Sekaria 8:6 - ICIGHAN BIBILO

⁶ TER u akum a Sha ngu kaan nahan er: Aluer á lu kwagh u kpilighyol sha ashe a asande a ior a a shi her hen ayange la yô, nahan ashe Am kpaa á kpiligh a iyolo? Kape TER u akum a Sha A kaa ne.

Sekaria 8:6 Iomraidhean Croise

Genese 18:14

Ma kwagh u kpilighyol u hemban TER ngu jee? Me hide hen a we sha shighe u i ver la, hen shighe ne nahan, Sara una lu a wan ave.

2 Utor 7:2

Kpa orhemen, u tor suur sha uwegh nagh la, gema kaa a or u Aôndo er: Nenge, shin TER Una bugh a-an Sha je yô, kwagh ne una er nahana? A kaa er: Ú nenge sha ashe ou je, kpa ú ya ga.

Upasalmi 118:23

Ka TER A er kwagh ne ye, ka kwagh u kpilighyol sha ashe ase.

Yeremia 32:17

Ahi! Tere, AÔNDO. Nenge, We, U er Sha man tar sha agee a Ou a vesen man sha uwegh Ough ku naregh; ma kwagh u hemban we ngu ga;

Yeremia 32:27

Nenge, Mo M ngu TER, Aôndo u uuma cii; ma kwagh u hemban Mo ngu jee?

Mateu 19:26

Kpa Yesu gem kenger ve yô, kaa a ve er: Or yô, fe kwagh ne ityô ga, kpa Aôndo yô, fe akaa cii ityô.

Luka 1:20

Nenge, huan you ving, ú kera fatyô u ôron kwagh ga, zan zan iyange i akaa angan aa va er la, sha ci u u ne akaaôron am a aa va er sha shighe u a la, jighjigh ga yô.

Luka 1:37

Gadia ma kwagh môm u a hembe Aôndo u eren un yô, ngu ga.

Luka 18:27

Kpa A kaa er: Akaa a or fe a ityô ga la, Aôndo fe a ityô.