Sekaria 9:12 - ICIGHAN BIBILO

¹² Hide yem nen hen iyou i utya i tiaver ne mbauikangenev mba ne lu a ishimaverenkeghen ne; nyian je, M pase Mer: Me ver u iveren ia kuma iveren kwa har je.

Sekaria 9:12 Iomraidhean Croise

Yobu 42:10

Nahan TER dugh Yobu ken ican na kera, zum u a er msen sha ci u akar a na la; TER shi na Yobu akaa kuma er a tsuaa la nahan kwa har.

Yesaia 24:22

Á kohol ve ijiir i môm er ka i kohol mbakwarev shin ihungwa i zan kweng nahan, á wuhe ve ken gaadi, ayange á karen kpishi yô, á va tsaha ve.

Yesaia 38:18

Gadia Sheol fatyô u wuese We ga, man ku kpaa u fatyô u civir We ga; mba ve senen shin ihungwa vea fatyô u suur sha jighjigh Wou ga.

Yesaia 40:2

Ôr nen kwagh u pever Yerusalem ishima, yila nen un genger genger, kaa nen ner, ayange a na a yan ican bee ve, i de un iferkwagh na kpaa; a ngohol mtsaha sha ikev i TER sha asorabo na cii, kuma kwa har je.

Yesaia 49:9

man sha u kaan a mbakwarev er: Due nen, man a mba ve lu ken ime er: Va nen ken igbar. Vea ya kwagh sha igbenda; man sha agungu a kpuun kpuun kpaa vea zua a ajiir a yan kwagh.

Yesaia 52:2

Nduur ihundu iyol kera; mough, tema sha, we Yerusalem; sagh ikangenev sha mon wou kera, we wankwase u kwaregh u Shion.

Yesaia 61:7

Sha ityough ki kunya u ne ye yô, á kimbi ne kwa har; sha ityough ki iheen kpaa vea ember kwar ve; nahan vea ya dyako ken tar ve kwa har vea ember iember i tsôron je.

Yeremia 14:8

We, ishimaverenkeghen i Iserael, Oryiman na, sha ayange a ican, ka nyi man U hingir er orvannya ken tar ne, man er or u nan dugh zende, u nan kaha nan yav tugh tseegh nahan?

Yeremia 16:19

TERE, agee am man garutya wam man ijiir yam i yeren ker sha iyange i ican, ka her a We akuraior aa due ken akighir a tar aa va ye, aa kaa er: Ka aie tseegh a lu dyako u uter asev ve ye ye; ka agbilinakaa, kwagh môm u lun a inja ngu ker ga.

Yeremia 17:13

We TERE, ishimaverenkeghen i Iserael, mba ve undu U cii vea va ahenge. Mba ve pav a Mo cii, á nger ve hen inya, sha ci u ve undu TER, imbor i mngerem ma umam la.

Yeremia 31:17

Ishimaverenkeghen ngi ken mlu wou u masetyô, ka ape TER A kaa ne; ônov ou vea hide hen tar ve.

Yeremia 31:6

Gadia iyange ia va, i mbakuran mba sha iwo i Eferaim vea genger imo vea kaa er: Mough nen, sé kôndo nen sha Shion hen TER, Aôndo wase.

Yeremia 50:28

Ungwa! Imo i mba ve yevese ken tar u Babilon ve war la, sha u za pasen ken Shion iyevoron i TER Aôndo wase, iyevoron i tempel Na.

Yeremia 51:10

TER due a perapera wase ken igbar; va, sé za pase nen tom u TER, Aôndo wase, ken Shion.

Esekiel 37:11

Nahan A kaa a mo er: We wan u or, akuhe angan ka ior i nongo u Iserael cii je la; yô, nenge, mba kaan er: Akuhe ase uma man ishimaverenkeghen yase saa kera; i paa se kera!

Hosea 2:15

Keela Me na un ishule na i ikon i wain man Me gema pev u Akor una hingir un hunda u ishimaverenkeghen; una na mrumun keela er sha ayange a iyev nav man er sha iyange i a due ken tar u Igipiti la nahan.

Yoel 3:16

TER ngu tan kume ken Shion, ngu taver imo ken Yerusalem je; Usha man tar tenger kpa TER Una hingir ijiir i yeren i ior Nav, man garutya u Mbaiserael.

Mika 4:8

Uwe, gôgôyou u taven u ikumuile, igungu u wankwase u Shion, ka her a we ua va ye, een, tartor u tsuaa la ua va, ka tartor u wankwase u Yerusalem je la.

Nahum 1:7

TER doo je, ka ijiir i waren sha iyange i ican; man A fa mba ve suur sha a Na yô.

Mbaheberu 6:18

sha u sha akaa ahar a a lu a geman ga, a Aôndo kpaa Una fatyô u eren aie sha mi ga ne, se mba se yevese ser, sé za war her a Na la, se̱ hemba lun a ishima i taver, sha u kôron ave sha ishimaverenkeghen i i lu se ken hemen la.

Mbaheberu 6:19

I yô, se mba a mi er imandetso i uma i dông i i tenger ga, i nyôr ken ijime i ikondo i yisan nahan.