Sekaria 8:16 - ICIGHAN BIBILO

¹⁶ Ka akaa a né er a ne: Ôron nen kwagh sha mimi, hanma or a orgen; ôron nen ijir sha mimi man sha bem hen ihindagar yen;

Sekaria 8:16 Iomraidhean Croise

Upasalmi 15:2

Ka u nan zenden jighilaa, nan eren perapera, nan er kwagh sha mimi ken ishima i nan,

Upasalmi 34:15

Ashe a TER nga sha mbaperapera, A kegh ato sha u ungwan myer ve kpaa.

Anzaakaa 12:17

Or u nan kaan mimi yô, ka perapera je nan pasen ye, kpa shiada u aie yô, ka icugh.

Anzaakaa 12:19

Zwa u ôron kwagh sha mimi, ua lu gbem, kpa nombor u eren aie yô, ua lu di her dôghôô tsô.

Yesaia 9:7

Mseer u tarkuran kua bem vea lu a ikighir je ga, sha ikônough ki torough ki Davidi man sha tartor na kpaa, sha er á ver u dông u̱ lu taveraa sha ijirôron i vough kua sha perapera, hii hegen je zan zan gbem sha won. Gbashima u TER u akum a Sha una er kwagh ne.

Yeremia 22:3

TER ngu kaan nahan er: Ôron nen ijir sha mimi man perapera, yiman mba i nzughul a ve sha ikev i ipilaor; de kera eren orvannya shin ancôghol shin kwasecôghol kwagh u bo shin kwagh u iperagh ga, man shi de kera haan awambe a orishôôgh inya hen ijiir ne ga.

Esekiel 18:8

man nan ne injô, nan we mngerem ga, man nan ngohol mtsera kpaa ga, nan dugh uwegh ku nan sha kwaghbo kera, nan er ijir sha mimi hen atô u orgen a orgen,

Esekiel 45:9

Ter AÔNDO ngu kaan nahan er: I̱ kuma ne, ne utor mba Iserael; de nen ipila man mkighir, eren nen kwagh sha mimi man sha perapera; de nen u zendan ior Av, kape Ter AÔNDO A kaa ne.

Levitiku 19:11

De iin nen ga, man de eren nen aie ga, man de tsughun nen ayol a en ga.

Amoshi 5:15

Kôr nen kwaghbo ihom man kwaghdedoo a̱ doo ne ishima; rumun nen ijirôron i mimi hen hundagar; shin alaghga TER, Aôndo u akum a Sha, Una zungwe asande a Yosev a a shi her la mhôônom.

Amoshi 5:24

Kpa ijirôron i mimi i̱ kuwa er ka mngerem nahan, man perapera kpaa er ka uwagh u tôndon ga nahan.

Mika 6:12

Gadia mbanyarev mba ve lu keregh la ve mgbough a ipila, man mba ve tem ker kpaa ve er mbaaie, nombor u ken zwa ve iv a icugh.

Mika 6:8

Yô, A tese u, kwagh u dedoo, we or; tsô ka nyi TER A keren her a we, saa u eren kwagh u mimi man u soon u zungwen mhôônom, man u hiden a iyol ijime er u zenden vea Aôndo wou la gaa?

Sefania 3:13

Asande a Iserael a a shi her aa kera er ifer ga, man shi aa kera er aie kpaa ga; á kera zua a ma nombor u icughugh ken zwa ve kpaa ga; gadia vea ya kwagh, vea yav inya, ma or u tan ve mciem nana kera lu ga.

Sekaria 7:9

TER u akum a Sha ngu kaan nahan er: Ôr ijir sha mimi, tese erdoo man mhôônom ma zungwen, hanma or a anngô u nan,

Sekaria 8:19

TER u akum a Sha ngu kaan nahan er: Kwaghyan u hôron u sha uwer u sha unyiin man u sha utaan man u sha utaankaruhar man u sha pue, una hingir Yuda kwagh u msaanyol man u iember man uiniongo mba dedoo; nahan yô mimi man bem ve̱ doo ne ishima.

Sekaria 8:3

TER ngu kaan nahan er: Me shi Me hide hen Shion Me tema ken atô u Yerusalem; man á yila Yerusalem er Gar u mimi, man uwo u TER u akum a Sha er Icighanwo.

Mateu 5:9

Saan mba ve ker num la iyol, gadia á yila ve er, ônov mba Aôndo.

Mbaefese 4:17

M ngu ôron kwagh ne ken Ter m ngu eren shiada mer, mayange de kera zenden nen er atôatyev a zenden sha mhen ve u gbilinigh la nahan ga.

Mbaefese 4:25

Nahan yô, dugh nen aie kera, hanma or nana̱ ôron kwagh sha mimi a or u nan we ndor a nan yô gadia se mba alegh ayol a ase.

1 Mbatesalonika 4:6

Ma or môm nana̱ de kera tsughun anmgbian u nan sha kwagh ne, nana̱ eren nan kwagh u vihin ga, gadia Ter ka u oron iyev sha akaa ne cii er se vande kaan ne shi se pase ne nahan kpaa.

Mpase U Yohane 21:8

Kpa mbaciankwagh man mbanan jighjigh ga, man mba kwagh ve a ndôhôr ishima la man mbawuanior man mbadyarev man mbaahiriv man mbacivirakombo man mbaerenaie cii, kwar ve ngu ken ber u a lu hian sha usu man sulfur, ka ku u sha uhar je la.