Sekaria 8:19 - ICIGHAN BIBILO

¹⁹ TER u akum a Sha ngu kaan nahan er: Kwaghyan u hôron u sha uwer u sha unyiin man u sha utaan man u sha utaankaruhar man u sha pue, una hingir Yuda kwagh u msaanyol man u iember man uiniongo mba dedoo; nahan yô mimi man bem ve̱ doo ne ishima.

Sekaria 8:19 Iomraidhean Croise

2 Utor 25:1

Tsô sha inyom i sha utaankarunyiin i a ya tor la, uwer u sha pue, ayange a u di kpaa pue la, Nebukadinesar tor u Babilon za va a mbautyav nav cii, er una nôngo ityav a Yerusalem, ve va haa afo; shi ve kaha gil kpaa, ve kase un.

2 Utor 25:25

Kpa sha uwer u sha utaankaruhar la Ishemael wan u Netania, wan u Elishama u ken tsombor u tor, va a ior pue a na imôngo, ve va ta num sha Gedalia, ve wua un kua Mbayuda man Mbakaldi mba ve lu a na imôngo hen Misepa la.

Eseter 8:17

Ken hanma ipaven, man hanma gar, henpe imo i tor kaa la man tindi na nyôr yô, Mbayuda lu a iember man ishima i saan saan, ve yôr iwer, ve er iniongo. Nahan mbagenev kpishi ken akuraior a ken tar la, ve gema ve hingir Mbayuda, gadia ve lu cian Mbayuda.

Eseter 9:22

er ka ayange a Mbayuda zua a mmem sha mbaihomov vev la, man uwer u i gema ishimavihin ve, hingir iember la, man ijungwen hingir iyange i msaanyol; sha er ve̱ gema a, a̱ hingir ayange a iniongo kua a iember, man a tindin iwua hen ayol a ve, kua hen mbaatsanev kpaa.

Upasalmi 30:11

U gemam mzungu wam hingir mo ahan; U saghem ajav, U gema u zerem iember

Upasalmi 34:15

Ashe a TER nga sha mbaperapera, A kegh ato sha u ungwan myer ve kpaa.

Yesaia 12:1

Sha iyange la ú kaa wer: Me wuese We, TERE, gadia shin er U yugh a mo, nahan kpaa iyugh You kar kera, man U ngu surun mo ishima.

Yesaia 35:10

Mba TER A paa ve la vea hide, vea va a icam i wan hen Shion; iember i tsôron ia lu ve sha ityou; vea zua a msaanyol kua iember, ishima i vihin kua ishima i shirin ia yevese kera.

Yesaia 51:11

Mba TER A paa ve la vea hide, vea nyôr ken Shion a atsam zwa, iember i tsôron ia lu ve sha ityo, vea zua a iember kua msaanyol, ishimavihin man ishimashirin ia yevese kera.

Yeremia 36:6

nahan yô, we za, za ôr ken ihurenruamabera, u u nger sha zwa wam la, akaaôron a TER, sha ato a ior, ken iyou i TER, sha iyange i hôron kwaghyan; man shi ôr a sha ato a ior mba Yuda cii, mba ve dugh ken agar a ve kpaa.

Yeremia 39:2

sha inyom i sha pue kar môm i Sedekia, sha uwer u sha unyiin man iyange i sha utaankarunyiin i uwer la, i pev gilgar—

Yeremia 52:4

Tsô, sha inyom i sha utaankarunyiin i a ya tor la, uwer u sha pue, ayange a u di kpaa pue la, Nebukadinesar tor u Babilon za va, a mbautyav nav cii, er una nôngo ityav a Yerusalem; ve haa afo, shi ve maa ayou a taver, ve kase un.

Esekiel 18:8

man nan ne injô, nan we mngerem ga, man nan ngohol mtsera kpaa ga, nan dugh uwegh ku nan sha kwaghbo kera, nan er ijir sha mimi hen atô u orgen a orgen,

Esekiel 24:1

Shi, ken inyom i sha utaankarunyiin, uwer u sha pue, ayange a u di kpaa pue, kwaghôron u TER va her a mo er:

Sekaria 7:3

ve̱ za pine upristi mba sha iyou i TER u akum a Sha man uprofeti, er: M̱ vaan, man m̱ hôron kwaghyan sha uwer u sha utaan, er m vande eren anyom a a kar kpishi la nahan shinii?

Sekaria 7:5

Ôr kwagh a ior mba hen tar ne cii man a upristi kpaa, kaa wer: Er ne lu hôron kwaghyan man zungwen sha uwer u sha utaan man u sha utaankaruhar la, anyom a akunduatargber ne cii, lu sha ci Wam je ne hôr kwaghyan ye he?

Sekaria 8:16

Ka akaa a né er a ne: Ôron nen kwagh sha mimi, hanma or a orgen; ôron nen ijir sha mimi man sha bem hen ihindagar yen;

Sekaria 8:18

Kwaghôron u TER u akum a Sha shi va her a mo er:

Sekaria 8:3

TER ngu kaan nahan er: Me shi Me hide hen Shion Me tema ken atô u Yerusalem; man á yila Yerusalem er Gar u mimi, man uwo u TER u akum a Sha er Icighanwo.

Mpase U Yohane 22:15

Ken won yô, ka iwa man mbaahiriv man mbadyarev man mbawuanior man mbacivirakombo man mba aie a doo ve ishima shi ve eren un kpaa la.