Sekaria 9:10 - ICIGHAN BIBILO

¹⁰ Me tim akekeautya hen Eferaim kera, man anyinya a utya kpaa ken Yerusalem, man á kar a adautya kera kpaa; Una yôô bem hen akuraior cii, Una tema tor á hii hen zegemnger á za ar hen zegemnger man á hii hen Ifi la zan zan á za ar sha akighir a tar.

Sekaria 9:10 Iomraidhean Croise

1 Utor 4:21

Solomon tema tor sha ityartor cii, hii hen ifi u Uferati zan zan ar hen tar u Mbafiliti, shi ar henpe tar u Igipiti va kighir la; ve lu tan kpandegh, shi ve lu eren Solomon tom sha ayange a a lu uma la cii.

Upasalmi 72:17

Iti na i̱ lu gbem sha won, iti na i̱ samber er iyange i lu her ne, ior ve̱ ver ayol a ve doo doo ken a na, ve̱ wuese un er ka or u sar sar.

Upasalmi 72:3

Iwo i̱ va ior a bem, kua agungu kpaa, sha perapera.

Upasalmi 85:8

Me ungwa kwagh u Aôndo TER Una kaa yô, gadia ôron Na kwagh u bem a ior Nav, man a ior mba i doo Un a ve la; kpa ve̱ de kera shi hilen ken ibume ga.

Upasalmi 89:26

Una yilam er: Ka We, U lu Terem ye, Aôndo wam, man vande u myem wam.

Yesaia 11:10

Sha iyange la, mise u Yese ua lu er tuta u i tim u sha sha ci u ior; ka hen u man akuraior aa ver ishigh ye; ijiir i u i memen kpaa ia engem.

Yesaia 2:4

Una ôr ijir her atô u akuraior, Una kure kwagh u ior kpishi; nahan vea gema usanker vev, vea var indyuhar a mi, awange a ve kpaa aa hingir ahô a sôron ikon a mi; ikurior igen ia kera tsuwa sanker a ikurior igen ga, vea kera hen ityav mbi nôngon kpaa ga.

Yesaia 49:6

A kaa er: Kwagh ne yina sha a We sha u Ú lu Wanakiriki Wam sha u moughon a ikwe i Yakob sha, man u hiden a mba ve wer ken Iserael la, M ver Ú lu Wanakiriki Wam sha u moughon a ikwe i Yakob sha, man u hiden a mba ve wer ken Iserael la, M ver U Mer, lu iwanger i akuraior, sha u myom Wam a̱ ar zan zan ken ikighir i tar je.

Yesaia 60:12

Gadia ikurior vea tartor u ua er u tom ga yô, vea saa ishe, akuraior ngara á tim a purututu.

Hosea 1:7

Kpa Me zungwe ya u Yuda mhôônom, Me yima ve sha er M lu TER, Aôndo ve yô; Me yima ve sha ada shin sha sanker shin sha ikav mbi utyav shin sha anyinya shin sha mbaanyinyav kpaa ga.

Hosea 2:18

Sha iyange la Me ya ikur sha ci ve a inyamtoho man inyon i sha man akaa a kpelan iyav inya; man Me kever ada man sanker, Me bee ityav sha tar, man Me na vea tema bem bem.

Hosea 2:20

Me kange zwa a we sha mimi, nahan ú fa TER.

Mika 4:8

Uwe, gôgôyou u taven u ikumuile, igungu u wankwase u Shion, ka her a we ua va ye, een, tartor u tsuaa la ua va, ka tartor u wankwase u Yerusalem je la.

Mika 5:4

Tsô Una tile, Una koso ikumuile Na ken agee a TER, sha icivir i iti i TER, Aôndo Na; vea tema bem bem, gadia hegen Una hemba zan zan á za ar sha akighir a tar je.

Mika 5:9

Á kende a uwegh ough sha, sha mbaahendanev ou, á tim mbaihomov ou kera cii.

Hagai 2:22

Me yôhôl ikônough ki torough ki ityartor, Me tim tahav mbu ityartor i akuraior kera; Me zôhô akekeautya a mbaunden sha mi la; anyinya man mbahendan a, vea haa inya, hanmô sha sanker u anngô u nan.

Aerenakaa A Mbaapostoli 10:36

Ngun ka kwaghôron u A tindi hen Mbaiserael er A pase loho u bem ken Yesu Kristu. Un ka Ter u ior cii je.

2 Mbakorinte 5:18

Akaa ne cii ka hen Aôndo A dugh ye, Un u A him se a iyol Na ken Kristu, shi A ne se tom u mhim la sha ikev kpaa la.

2 Mbakorinte 5:20

Nahan yô, se mba mbaôronkwagh sha ci u Kristu za iyol er ka Aôndo A lu ôron kwagh a ven ken a vese yô. Se mba zamber a ven sha ci u Kristu ser, i̱ hime ne a Aôndo.

Duteronomi 11:24

Hanma ijiir i ikevnguhar yen ia ndyar yô, ia hingir i yen, hii hen desereti man Lebanon, man hii shin Ifi ka ifi u Uferati je la, zan zan za ar shin zegemnger u shin ityôtar, á lu tar wen cii.

Mpase U Yohane 11:15

Ortyom u Sha u sha utaankaruhar kpaa tôngo, tsô i ungwa uzegembaamoov Sha, ve kaa er: Tartor u shin tar hingir u Ter wase man u Kristu Na ve, Una tema tor gbem sha won.