Sekaria 8:14 - ICIGHAN BIBILO

¹⁴ Gadia TER u akum a Sha ngu kaan nahan er: Er M wa ishima u eren ne kwagh u bo zum u uter enev bamem la, man ishima gemam kposo sha kwagh la ga, kape TER u akum a Sha A kaa ne,

Sekaria 8:14 Iomraidhean Croise

2 Kroniku 36:16

kpa ve gema ve se mbatyomov mba Aôndo, ve laha kwaghôron Na, ve nenge sha uprofeti Nav kpenenene, zan zan iyugh i TER mough sha ior Nav je gbenda u vea war kera lu ga.

Upasalmi 33:11

Mhen u TER ngu dông gbem sha won, mbamhen mba ken ishima Na kpaa mba sha ikov ikov.

Yesaia 14:24

TER u akum a Sha bum kaa er: Mimi je, er M hen nahan, kape á er la; man er M ver ishima nahan, kape á lu la;

Yeremia 20:16

Or shon la nana̱ hingir er agar a TER yôhôl a, je A kera vaa afanyô ga la, nana̱ ungwa shisha vaa pepe man ikengeutya iyange sha tembe,

Yeremia 29:11

Gadia M fa mbamhen mba M lu henen sha a ven ne, kape TER A kaa ne, ka mhen u bem, ka u bo ga, sha u nan ne ishimaverenkeghen i dedoo ken masetyô.

Yeremia 31:28

Tsô, er lu M ver ishima sha a ve u wuhen man u yôhôl man u karen a mi sha, man u timin man u vihin ve kera la, kape Me gema Me ver ishima sha u maan man u môôr ve la, kape TER A kaa ne.

Yeremia 32:42

Gadia TER ngu kaan nahan er: Er M hee ior mban kwaghbo u vesen ne iyol nahan, kape Me va di ve a mkpeyol cii u M ter sha ve la.

Yeremia 4:28

Ka sha ci u kwagh ne, tar ua zungwe, Sha kpaa una hingir il, gadia M ôr kwagh ne man M ver ishima sha mi, Me kera vaa afanyô ga, Me gema ishima Yam sha mi kpaa ga.

Esekiel 24:14

Ka Mo TER M kaa nahan ye; á va er nahan kpee, Me er un; Me de ga, Me tsegha kpaa ga, man afanyô kpaa Me vaa ga; sha igbenda you, man sha aeren a ou, vea ôr u ijir ye, kape Ter AÔNDO A kaa ne.

Sekaria 1:2

Ishima vihi TER tsung a uter enev.

Sekaria 1:6

Kpa akaaôron Am man akaawan a Am, a M wa mbatomov Av, uprofeti la yô, a kôr uter enev gaa? Nahan ve gema asema ve kaa er: Er TER u akum a Sha A we ishima u eren a vese sha inja i igbenda yase man sha inja i aeren a ase la yô, kape A er a vese je la.