Sekaria 8:9 - ICIGHAN BIBILO

⁹ TER u akum a Sha ngu kaan nahan er: Ave a en a̱ taver, ne mba ne ongo akaaôron angan sha ayange ne, sha zwa u uprofeti, hii sha iyange i i tim imagh ki iyou i TER u akum a Sha, sha u á maa i ka tempel je la.

Sekaria 8:9 Iomraidhean Croise

1 Kroniku 22:13

Nahan ú lu a iveren aluer wea ver ishima u wan akaawan iko kua akaaôron a ijirigh a TER na Mose sha ci u Iserael yô; lu taveraa, taver ishima; de cie kwagh ga, de yen ishima ga.

1 Kroniku 28:20

Davidi kaa a wan na Solomon er: Lu taveraa, taver ishima, er ase nahan; de cie kwagh ga, de yen ishima ga, gadia TER, Aôndo, Aôndo wam, ngu a we je, Una gbihi u ga, Una undu u ga, zan zan ú kure tom u iyou i TER ne cii.

2 Kroniku 15:7

Kpa ne yô, taver nen ayol, ave a̱ de kpeen ne ga, gadia á na ne injar sha tom wen.

Esera 6:14

Nahan mbavesen mba Mbayuda gba maan; kpe ve iyol, sha kwaghôron u profeti u Hagai man Sekaria wan u Ido ve ôr la; ve maa i, ve kure, sha imo i Aôndo u Iserael man sha imo i Shirushi man Dariu man Artashaseta tor u Pershia la.

Yesaia 35:3

Taver nen ave a vôron la, man taver nen anu a kunden la.

Yesaia 35:4

Kaa nen a mba ve lu a ishima i cian kwagh yum la, ner: Taver nen, de cie nen ga; nenge, Aôndo wen Una va a iyevoron; man mtsaha u Aôndo; Una va á va yima ne.

Hagai 1:1

Sha inyom i sha uhar i tor Dariu, uwer u sha ataratar sha iyange i hiihii i uwer la, kwaghôron u TER va sha ikev i profeti Hagai hen Serubabel, wan u Shealtiel, gomna u Yuda, man hen zegepristi Yosua, wan u Yehosadaki, kaa er:

Hagai 1:12

Nahan Serubabel, wan u Shealtiel, man zegepristi Yosua wan u Yehosadaki kua asande a ior a a shi her cii la, ve wa imo i TER, Aôndo ve, iko kua akaaôron a profeti Hagai er TER, Aôndo ve, tindi un yô; ior kpaa cia sha ishigh ki TER.

Hagai 2:18

Shi ver nen ishima, hii nyian je, nenge nen kwagh u ken ijime la, hii sha uwer u sha utaankarunyiin ayange a u ikundu kar anyiin, hii sha iyange i i tim imagh ki tempel u TER la je, ver nen ishima sha mi.

Hagai 2:21

Kaa Serubabel gomna u Yuda, wer: Me tenger Sha man tar;

Sekaria 8:13

Tsô, er ne lu a ifan iyol ken akuraior nahan, we, ya u Yuda man ya u Iserael, kape Me yima ne la, man nea hingir iveren; de kera cie nen ga, taver nen ave a en.

Sekaria 8:18

Kwaghôron u TER u akum a Sha shi va her a mo er:

Mbaefese 6:10

Kwagh ugen yô, taver nen ken Ter sha tahav mbu agee a Na.

WASHIKA U SHA UHAR U PAULU APOSTOLI TINDI HEN TIMOTEU - 2TI 2:1

Nahan yô, we wan wam, taver ken mrumun u sha mhôôn u ken Kristu Yesu la.

Yosua 1:6

Lu taveraa, taver ishima; gadia ú na ior mban vea ya dyako u tar u M bum a uter vev Mer, Me na ve la.

Yosua 1:8

Ruamabera u atindigh ne a̱ de karen sha zwa wou kera ga, kpa zer timen kimi tugh man atetan, sha er ú ver ishima u eren akaa a i nger kimi cii; gadia ka nahan man ikôr ia lagh u sha akaa cii, shi ka nahan man ú er kwagh sha inja kpaa ye.