Sekaria 9:9 - ICIGHAN BIBILO

⁹ Ember tsung, we wankwase u Shion! Gbidye iwer we wankwase u Yerusalem; nenge, Tor wou ngu van her a we, Un ka u perapera je, man u hemban kpaa, u hiden a iyol Na ijime, A henda jaki, wan u mgbianjaki.

Sekaria 9:9 Iomraidhean Croise

1 Utor 1:38

Nahan pristi Sadoki man profeti Natan man Benaia wan u Yehoyada kua Mbakereti man Mbapeleti ve sen ve za penda Solomon sha alfadari u tor Davidi, ve za a na shin Gihon.

Upasalmi 149:2

Iserael a̱ ember ken Un u A gbe un la, ônov mba Shion kpaa, ve̱ ember Tor ve.

Upasalmi 2:6

Nahan kpaa, Mo M ver Tor Wam sha icighanwo Wam, Shion.

Upasalmi 45:1

Ishima yam iv a kwaghôron u dedoo je, ngu haan. M ngu ôron Tor kwaghôron wam u sha inja; nombor wam ka pensel u orfan kwaghngeren dedoo.

Yesaia 12:6

Genger imo, er ikenge, we u u tem ken Shion ne, gadia Icighan u Iserael u A tem hen atô wou ka u hemban cii je.

Yesaia 30:6

Mkaanem ma Aôndo sha ishôso i ken tar u Imbusutariyan la. Mba karen ken tar u ican man u nyian ishima, henpe ngôbegha man nombegha man igbinde man iyôusu i purugh ve dugh la; ve tôô inyarev sha ajime a agumajaki, man akaa a ve a injaa kpaa sha agundu a urakumi, ve yem hen ior igen i i lu ve a ma inja ga yô.

Yesaia 33:22

Gadia TER ka Orjir wase, TER ka Orwan se atindi, TER ka Tor wase; ka Un je Una yima se ye.

Yesaia 40:9

Unde sha uwo u taven, we Shion u u yee loho u dedoo ne; genger imo taver taver, we Yerusalem u u yee loho u dedoo ne, genger imo de cie ga, kaa agar a Yuda wer: Nenge, Aôndo wen Ngun!

Yesaia 43:11

Ka Mo M lu TER ye; á lu Mo ga yô, ma Oryiman ugen ngu ga.

Yesaia 43:3

Gadia Mo, M ngu TER, Aôndo wou, Icighan u Iserael, Oryiman wou; M na Igipiti hingir kwagh u paan we a mi, man Etiopia kua Seba kpaa sha ityough you.

Yesaia 45:21

Pase nen, due nen a mi; ve̱ hen kwagh ayol a ve: Ka anti nan tese kwagh ne, hii sha ayange a tsuaa la je? Ka anti nan pase kwagh ne sha ayange a tsuaa la? Kera ka Mo TER gaa? Ma aôndo ugen kpaa ngu ga, saa Mo; Aôndo u jighilii man u yiman kpaa ngu ga, saa Mo.

Yesaia 52:7

Angahar a or u nan ve a loho u dedoo, a doo u nengen a mi sha iwo tsô, u nan yee bem, u nan ve a loho u dedoo, u nan yee myom, man nan kaa a Shion er: Aôndo wou ya tor!

Yesaia 57:15

Gadia u A lu Sha, u A hemba Sha, Un u A tem sha ajiir a tsôron gbem, Un u iti Na i lu Icighanti je yô, ngu kaan nahan er: M tem sha ijiir i Sha i i tsegh i yô, shi M tem hen un u a lu a jijingi u vaan afanyô man u hiden a iyol ijime, man Me nder ishima i mbavaanafanyô la.

Yesaia 62:11

Nenge, TER yôô zan zan ar ken ikighir i tar je, er: Kaa wankwase u Shion wer: Nenge, myom wou ngu van; nenge, injar Na ngi a Na, man iyevoron Na kpaa ngi zan Un sha hemen.

Yeremia 30:9

kpa vea er TER, Aôndo ve, tom, kua tor ve Davidi u Me ver ve la.

Esekiel 21:32

Ú hingir kwagh u keer usu a mi; awambe a ou aa lu ken atô u tar, á kera umbur we sha won ga; gadia ka Mo TER M kaa nahan ye.

Hosea 1:7

Kpa Me zungwe ya u Yuda mhôônom, Me yima ve sha er M lu TER, Aôndo ve yô; Me yima ve sha ada shin sha sanker shin sha ikav mbi utyav shin sha anyinya shin sha mbaanyinyav kpaa ga.

Mika 4:8

Uwe, gôgôyou u taven u ikumuile, igungu u wankwase u Shion, ka her a we ua va ye, een, tartor u tsuaa la ua va, ka tartor u wankwase u Yerusalem je la.

Mika 5:2

Kpa we Betelehem-efarata, er u lu kpeghee ken ikwe i Yuda, nahan kpaa ka ken a we or una duem, u una lu Orkurantar ken Iserael ye, mdugh Na hii tsuaa je sha ayange a ngise ngise la.

Sekaria 2:10

Wa icam, ember, we wankwase u Shion; gadia nenge, M ngu van, Me tema ken atô wou, kape TER A kaa ne.

Mateu 1:21

Una mar wan u nomso; ú ii Un iti wer, Yesu; gadia ka Un Una yima nongoior Na sha asorabo a ve ye.

Mateu 11:29

Tôô nen igbur Yam sha ayol a en, va hen nen kwagh sha ikev Yam, gadia M ngu ishima legh legh, man M kehen ityough kpaa ga, tsô né zua a mmem ken asema a en;

Mateu 2:2

ve pine er: Tor u Mbayuda u i mar Un ne, ka han A lu? Gadia se nenge ishan Na sha ityoughkitaregh, man se ve ser, sé va civir Un ye.

Marku 11:7

Mba ve a wanjaki la hen Yesu yô, ve haa un akondo a ve sha ijime, A tema sha mi.

Luka 24:27

Hii sha Mose kua uprofeti cii, A gba pasen ve akaa a sha iyol Na ken Icighanruamabera cii.

YOHANE 1:49

Natanael kaa a Na er: Rabi, U ngu Wan u Aôndo, U ngu tor u Iserael.

YOHANE 19:15

Kpa ve genger imo er: I̱ yem a Na kera, i̱ yem a Na kera. I̱ za mande Un sha terankon. Pilatu kaa a ve er: M̱ mande Tor wen sha terankono? Upristi mba tamen gema kaa er: Se mba a tor ga, saa di Shisar tsô.

Mbaajiriv 10:4

A lu a ônov mba nomso ikundugber mba ve hendan agumajaki ikundugber yô, ve lu a agar ikundugber, i yilan a er, Agar a Yair zan zan nyian, nga ken tar u Gileadi.