Sekaria 8:10 - ICIGHAN BIBILO

¹⁰ Gadia er ayange la lu a kuma ga yô, injar lu sha ci u or, shin sha ci u zendenya kpaa ga; man shi or u nyôron shin u duen lu a mwar ga sha ci u orihom; gadia M sende ior ityough cii, hanma or nan lu ihom a or u wan ndor a nan.

Sekaria 8:10 Iomraidhean Croise

Yesaia 19:2

Me tor Mbaigipiti ityô, Mer ve̱ ta num sha Mbaigipiti; vea nôngo ityav hanma or a anngô u nan man hanma or a or u wan ndor a nan, gar a gar man tartor a tartor.

Yeremia 16:16

Nenge, Me tindi, á yila mbakôronishu kpishi, kape TER A kaa ne, vea va kôr ve; ken masetyô Me tindi, á yila mbayarenikôr kpishi, vea num ve sha hanma uwo man sha hanma igungu man ken ikwe i avande kpaa.

Amoshi 3:6

Ka a tôngo ikpamkor ken gar nahan, mciem ma ta ior iyol ga kpa? Kwagh u bo una gba nyôron ken gar tsô, a lu TER A ve a mi ga kpa?

Amoshi 9:4

Shin vea yem uikangen sha ishigh ki mbaihomov vev kpaa, shi Me kaa sanker her una wua ve; Me ver ashe sha a ve sha u eren ve kwagh u bo, á kera lu kwagh u dedoo ga.

Hagai 2:15

Hegen yô, shi ver nen ishima, hii nyian je, nenge nen kwagh u ken ijime la, er i lu a ver iwen sha iwen igen ken tempel u TER ga je yô.

Mbaajiriv 5:11

Ca a ayôôso a mbakerenavaan, hen ajiir a kesen mngerem la; keela je, vea kimbir u ôron aeren a perapera a TER, ka aeren a Na a perapera a sha tom Na u tor ken Iserael la; zum la ior i TER sen hen ihinda.