Sekaria 8:23 - ICIGHAN BIBILO

²³ TER u akum a Sha ngu kaan nahan er: Sha ayange la, iorov pue ken akuraior a hanma zwa cii vea kôr mkaikondo u Oryuda, vea kaa er: Sé za a ven imôngo, gadia se ungwa ser, Aôndo ngu a ven.

Sekaria 8:23 Iomraidhean Croise

Genese 31:41

Anyom ikundu angan, m lu hen ya wou; m er u tom anyom pue kar anyiin sha ci u ônov ou mba kasev uhar, anyom ataratar kpaa lu sha ci u ilev you; u gemam injar acin pue je.

Genese 31:7

Ter wen nzughul a mo, a gema injar yam acin pue je; kpa Aôndo na un ian i vihin mo kwagh ga.

2 Utor 2:6

Tsô Eliya kaa a na er: Shi lu heen, gadia TER tindim hen Yordan. A kaa er: Er TER A lu u uma man we kpaa u lu uma ne, me undu u ga. Nahan ve gba yemen hemen.

1 Kroniku 12:18

Tsô Jijingi sen tema sha Amasai, orhemen u mba ikundugber la, a kaa er: Se mba mba ou Davidi; se mba tan ken a we je, we wan u Yese. Lu bem bem; man bem a̱ lu a mbawasen we kpaa; gadia Aôndo wou ngu wasen we. Nahan Davidi rumun ve ver ve mbahemenev mba ikumutya.

2 Kroniku 15:9

Nahan a kohol Yuda cii kua Benyamin man ushirmbaiorov mba ve tem a ve, mba ve due ken Eferaim man Manase kua ken Simeon, gadia ior kpishi due ken Iserael va kohol un er ve nenge TER, Aôndo na, lu a na yô.

Eseter 8:17

Ken hanma ipaven, man hanma gar, henpe imo i tor kaa la man tindi na nyôr yô, Mbayuda lu a iember man ishima i saan saan, ve yôr iwer, ve er iniongo. Nahan mbagenev kpishi ken akuraior a ken tar la, ve gema ve hingir Mbayuda, gadia ve lu cian Mbayuda.

Yobu 19:3

Ka acin pue je, ne lu van mo ahenge ne; ne er a mo dang, kunya kpaa u kôr ne ga.

Orpasenkwagh 11:2

Kar kwar sha ior utaankaruhar, een, zan zan anigheni je kpaa, gadia u fa kwaghbo u una va er shin tar ga.

Yesaia 3:6

Zum u or nana gema nana kôr anngô u nan ken ya u ter u nan, nana kaa er: U ngu a akondo je, yô, lu orvesen wase, ice i i hingir atihi a alôgh ne i̱ hingir sha ikev you,

Yesaia 4:1

Sha iyange la kasev utaankaruhar vea kohol sha or môm, vea kaa er: Sé yaan kwaghyan wase ayol a ase, sé zeren akondo ayol a ase, i̱ gbaa yilan se sha iti you tsô, tôô se aheen ase ne kera.

Yesaia 45:14

TER ngu kaan nahan er: Iwengeoron i Igipiti, man ikav mbi kasuav mbi Etiopia kua Mbasabea, ugôgômbaiorov la, vea per vea va her a we, vea hingir mba ou kpaa, vea dondo u ijime, vea per ken a we a mshirim iyol, vea gule sha ishigh you, vea zamber a we er: Mimi je, ka hen a we tseegh Aôndo A lu ye, mô ugen ngu ga, Aôndo ugen ngu ga.

Yesaia 45:24

Ka ken TER tseegh, kape á ôr kwagh sha a Mo la er, perapera kua agee a lu ye; ka her a Na je ior vea va ye; kpa mba asema a vihi ve a Na cii, kunya ua kôr ve.

Yesaia 55:5

Nenge, wea yila ikurior i u fe i ga, ikurior i i fe u ga kpaa, ia va her a we ayem, sha ci u TER, Aôndo wou, man sha ci u Icighan u Iserael; gadia A civir we.

Yesaia 60:14

Ônov mba ior mba ve er u ican yô, vea va her a we agurenu; man mba ve laha u cii, vea shalegh inya hen akevangahar a ou; vea yila u er: Gar u TER, Shion u Icighan u Iserael.

Yesaia 60:3

Akuraior aa va hen iwanger you, utor kpaa vea va hen iwanger i i mondo sha a we la.

Yesaia 66:18

Gadia M fa aeren a ve kua mbamhen vev; shighe ngu van u Me kohol akuraior cii kua ijô cii, vea va, vea va nenge icivir Yam.

Mika 5:5

Una lu bem; zum u Ashiria una nyôr ken tar wase, man zum u una ndyaren ayou a ase a tor, nahan sea ver mbakuranilev utaankaruhar man mbatarev ken ior anigheni, sha u eren num a na.

Sefania 3:19

Nenge, hen shighe la Me ta sha mba ve eren we ican la cii; Me yima mbakeer, man Me kohol mba i zende ve kera la, Me gema ve vea hingir kwagh u wuese man u duen iti, ve mba kunya ve u lu sha won cii la.

Numeri 14:22

mimi je, ior mban cii, mba ve nenge iengem Yam man uivande Av mba M er ken Igipiti man ken desereti, nahan kpaa, ve meem je i kom kwa pue, ato kpa ve veren sha imo Yam ga ne yô,

Luka 8:44

a za va Un ken ijime a va bende mka ikondo Na; fese nahan imbor i awambe la maa tôndo.

Aerenakaa A Mbaapostoli 19:12

zan zan je yô, i tôô mbaadikpo shin iper i un haren la kpaa, i za a mi i za penda sha mba i kpe ve iyol ga yô, angev atô kposo kposo mbu bee ve, ujijingi mba bov kpaa due.

1 Mbakorinte 14:25

akaa a myer a ken ishima i nan aa hingir ken igbar, nana kuma ishigh inya nana wuese Aôndo, nana pase er, mimi je Aôndo ngu ken a ven.

Yosua 8:35

Ma kwaghôron môm u Mose kaa cii, Yosua de u ôron sha ishigh ki mkohol u ior i Iserael ga, kua kasev man mbayev mba kiriki man mba ve nyer ve a nyôr ve lu zenden a ve imôngo la kpaa.