Sekaria 7:9 - ICIGHAN BIBILO

⁹ TER u akum a Sha ngu kaan nahan er: Ôr ijir sha mimi, tese erdoo man mhôônom ma zungwen, hanma or a anngô u nan,

Sekaria 7:9 Iomraidhean Croise

2 Samuel 9:7

Davidi kaa a na er: De cie ga, gadia mimi je me er a we dedoo sha ci u teru Yonatan; me hide u a tar u teru, Saulu, cii; ú ya kwagh sha tebul wam gbem.

Yobu 31:20

aluer iwenge na ia wuese mo ga, man aluer a tsee un iyol sha ul u iyôngo yam kpaa ga yô;

Yobu 6:14

Or u nan eren a ikar u nan dedoo ga yô, nan de u cian Uhembanagee je ve.

Anzaakaa 21:3

U eren perapera kua mimi, hemba doon TER a nagh ku nan.

Yeremia 21:12

We, ya u Davidi, TER ngu kaan nahan er: Ôron ijir sha mimi pepe, yiman mba i nzughul a ve sha ikev i ipilaor la, sha er iyugh Yam i̱ de dugh er usu nahan u̱ hia zan zan ma or nana̱ fatyô u pirin u ga ze, sha ci u iferkwagh i aeren a en la.

Yeremia 22:3

TER ngu kaan nahan er: Ôron nen ijir sha mimi man perapera, yiman mba i nzughul a ve sha ikev i ipilaor; de kera eren orvannya shin ancôghol shin kwasecôghol kwagh u bo shin kwagh u iperagh ga, man shi de kera haan awambe a orishôôgh inya hen ijiir ne ga.

Yeremia 7:23

Kpa tindi ne M wa ve, M kaa Mer: Ver nen ato sha imo Yam, nahan Me hingir Aôndo wen, man shi ne kpaa né hingir ior Av, man zende nen sha gbenda u M kaa ne la cii, sha u i̱ kpe ne iyol yô.

Yeremia 7:5

Gadia aluer nea sôr igbenda yen kua aeren a en wang yô, man aluer nea ôron ijir sha mimi a hanma or yô;

Esekiel 18:8

man nan ne injô, nan we mngerem ga, man nan ngohol mtsera kpaa ga, nan dugh uwegh ku nan sha kwaghbo kera, nan er ijir sha mimi hen atô u orgen a orgen,

Esekiel 45:9

Ter AÔNDO ngu kaan nahan er: I̱ kuma ne, ne utor mba Iserael; de nen ipila man mkighir, eren nen kwagh sha mimi man sha perapera; de nen u zendan ior Av, kape Ter AÔNDO A kaa ne.

Hosea 12:7

Ka orkasua je, uikaren mba icughuv mba sha uwegh nagh; u ngohol mtsera ganden ikaa inya doo un.

Levitiku 19:15

De eren ifer sha ijirôron ga; de gbe tan ken icanor tsô ga, de hembe wan shagbaor iko kpaa ga, kpa ôr or u nan we ndor a we ijir sha perapera je.

Amoshi 5:24

Kpa ijirôron i mimi i̱ kuwa er ka mngerem nahan, man perapera kpaa er ka uwagh u tôndon ga nahan.

Mika 6:8

Yô, A tese u, kwagh u dedoo, we or; tsô ka nyi TER A keren her a we, saa u eren kwagh u mimi man u soon u zungwen mhôônom, man u hiden a iyol ijime er u zenden vea Aôndo wou la gaa?

Sekaria 7:7

Kera ka akaaôron a TER lu ôr sha uprofeti mba tsuaa mbala, zum u ior tema ken Yerusalem man ve lu a mkpeyol, man agar a na a a kase un tser la, man ior lu ken tar u Imbusutariyan man shin tar u Pev la gaa?

Sekaria 7:8

Tsô kwaghôron u TER va hen Sekaria er:

Mateu 23:23

Kwagh á tser ne, ne mbangeren man Mbafarishi, ne mbaimangerev. Gadia ne mba tsough môm-ken-upue u kunguraku man yiye man ayegh, kpa ne kera wa akaa a a hembe lun a inja ken atindi la iko ga, er: ijirôron man mhôônom ma zungwen man jighjigh u nan, er i lu u né eren akaa ngan keng yô, shi ma ne de u eren angara kpaa ga.

Luka 11:42

Kpa kwagh á tser ne! Ne Mbafarishi, gadia ne mba tsough môm-ken-upue u kunguraku man rue man hanma ihuugh, kpa ne kera wa ijir man dooshima u Aôndo iko ga. Er i lu u ma ne eren akaa angan keng yô, shi ma ne de u eren angara kpaa ga.

YOHANE 7:24

De ôron nen ijir sha kwagh u ne nenge tsô ga, kpa ôron nen ijir sha mimi je.

YOHANE 7:51

Atindi ase ka a gba nan or ibo er i lu a ungwa kwaghôron u nan shin i lu a fa kwagh u nan eren la ga jee?

Duteronomi 22:1

Aluer u nenge bua u anngôu ngu tsumen, shin iyôngo i nan kpaa, de geman ashe kera ga, kpa hide a mi hen anngôu la kpee.