u sha ican man mhendan, u henen akaaôron a aiegh ken ishima man ôron a kpaa.

Yeremia 12:2

U môôr ve, ve wa amise je; ve vese, ve ume atam je; U ngu ikua ikua a ve sha zwa ve, kpa U ngu ca a asema a ve.

Yeremia 5:2

Shin vea kaa er: Er TER A lu u uma ne, nahan kpa mba bumun sha aie.

Yeremia 6:30

Mba yer ve er, azurfa u i te kera, sha ci u TER A te ve kera yô.

Esekiel 33:31

Mba van her a we er ior ve ve nahan, ve tema sha ishigh you er ka ior Av nahan, ve ungwa akaaôron a ou, kpa mba eren sha a ga; gadia mba tesen dooshima ve sha zwa kpishi, kpa ishima ve yô, ngi sha mtsera ve.

Numeri 24:16

mpase u or u ungwan akaaôron a Aôndo, u a fe kwaghfan u Uhembanagee, u a nengen mpase u Uhembanagee, u a gbe inya, ashe a na a lu ivegher la.

Mbaromanu 1:28

Er i kera doo ve u rumun Aôndo ga yô, Aôndo gbihi ve ken mhen u a lu u injaagh ga yô, man u eren akaa a lun sha mi ga kpaa.

Mbaefese 5:6

Ma or nana̱ de kera bumen ne sha akaaôron a gbilinigh ga. Ka sha ci u akaa angan ne man iyugh i Aôndo i lu van sha ônov mba ihembeato ye.

1 Timoteu 1:9

I fa kwagh ne nahan er, i ver tindi ka sha ci u or u nan lu u perapera la ga, kpa ka sha ci u mbavendan atindi kua mbahembanato, man shi mba ve vende Aôndo kua mbaasorabo man shi mbalun wang ga kua udangmbaiorov man shi mbawuanuter kua mbawuanungô kua mbawuanior,

1 Timoteu 5:8

Aluer or nana kera nenge sha ior mba nan ga man jim je yô, ka mba ken ya u nan la, nan nyiman jighjigh u nan ve, nan hemba gban kera a or u nan ne jighjigh ga yô.

WASHIKA U SHA UHAR U PAULU APOSTOLI TINDI HEN TIMOTEU - 2TI 3:17

sha u or u Aôndo nana̱ kuma nana̱ lu a ago iyol sha ci u hanma tom u dedoo.

Titu 3:1

Umbur ve ve̱ ungwan imo i mbatarev man mbautahav man mba ve nengen sha akaa, ve̱ de karen imo ve ga, ve̱ wa iyol ve kegh a kegh sha u eren hanma tom u dedoo,

Titu 3:3

Gadia se kpaa, ngise se lu mbalanenkwagh se hemban ato, se tsumen, se lu ikpan i asaren man ugurgurmbaakaav atô kposo kposo, se lu zenden sha aferakaa man iwuhe i eren, mbagenev kôr se ihom shi se lu ihom ayol a ase kpaa.

1 Yohane 2:4

U nan kaa er: M fa Un, kpa nan kera we atindi a Na iko ga yô, nan ngu or u aiegh je, mimi ngu ken a nan ga.

Yuda 1:4

Gadia ior mbagenev nyôr myer, ka mba i ver ve ngise je sha u á ôr ve ijir á na ve ibo ne yô, mba vende Aôndo mba gem mrumun u sha mhôôn u Aôndo wase hingir ve ijimba i eren, mba nyiman Yesu Kristu u A lu Tor wase man Ter wase, Un tswen ne.

Mpase U Yohane 21:27

Ma kwagh u lun wang ga shin ma or u eren akaa a ndôhôr ishima shin u eren aie vea nyôr ker ga, saa mba i nger ve ken ruamabera u uma u Waniyôngo la vea nyôr ker ye.

Mpase U Yohane 21:8

Kpa mbaciankwagh man mbanan jighjigh ga, man mba kwagh ve a ndôhôr ishima la man mbawuanior man mbadyarev man mbaahiriv man mbacivirakombo man mbaerenaie cii, kwar ve ngu ken ber u a lu hian sha usu man sulfur, ka ku u sha uhar je la.

1 Samuel 15:22

Tsô Samuel kaa er: Iniav mbi nanden kua mbi sôngon, doo TER ishima er iko i wan sha imo i TER nahan kpa? Yô, nenge, iko i wan hemba nagh ku sôngon, man u veren ato kpaa hemba ahôm a anomaiyôngo.

1 Samuel 15:24

Tsô Saulu kaa a Samuel er: M er kwaghbo; gadia m wa imo i TER kua akaaôron a ou iko ga, sha ci u m cie ior, m er sha imo ve yô.