Sekaria 8:22 - ICIGHAN BIBILO

²² Een, ior kpishi man akuraior a ageegh vea va sha u keren TER u akum a Sha ken Yerusalem, man sha u keren mrumun u sha mhôôn u TER.

Sekaria 8:22 Iomraidhean Croise

Upasalmi 68:30

Yange inyamtoho i hen awoo ne, man ikum i anomabua a anibuav mba akuraior, ndyar ve shin angahar, ve mba inyaregh ki kpandegh ki doon ve yum la; sambe ior mba ityav mbi doo ve yô.

Yesaia 2:2

Sha ayange a masetyô yô, uwo u iyou i TER ua tile dông, ua tav sha ua hemba iwo cii, á kende u sha, ua hemba agungu; akuraior cii aa kôndo sha u iuu.

Yesaia 2:3

Ior kpishi vea za, vea kaa er: Va sé kôndo nen sha uwo u TER, sha iyou i Aôndo u Yakob, A̱ tese se igbenda Na, se kpaa sé zende sha igbenda Na; gadia ka ken Shion man tindi una due ye, kua kwaghôron u TER kpaa ken Yerusalem.

Yesaia 25:7

Man shi sha uwo ne Una vihi ikondo i cirin kera, i i cir sha ior cii la, kua ikondo i yisan i i samber i sha akuraior cii la.

Yesaia 49:22

Ter AÔNDO ngu kaan nahan er: Nenge, Me kende uwegh Agh sha akuraior, Me tim tuta Wam sha ishigh ki akuraior, vea va a ônov ou mba nomso sha ikum, ônov ou mba kasev kpaa á tôô ve sha avande.

Yesaia 49:6

A kaa er: Kwagh ne yina sha a We sha u Ú lu Wanakiriki Wam sha u moughon a ikwe i Yakob sha, man u hiden a mba ve wer ken Iserael la, M ver Ú lu Wanakiriki Wam sha u moughon a ikwe i Yakob sha, man u hiden a mba ve wer ken Iserael la, M ver U Mer, lu iwanger i akuraior, sha u myom Wam a̱ ar zan zan ken ikighir i tar je.

Yesaia 55:5

Nenge, wea yila ikurior i u fe i ga, ikurior i i fe u ga kpaa, ia va her a we ayem, sha ci u TER, Aôndo wou, man sha ci u Icighan u Iserael; gadia A civir we.

Yesaia 66:23

Tsô hii sha uwer u he ne zan zan ar sha uwer u he ugen, man hii sha iyange i memen ne zan zan ar sha iyange i memen igen, uuma cii vea va gure sha ishigh Yagh, kape TER A kaa la.

Yeremia 4:2

Tsô u bum wer: Er TER A lu u uma yô, sha mimi man sha ijirôron i mimi kua sha perapera; nahan akuraior aa ver ayol a a doo doo ken a Na, shi ka ken a Na aa ta ihagh kpaa ye.

Mika 4:2

akuraior kpishi aa za aa kaa er: Va nen, sé za nen sha uwo u TER, hen ya u Aôndo u Yakob, sha u Una tese se igbenda Na man sha u sea zenden sha igbenda Na kpaa; gadia ka ken Shion tindi una due ye, kua kwaghôron u TER kpaa, ken Yerusalem.

Mika 4:3

Una ôr ijir hen atô u ior kpishi, Una kure ijir i akuraior a taver a ken ica, aa gema usanker mba a, aa var indyuhar a mi, man awange a ve kpaa aa hingir ahô a sôron ikon a min; ma ikurior ia kera tsuwa sanker a ikur igen ga, man shi aa kera hen ityav kpaa ga.

Hagai 2:7

shi Me tenger akuraior cii, nahan akaainjaa a akuraior cii aa va, nahan Me iv iyou ne a iengem, kape TER u akum a Sha A kaa ne.

Sekaria 14:16

Tsô hanma or u nan shi ken akuraior a a ve ityav sha Yerusalem la, nana kôndon anyom anyom sha u za civir Tor, TER u akum a Sha, man sha u eren iniongo i atumbe kpaa.

Sekaria 8:21

mbateman ken gar ugen vea za hen ugen, vea kaa er: Sé yem nen fefa, sé za ker nen mrumun u sha mhôôn u TER, man sé ker nen TER u akum a Sha; mo kpaa me za.

Mbagalatia 3:8

Er icighanruamabera tsenganengen er ka sha jighjigh u nan man Aôndo Una na atôatyev ishô ye, a ôr Aberaham ivangeli tsuaa er: Ka ken we man akuraior a sha won cii aa zua a iveren ye.

Mpase U Yohane 15:4

We, Tere, ka an je nana cia U ga, man shi ka an nana civir iti You kpaa ga? Gadia ka We tseegh U lu wang ye, akuraior cii aa va aa va gure sha ishigh You gadia i pase ajir a ôron a Ou a jighjigh la ken igbar ve.

Mpase U Yohane 21:24

Akuraior aa zenden ken iwanger na, utor mba shin tar kpaa ve nyôr a iengem ve ker.