Sekaria 9:16 - ICIGHAN BIBILO

¹⁶ Sha iyange la TER, Aôndo ve, Una yima ve er ka ikumuile i ior Nav nahan; gadia vea lu er awen a engem a sha idyer i tor yô, vea engem sha tar Na.

Sekaria 9:16 Iomraidhean Croise

Upasalmi 100:3

Fa nen er TER A lu Aôndo yô; ka Un A er se ye, se mba u Nav je; se mba ior Nav je, man iyôngo Na i A koson yô.

Ekesodu 28:21

Awen la, a̱ lu pue kar ahar sha ati a ônov mba Iserael vough, sha ati a ve ser ser, er ka i gber ikav sha kwagh nahan; hanmô i̱ lu a iti i i; a̱ lu sha ci u ikwe i pue ka ihiar la.

Ekesodu 28:9

Man shi tôô awen a oniki ahar, gber ati a ônov mba Iserael sha a;

Yesaia 40:10

Nenge, Ter AÔNDO Una va sha agee, Una kura tar sha uwegh Nagh je; nenge, injar Na ngi a Na; iyevoron Na kpaa kar ngi zan Un sha hemen.

Yesaia 54:12

Me er ityouv mbi ayoughouv ou sha urubi, ihindagar you kpaa sha ukarbunkel, man gilgar wou cii kpaa á lu sha awen a injaa.

Yesaia 60:14

Ônov mba ior mba ve er u ican yô, vea va her a we agurenu; man mba ve laha u cii, vea shalegh inya hen akevangahar a ou; vea yila u er: Gar u TER, Shion u Icighan u Iserael.

Yesaia 60:3

Akuraior aa va hen iwanger you, utor kpaa vea va hen iwanger i i mondo sha a we la.

Yesaia 62:3

Wea lu tsar u tor u engem ken uwegh ku TER, man idyer i tor ken uwegh ku Aôndo wou.

Yeremia 23:3

Mo Me kohol asande a ikumuile Yam a a shi her la, ken ityar i M zende i i yem ker la cii, Me shi Me hire a i hen ajiir a i; ia ngee kpishi, ia seer a seer.

Yeremia 31:10

Ungwa nen imo i TER, ne akuraior, pase nen i hen ityar i hen kpe u zegemnger i ken ica la; kaa nen ner: Wen u A sambe Iserael la, Una kohol un, una kura un er orkuranilev ka nan kura ikumuile nahan.

Yeremia 31:11

Gadia TER paa Yakob, A yima un sha ikev i or u nan hembe un agee yô.

Esekiel 34:11

Gadia Ter AÔNDO ngu kaan nahan er: Nenge, Mo iyol Yam, Me ker iyôngo Yam man Me tôv i hwange.

Esekiel 34:12

Er orkuranilev ka nan tôv ikumile i nan sha iyange i nan lu ker atô u iyôngo i nan i i sambe i wue wue la, kape Mo kpaa Me tôv iyôngo Yam; Me yima i ken ajiir a i sambe i la cii, sha iyange i abeen man angôghime la.

Esekiel 34:31

Ne iyôngo Yam, iyôngo i M koson i, ne mba ior, man Mo yô, M ngu Aôndo wen, kape Ter AÔNDO A kaa ne.

Mika 5:4

Tsô Una tile, Una koso ikumuile Na ken agee a TER, sha icivir i iti i TER, Aôndo Na; vea tema bem bem, gadia hegen Una hemba zan zan á za ar sha akighir a tar je.

Mika 7:14

Kura ior Ou sha gbough Ough, ikumuile i dyako Wou, mba ve tem tseke ve, ken ikô ker atô u Karmel; de, ve̱ yaan toho ken Bashan man Gileadi er sha ayange a tsuaa la nahan.

Sefania 3:20

Hen shighe la Me hide a ven, hen shighe u Me kohol ne la, gadia Me na ne̱ due a iti, man ne̱ lu a iwuese kpaa ken akuraior a sha won cii, zum u Me gema mlu wen sha ashe a en la, kape TER A kaa ne.

Hagai 2:23

Sha iyange la, kape TER u akum a Sha a kaa ne, Me tôô u, we Serubabel, wanakiriki Wam, wan u Shealtiel, kape TER A kaa ne, Me gema u ú hingir iyôgh ki ken uwe ki veren ikav a min; gadia M tsuwa u, kape TER u akum a Sha A kaa ne.

Sekaria 10:6

Me taver ya u Yuda, Me yima ya u Yosev kpaa. Me hide a ve, gadia mhôônom kôrom a ve, vea hingir je á bee er lu M ta ve kera ga nahan; gadia Mo M ngu TER, Aôndo ve, Me ungwa ve kpaa.

Sekaria 8:23

TER u akum a Sha ngu kaan nahan er: Sha ayange la, iorov pue ken akuraior a hanma zwa cii vea kôr mkaikondo u Oryuda, vea kaa er: Sé za a ven imôngo, gadia se ungwa ser, Aôndo ngu a ven.

Luka 12:32

Ne anikumuile u kpeghee ne, de cie nen ga! Gadia i doo Ter wen u nan ne tartor la.

YOHANE 10:27

Iyôngo Yam ngi ongo imo Yam, Mo kpaa M fa i, ngi dondon sha a Mo kpaa.